Білімдегі олқылықтардың орнын толтыру мен үлгерімі нашар оқушылармен жұмыс жоспарының жүзеге асырылуын анықтау бойынша

АНЫҚТАМА

2024-2025 оқу жылының әдістемелік нұсқау хаттың негізінде оқу жылының басында біліміндегі олқылықтардың орнын толтыру және жою бойынша жұмыс жоспары жасалып бекітілді.

Жұмыс жоспарының негізінде оқушылардың өткен оқу жылындағы алған білімдерін тексеру мақсатында 2-11 сыныптардың оқу пәндерінен әкімшілік диагностикалық бақылау жұмыстары алынды. Алынған бақылау жұмыстарының нәтижесі бойынша әр сыныптан білімінде олқылығы бар оқушылар анықталды. Әр пән мұғалімі оқушылардың өткен оқу жылындағы білімдеріндегі олқылықтардың орнын толықтыру мақсатында жаңа оқу жылына арналған оқу бағдарламасындағы оқу мақсаттарының меңгерілуін қамтамасыз ету бойынша мақсатты жұмыс жоспарларын жасап, бекіттірді. Жұмыс жоспарлары бойынша қосымша сабақтар кестесі жасалып бекітілді, кестеге сәйкес білімінде олқылығы бар оқушылармен қосымша жұмыстар жүргізіліп жатыр.

2024-2025 оқу жылы бойынша үлгерімі төмен оқушылармен жұмыс жоспары бекітіліп, әр пән мқғалімі өз жұмыстарын іске асыратын болады. Мұндағы негізгі мақсаты: үлгерімі төмен оқушылармен түрлі жұмыстар жүргізу арқылы оқу үлгерімін арттыру. Балалардың артта қалуы мен нашар оқуын болдырмау және алдын алу. Үлгерімі төмен оқушылардың оқуға, формула жазу, формула бойынша орнына қою, көбейту өлшем бірліктерді түрлендіруоны ретімен жазуға қабілеттерін арттыру, оқу сапасын көтеру, пәнге деген қызығушылығын арттыру, зертханалық жұмысты орындау, әріптің дұрыс жазып, оқуын қалыптастыру.

Үлгерімі төмен әр сыныпта кездесед. Әсіресе, математика пәні бойынша үлгерімі төмен оқушылар баршылық. Сабақ барысында есептің берілгенін жазу, жауапты қайталау, қосымша жұмыс жоспары құрылып, жұмыс мазмұны күнделікті сабақта оқушыларға жеке тапсырмалар беріліп отырады. Жұмыс басында атап кеткен оқушылар қосымша тапсырмаларға арналған дәптер бастады. Берілген тапсырмаларды оқушылар арнайы бастаған қосымша дәптеріне орындайды. Үлгерімі төмен оқушылармен сабақ үстінде және сабақтан тыс уақыттарында келесі тапсырмалар қолданылады: тест жұмысы, математикадан, физикадан ереже, формулаларды жаттау, стандарттан тыс тапсырма, деңгейлік есептерді шығару және тағыда басқа. Кейбір есептерді шығарғанда қиындық туғызады, соған байланысты атап кеткен оқушылар мен қосымша сабақ өткізілуде.

Өздігінен жұмыс істеу барысында қателерін түзетуге оқушылармен жыл бойы жұмыс жасалды. Өздігінен жұмыс істеуде қателерін түзетуге жеңіл тест, кесте түрінде тапсырмалар беру керек. Күш салып орындаған жұмыстарының дұрыс жерін айтып, мақтау сөздер айтылып отырады.

Пән бойынша үлгерімі төмен оқушылардың білімін дамыту сабақ үлгерімін жақсартуда өз бетінше жұмыс істеуге әдеттендірем. Үлгерімі төмен оқушыларда дұрыс көзқарас қалыптастыру үшін ең алдымен ең оңай қызықты материал дайындаймын уақыт өткен сайын қызықты материал дайындаймын.

Әр пән мұғалім үлгерімі төмен оқушылармен жұмыс істеуде өзінің табандылығын көрсете білу көп нәтиже береді.

Алдағы уақытта жоспар бойынша жұмыстар атқарылып, оң нәтижеге жететін оқушылар шығады.

Ұсыныс: үлгерімі нашар оқушылармен жұмыс уақытылы жүргізілсе.

Қаулы: үлгерімі нашар оқушылармен жұмыстар қанағаттанарлық деп танылып, жұмыстар қадағалансын.