Өтінім кестесі:

«Өмір — теңіз, жүзем онда демеңіз, Ізгіліктен жасалмаса кемеңіз»

атты ашық тәрбие сағатының бағдарламасы

#Біртұтас_тәрбие

Мақсаты:

Оқушыларға өмір құндылығы туралы білім беру, адам өмірінің сипаты мен тірлігі туралы ұғымдарын кеңейту, өмірден өзіндік орнын, өмірлік бағдарын айқындай алуға баулу, өмірге құштарлықтарын арттыру, өмірдің мәнін түсінуге тәрбиелеу.

Өмірдің алды – ыстық, арты – суық,

Алды – ойын, арт жағы мұңға жуық.

/Абай/

Көрнекілігі: Слайдтар, өмір туралы қанатты сөздер.

Барысы: Ән. Кел студент

Орыдайтын: Акашова Айдана , Жамалов Тілеген, Шардарбек Алихан

1-жүргізуші Айдана: Армысыздар, құрметті ұстаздар және жалынды жастар! Бүгінгі бірінші тігін тобының «Өмір — теңіз, жүзем онда демеңіз, Ізгіліктен жасалмаса кемеңіз» атты ашық тәрбие сағатына қош келдіңіздер!

2-жүргізуші Жансая.

Өмір деген – алланың берген сыйы. Өмірдің ащы да, тәтті кезеңдері болады. Бұл кезеңдерді жеңе білу керек. Адамзат өмірге келген соң өмірін қалай болса солай өткізбеуі қажет. Яғни адам саналы, жарқын өмір сүруі тиіс.

Әдеби монтаж тамашалаңыздар!!!

1-жүргізуші Айдана.

Өмір құлып, кілтін тапсаң ашасың

Өмір өрт ол, қорқақ болсаң қашасың.

Өмір деген сабырсызға қыс мәңгі,

Өмір көктем болсаң егер ұстамды – дей келе

«ТАМАША ӨМІР СҮРУДІҢ 10 КІЛТІ» атты тігін тобының жетекшісі

Ерханова Камшат апайдың баяндамасына кезек береміз.

2 –жүргізуші Жансая:

Өмір – ол адамға бір-ақ рет берілетін баға жетпес қымбат сый. Осындай сыйды саған сыйлаған кім?...

Әрине, саған осындай баға жетпес сый сыйлаған ең қымбат адамдарың, ол сенің ата-анаң. Сондықтан оларды ренжітпеуіміз керек,

-демекші назарларыңызға бейне баянды ұсынамыз.

1-жүргізуші Айдана:

Өмір - өзен ағып жатыр, тынбайды,

Өмір болмас қасіретсіз, мұң - қайғы,

Сондықтан да, өз - өзіңе абай бол,

Өмір сені сонда ғана шыңдайды, -деп жырлағандай, өмірдегі қиындықтарды ақыл-ойымызбен, сабырлығымызбен жеңе білуіміз керек.

Ән: «Өкінбе сен»

Орындайтын:Арманқызы Жансая

2-жүргізуші Жансая:

Жаңа-жаңа мен ұғына бастадым,

Өмір деген қымбат екен достарым.

Өмір- менің жарқылдайтын аспаным,

Өмір менің сарқылмайтын дастаным – деп қызықты ойынға кезек береміз.

Ойын

2-жүргізуші Жансая:

Өмір дегенің

Өмірді сенің көмегіңе мұқтаж болып, іздеген жандардың санымен немесе өмірлік серік ретінде таңдаған жанмен өрнектейтін болсаң қателескен екенсің. Өмір санға толы есеп емес.

1-жүргізуші Айдана:

Өмірді бағалы киіммен, соңғы шаш үлгісімен, терісінің түсімен, ата-тегімен байланыстыратындар бар. Тіпті тәлім алып жатқан оқу орындарымен, қызмет орнын өмір деп түсінетіндер бар. Өмірді жалғыздық немесе көпшіліктің ортасы деп ұғатындар да бар. Бірақ өмір дегеніміз бұл емес!

2-жүргізуші Жансая:

Өмір дегенің дос-жаранға қамқор болу, санаңды торлаған тұманды ойларды шуақты қуанышқа ауыстыра білуің. Қызғаныштың отын бүркіп, сенім үдесінен шыға білу. Уәделі сөздеріңе берік болуың. Кісінің сыртқы емес, ішкі болмысына үңіліп қадірлеу. Ең бастысы, өзгеге жақсылық тілеуші бола білу.

1-жүргізуші Айдана:

Өміршендік ережесі.

Әр адамның ережесі-өз жүрек қалауымен жүру және батыл әрекет жасау. Сол сияқты иығыңды тіктеп, жарқын көңілмен іштей табысқа жетуге талаптанып, өміршеңдік ережелерін айтайық.

Сахнаға 11 оқушы шығады.

1. Жігер деген-Мен –Алмас

2. Күш деген-Мен - Диля

3. Махаббат деген-Мен –Ақжүніс

4. Кешірім деген-Мен - Алихан

5. Құдірет деген-Мен –Гүлжанат

6. Жасөспірім деген-Мен -Гүлсанам

7. Жастық шақ деген-Мен – Ұлжалғас

8. Денсаулық деген-Мен –Нұрмахан

9. Адалдық деген-Мен –Гүлбағира

10. Жарқындылық деген-Мен –Айткүл

11. Бар ғажайып деген-Мен -Орынкул

Хормен: Бәрі маған байланысты,

                  Бәрі менің қолымда.

2-жүргізуші Жансая:

Өмір, өмір! Өмірдің мәні қандай?

Қайратыңды жігерге жанығандай.

Жүріңдер бұл өмірде қол ұстасып

Достықтарың жарасып дәл осылай.

Келесі кезекте «Күй шашу» биі.

2-жүргізуші Жансая:

Адам күліп қарсы алады таң нұрын

Адам жырлап жөнелтеді әр күнін

Сәл қайғырса , ол ұғына түседі

Дүниенің кеңдігі мен тарлығын, -дей келе келесі кезекте көрініс

«ӨМІР СҮРУДІҢ ЕҢ ЖАҚСЫ ЖОЛЫ»   

2-жүргізуші Жансая:

Шыдамдыны мына өмір ұнатады,

Бірде қуантып, бірде жылатады,

Сүріндіріп кейде құлатады.

Жылатып тұрып жұбатады.

Дұшпандарға кейде сені сынатады,

Қатал тағдыр бірақ та шыдатады,

Мына өмір сендер үшін қымбат әлі, -демекші өмір жолы сан тарау, қия шатқал, қия шың. Сол жолдан адаспай өтіп мақсаттарыңызға жете беріңіздер.

Хор: Бақыт деген.

Қорытындылау.
1-жүргізуші:  Әрине, өмір жолы – даңғыл емес. Өрі де, ылдиыда жетерлік. Өмір сынынан сүрінбей өту – әр адамзаттың басты парызы. Әрбір адам аңсаған арманына жету үшін өмір бойы күреседі. Талаптанады, талпынады. Өмірдің «бір кірпіші боп қалануға» бар — ынта жігерін салады. Бізде сондай жастың біріміз. Аңсаған арманымызға жетуіміз керек. Қатарымыздан қалмай, өмір шыңына көтерілу біздің басты мақсатымыз. Еліміздің жарқын болашағы біздің қолымызда! Соны ұмытпауымыз керек…

2-жүргізуші: Құрметті ұстаздар мен оқушылар! Бүгінгі біздің ашық тәрбие сабағымыз аяқталды. Аспанымыз ашық өміріміз тыныш болсын!
1, 2-жүргізуші: Келесі кездескенше сау-саламат болыңыздар!