Тақырыбы: Өнер алды –қызыл тіл

Мақсаты: Жас ұрпақтың бойында ана тіліне деген құрмет сезімін

қалыптастыру, тіл құдіретінен туындаған өнер тасқынын

жарыққа шығару.

Көрнекілігі: Плакат, «Өнер алды- қызыл тіл» (КТК тақырыбы) ,

шарлар, жасанды гүл шоқтары, газеттер.

Әдісі: баяндау, сұрақ-жауап .

Жүрісі:

а) Ашылуы .

ә) Таныстыру .

б) Сұраққа жауап .

в) Өнерлі-өрге жүзер (өнер байқауы) .

г) Мақал-мәтел жарысы .

ғ) Сән үлгілері .

Жүргізуші: Қош келдіңіздер, ұстаздар мен оқушылар!

Сүйемін туған тілді-анам тілін

Бесікте жатқанымда-ақ берген білім!

Шыр етіп жерге түскен минутымнан

Құлағыма сіңірген таныс үнін,-деп, Сұлтанмахмұт секілді ақын тілді

сүюге, қастерлеуге шақырса, қазіргі ұрпақ бұл өнерді қалай бағалап

жүр екен? Олай болса,

«Туған тіл қасиетін ардақтайық,

Сабырлы ойымызды салмақтайық

Бүгінгі көрерменге арналатын

«Өнер алды-қызыл тіл» деген біз КТК-ны бастайық.

Жарысқа қатысқалы тұрған 1. «Кендебай», «Талантты тілшілер» , «Бәйтерек», «Гүлдер» топтарын ортаға шақырамыз.

Жарысымызды бастамас бұрын, әділқазылар алқасын сайлап алайық.

1.Динкуатова Марал-қазақ тілі мен әдебиеті пәні мұғалімі.

2. Килибаева Гүлайна-қазақ тілі мен әдебиеті пәні мұғалімі.

3.Аққұлова Күнжамал –қазақ тілі мен әдебиеті пәні мұғалімі.

І кезең. Таныстыру. Әр топ өздерін таныстыруы керек.

ІІ кезең. Сұрақ-жауап сайысы. «Сөз тапқанға қолқа жоқ», «Өнер алды-қызыл тіл» деп ата-бабаларымыз бекерге айтпаған. Олай болса, тапқырлықпен сұрақтарға жауап берейік. Әр командаға 2 сұрақтан беріледі.

ІІІ кезең. «Өнерлі өрге жүзер» айдарымен өнер байқауын тамашалайық. Өмірдің шынайылығын, жақсылық пен жамандық әдеттерді еш боямасыз танытуда, актерлік қабілетті шыңдауда көрініс көрсетудің орны ерекше. Ендеше тамаша тарландарын ортаға шақырайық, күлкіге қарық болайық.

ІҮ кезең. «Мақал-сөздің мәйегі» деп ата-бабаларымыз айтпақшы, халқымыздың осы бай мұрасын өз сөзімізде орынды қолданып, оның табиғатын, оны жете түсініп, кестелеу біздің басты борыштарымыздың бірі болуы керек. Әр командаға 5 мақал-мәтел беріледі. Жалғасын тауып айтуы керек.

Ү кезең. «Сұлулық- табиғаттың сыйы», «Сұлулық- әсемдіктің белгісі». Бұл сынға құрбыларымыз қалай дайындалды екен? Бұл сын «Сән үлгілері»деп аталады.

Міне, көптен күткен сайысымыз да тәмамдалды. Әділқазылар алқасының шешімін сұраймыз.

Қорытындылау.