"Өмір қандай керемет"

ШҚО,Жарма ауданы, Қалбатау ауылы

«Георгиевка орта мектебі» КММ

Тренинг

Тақырыбы: « Өмір қандай керемет».

Орындаған мектеп психологы : Кокиева Айгерим Нурлановна

Қалбатау, 2017 ж

«Георгиевка орта мектебі» КММ –де суицидтің алдың алу бойынша жүргізілген жұмыс.

Өтілу мерзімі : 6 желтоқсан.

Сыныбы : 10 « Б»

Тренингтің тақырыбы: « Өмір қандай керемет».

Тренинг тақырыбы: « Өмір қандай керемет»

Мақсаты: Оқушылардың өзіне деген сенімділігін арттыру, дұрыс қарым-қатынас орнату, өмірдің құндылығын сезіндіру.

Көрнекіліктері: Ватман, жемістер, жаднама, баяу музыка.

Барысы.

1. Ұйымдастыру кезеңі.

Психологиялық жаттығу

Баяу музыка қойып көзденрін жұмғызып, 30 секунд демалту

2. Негізгі бөлім.

«Мен жасай аламын»

Балалар шеңбер бойынша отырады. Шеңбер бойынша допты лақтырып, тосқан оқушы өзінің қолынан не келетіндігі туралы айтады.

Сұрақтар:

- Сен қандай еңбек етуді ұнатасың?

- Сенің қолыңнан қандай іс келеді?

3. «Мен саған, сен маған»

Оқушыларға сұрақ қоямын, олар тез жауап беру керек

Сенімділік дегеніміз не?

Өзіңе деген сенімділікті қалай арттыруға болады?

Сен кімге сенесің?

4. «Қорқыныштың суретін сал» жаттығуы (10 мин)

Нұсқау: Оқушыларға бойдағы қорқыныштың суретін салып оған ат беру ұсынылады. Олар өз кезегімен суреті жайында әңгімелейді. Талқылау жүреді. Одан кейін қорқыныштан құтылудың бірнеше нұсқасы ұсынылады:

 Суретті (қорқынышты) майдалап жырту, мыжу т.с.с.

 Суретті қосымша аяқтау арқылы, оны күлкілі суретке айналдыру;

 Өзіне ұнайтындай мейірімді қылып безендіру;

 Суретті жүрек тұсына қойып,бойдағы қорқынышты толығымен қабылдау, оны төмен жіберіп, аяқпен таптау.

5. «Өмір ағашы»

Оқушыларға қағаздар таратылып берілді. Сол параққа өмірде кездескен қиындықтарды қалай жеңуге болады? – деген сұраққа жауап жазып, жеміс ағашына іліп шығады.

Міне, біз өмірдегі кездескен қиындықтарға мойымай оған қарсы тұрып жеңе білсек, әрбір қиын жағдайдың шешімін бірлесе отырып табатын болсақ, мұндай жағдайда қай нәрсенің болмасын жемісін көретініміз анық екен.

6. Тренингті аяқтау.

Сөйлемді аяқта

«Мен сенемін .....................»

Өмір теңіз жүзем онда демеңіз, Ізгіліктен жасалмаса кемеңіз.Әрбір оқушы өздерінің өмірге деген көзқарастары мен неге сенетіндіктерін айтып,қорытындылады.