Мұғалімнің аты-жөні:

Танашева Г.У

Мектеп:

Ақкемер ЖББОМ

Пән/Сынып: 11ә

Ашық тәрбие сағаты

Күні:

24.11.24

Сабақтың тақырыбы:

Өмірге салауатты қадам.

Оқу мақсаты:

Оқушыларға денсаулықты сақтау мен өмір сапасын жақсартуға қажетті негізгі қағидалар мен дағдыларды ұсыну.

Оқушылардың өз денсаулығын сақтау мен күтуге деген жауапкершілік сезімін арттыру.

Құндылық

Жауапкершілік пен әділдік

Апта дәйексөзі

Әділетте берік болсаң аяғың таймайды!

Кезеңдері

Мұғалімнің іс-әрекеті

Оқушының іс-әрекеті

Ресурстар

Ұйымдастыру

Ұйымдастыру. Жағымды көңіл-күй орнату

ҚР мемлекеттік әнұраны

Тренинг «Салаутты қадам»

Өміріңді өзгерту үшін салауатты қадам жасайық

Оқушыларға салауатты өмір салты туралы бір жақсы әдетті немесе пайдалы дағдыны айтуға тапсырма беріледі.

Топқа бөлу

Flippity платформасы арқылы топқа бөлу

Сыныптастарымен амандасу

Гимн айтады

Оқушылар орнына жету үшін қадам жасап жақсы әдетті немесе дағдыны айтады.

Мысалы: Менің атым Гульназ, мен әрқашан таңертең су ішуді әдетке айналдырдым.

Тақта

Қима қағаз

Қадамдар

Жаңа сабақ

 Мұғалім: Құрметті оқушылар!

Бүгінгі сабағымыздың тақырыбы — «Өмірге салауатты қадам». Бұл тақырып біз үшін өте маңызды, өйткені денсаулық — ең қымбат байлығымыз. Ал осы байлықты сақтау үшін қандай қадамдар жасауымыз керек? Бүгін біз осы жайында сөйлесіп, денсаулықты сақтау мен өмір сапасын жақсартуға қажетті негізгі қағидалар мен дағдылар туралы айтамыз.

Өмірге салауатты қадам жасау — бұл дұрыс тамақтану, физикалық белсенділік, дұрыс ұйқы, гигиенаны сақтау, күйзеліс пен стресске қарсы тұру, сондай-ақ, денсаулыққа деген жауапкершілікті арттыру дегенді білдіреді. Денсаулығымызды сақтау тек сыртқы жағдайларға ғана емес, біздің өзіміздің мінез-құлқымыз бен таңдауларымызға да байланысты.

Салауатты өмір салтын қалыптастырудың негізгі қағидалары мен дағдыларын біліп, оларды күнделікті өмірде ұстансаңыздар, денсаулықтарыңыз ұзақ уақыт бойы мықты әрі күшті болады. Бұл өз кезегінде жақсы оқу, жетістікке жету және өмірден ләззат алу үшін қажет.

Ендеше, салауатты өмір салтына алғашқы қадамды бүгіннен бастап жасайық!

«Салауатты өмір салты»

Тақырыбында бейне ролик көру

hx5b104c02a9cbd7cda5c6756fd9199fbff1ef5070

Тапсырма Wordwall платформасымен сәйкестендіру.

Оқушыларға мақал мәтел түскеніне байланысты мәлімет беріледі

Топтық жұмыс

1 топ «SWOT талдау» немесе

ЖИ көмегімен Денсаулық картасын жасау

Денсаулық картасын SWOT талдау арқылы сараптау

Мақсаты: Оқушыларды өз денсаулығын бағалауға және оның жақсарту жолдарын іздеуге ынталандыру

2 топ «Салауатты өмір салтының 10 қағидасы» жасау

Мақсаты: Оқушыларды денсаулығы үшін жауапкершілік алуға ынталандыру.

Бұл тапсырмалар оқушыларға салауатты өмір салты туралы түсінік қалыптастырып, өз денсаулығына жауапкершілікпен қарауға үйретеді.

Нұсқаулық: Оқушыларға салауатты өмір салты туралы 10 қағида жазуды тапсырыңыз. Қағидалар мүмкіндігінше қысқа, бірақ мазмұнды болуы керек. Мысалы:

• «Күніне 8 сағат ұйықтаңыз».

• «Күніне 2 литр су ішіңіз».

• «Әрқашан денсаулықты бірінші орынға қойыңыз».

• «Күнде таңертең жаттығу жаса»

• «Тамақтануды дұрыс ұйымдастыр»

• «Есірткі мен темекіден аулақ бол»

• Оқушылар топ болып бірігіп, ең маңызды деген 5-7 қағиданы таңдап, сынып алдында ұсынады.

Жұппен жұмыс:

Жағдаяттарды талқылау

Жағдаят №1

Сіз мектептің соңғы сыныбында оқып жүрсіз, уақыт өте тығыз, жиі қарбаласып, кешкі уақытта үйге келгенде шаршағаныңыздан, тез дайындалатын, майлы және калориясы жоғары тағамдарды жейсіз. Бұл әдетіңіз сіздің денсаулығыңызға әсер етіп жатыр, бірақ осы сәтте оны өзгерту қиын болып тұр.

• Бұл жағдайда не істер едіңіз?

• Дұрыс тамақтану мен спортты күнделікті әдетке айналдыру үшін қандай қадамдар жасар едіңіз?

Жағдаят №2

Сіз өзіңізді үнемі шаршақы сезініп жүрсіз, Сіз кешкі уақытта өте көп уақыт компьютер қарап немесе телефонмен сөйлесіп, әлеуметтік желіде отырасыз, нәтижесінде түнгі сағат 01-ге дейін ұйықтамайсыз. Таңертең мектепке бару үшін ерте тұру керек, бірақ бұл сіздің ұйқыңыздың сапасына әсер етеді. Тұрақты ұйқының болмауы сіздің денсаулығыңызға зиян тигізуде.

• Ұйқының жетіспеушілігінің денсаулыққа әсері қандай?

• Ұйқыны қалпына келтіру үшін қандай қадамдар жасар едіңіз?

• Ұйқының сапасын арттыру үшін кешкі уақытты қалай жоспарлар едіңіз?

• Дұрыс ұйқының денсаулыққа пайдасы туралы өз пікіріңізді бөлісіңіз.

«Жағдаят №3:

Сіз көп уақыт бойы компьютер немесе телефон пайдаланып, әлеуметтік желілерде отырасыз. Сіз бұл уақытта денеңізді көп қимылдатпайсыз, және бұл жұмысқа немесе үй тапсырмаларын орындауға кедергі келтіруде.

• Бұл жағдайда не істер едіңіз?

• Компьютер немесе телефон алдында ұзақ отырмау үшін қандай шаралар қолданар едіңіз?

• Әлеуметтік желіге уақытты қалай шектеуге болады және физикалық белсенділікке қалай көңіл бөлуге болады?

Оқушылар бейнероликті қарап, түйген ойларын айтады.

Оқушылар тақтаға шығып мақалдарды сәйкеестендіреді.

Оқып, бөліседі.

Денсаулық картасын SWOT талдау арқылы сараптайды.

ЖИ көмегімен Денсаулық картасын жасайды

ЖИ көмегімен салауатты өмір салтының 10 қағидасы жасайды.

Оқушылар жағдаятты жұпта талқылап, бөлісіп ортаға шешімін айтады.

Тақта

Қорытынды Рефлексия

Таңертең ерте тұру күнді жоспарлап, өнімділікті арттыруға мүмкіндік береді. Ерте тұрып, өзіңізге уақыт бөлу, тыныс алу жаттығуларын жасау немесе медитация арқылы күнді тыныш бастау денсаулық пен табысқа жетудің негізгі кілті болып табылады.

Салауатты өмір салтын ұстанып, табысқа жеткен адамдардың әдеттері мен өмір салты негізінен ұтымды уақытты басқару, денсаулықты сақтау, құмарлық пен мотивацияның болуы, және өмірлік мақсаттарға ұмтылу сияқты маңызды қағидаларға негізделеді. Бұл әдеттер олардың ойлау қабілетін жақсартады, стрессті төмендетеді және денсаулықтарын жақсартып, мансаптағы жетістіктерге жетуіне көмектеседі.

Философ, Александр Македонскийдің ұстазы Аристотель «Біздің өміріміз – күнделікті қайталайтын әдеттерімізге байланысты» деген екен. Ал белгілі оратор-мотиватор Роберт Кийосаки «Біз – әдеттеріміздің құлымыз. Әдеттерді өзгертсең – өмір де өзгереді» деп кеңес береді. Демек, жақсы әдеттер қалыптастыру арқылы өмірге өзгеріс енгізуге болады.

"Өмірге салауатты қадам" сабағынан кейін - Мен әдет қылып қалыптастырамын?