"Өмір сыры" өлеңі

Өмір сыры

Бұл өлеңнің жаны бар, жалыны бар,

Жүрегімнің сырлары өзің ұғар.

Бір-біріне ұқсатпай берген тағдыр,

Ей,тыңдаушым,сен бұдан тағылым ал.

Біреуі байлық іздеп,шарқ ұрады,

Біреулер күн сәулесін көруге зар.

Бар кезінде бағыңды бағалай біл,

Бұл өмір бір кезде кең,бір кезде тар.

Қуаныш пен қайғысы қатар жүрген ,

Дүние-ертең елес, бүгінше бар.

Қайыспай, қайырылмай ілгері жүр,

Күресі удай ащы, жемісі бал.

Кей тұсы: гүл оранған,желі самал

Кей тұсы:бітпес билік құз бен жар.

Қай жері кездессе де соқпақ ізде,

Алға бас, мүмкіндікті бағалап қал.

Жалғанда тек жолаушы болғаннан соң,

Кеш болмай ақ-қараны саралап ал.

Кай жолға түсеріңе көзіңді емес

Ақылмен зерделенген ойыңды сал.

Өкіну мен жеңістің екеуі де,

Алғашқы қадамыңнан бастау алар.

Бәрінің іздегені бақыт болса,

Әркім оны,өзінше,бөлек ұғар.

Сондықтан соқпақ толы бұл ғұмырда

Кез-келген өзіңе тән жолын салар.

Бақыт деген-жанған от,жалыны өшпес,

Барша жанның бағы бар,тепсе кетпес.

Бұйырғаны сол болса төбеңде тұр,

Әттең-ай, дәл төбеңе көзің жетпес.

Әр адам суретшісі өмірінің,

Бейнелер қалағаны көңілінің.

Ренжиді сурет реңсіз болып шықса,

Түсіріп туындыға өзі кірбің.

Қалмайды өмірдің еш сәні бітіп,

Қарашы айналаңа өзің жітік.

Тағдырың тосын сыйын даярлап ап,

Тұрады келуіңді сенің күтіп.

Жатса да кешің батып, таңың атып,

Жүрсеңде тағдырдың бал дәмін татып,

Бар кезде бағыңды іздеп,шарқ ұрасың

Ойлансаң, өміріңнің өзі-бақыт.

Өмірің өте шығар,сағым болып,

Бір күн жылып, тағы да,бір күн тоңып.

Алайда,тағдырыңның тармақтарын

Салғайсың жақсылықтың жолын жоңып.

Жамандық атаулысы кімге керек?!

Жүрейік жолымызды нұрға бөлеп.

Жанымызға жақсыны серік қылып,

Бастайықшы шаттықты біз бір бөлек!