Өмір- керемет!

Өмір- керемет! Өмір адамға бір-ақ рет беріледі. Әр адамның өмірі әр қалай. Өмірде қуаныш пен қайғы қатар жүреді. Адам өмір жолында қиындыққа тап бола қалса, шыдамдық таныта алмай жататын жандар өте көп. Солардың бірі ішімдікке салынып кетсе, бірі өз өмірлерін қиып жатады.  Қазіргі таңда адам өлімі жастар арасында жылдан жылға ұлғайуда. Оның басты себебі неде? Кәмілет жасқа толмаса да өмірдің қиындығына шыдамауында ма ? Әлде ата -ана мейірімінің аздығы ма ?  Кез келген бала жасөспірімдік кезеңді бастан өткереді. Ол кезең адамның мінезін өзгертіп, шыдамсыздықтың орын алуына әсер етеді. Сол кезде бала ата - ана қамқорлығы мен туған - туыстың назарына зәру болады. Сол сәтте дұрыс жол ұсынып, өмірдің қызыққа, бақытқа, шаттыққа толы екенін түсіндіретін жан керек.

Ата-ана балаға қандай тәлім - тәрбие берсе,күш-қуат берсе сол жолмен кете береді. Ал бала болса сол күшті түсініп, өмірдің табалдырығын аттамай жатып түңілмеуі керек.  Кез келгеніміз қиналып, өмірімізді қиып жатсақ, онда ел не болмақ? Сол себепті әр ісімізге жауапты болып, өмірді қадір тұтуымыз қажет. Өмірдің мән-мағынасын түсіндіріп, дұрыс жол көрсете білетін мектеп психологтарының еңбегі ерекше деп айтуға болады.