“Өнерлі ана, талапты қыз”

Жүргізуші:– Құрметті қонақтар, ата-аналар және біздің сүйікті балалар!

Бүгін бізде ерекше күн – “Өнерлі ана, талапты қыз” атты сайыс өтеді. Бұл сайыс ана мен қыздың өнері мен шеберлігін, тапқырлығын көрсетуге арналған. Келіңіздер, бір-бірімізге жақсы көңіл күй сыйлайық!

Сайыстың әділқазылар құрамын таныстырып өтейік ауылдық клуб әдіскері Байжанова Нұржамал апай және ауылдық кітапханашы Қыпшақбаева Гүлнар апай

1-бөлім: Таныстыру (“Біз қандаймыз?”)

Жүргізуші:– Алдымен сайысқа қатысушы жұптарымызды таныстырып өтейік.

Әр ана мен қызы өздерін таныстырып, есімдері мен ерекшеліктерін айтып береді.

Базарбай Айлин анасы Назира

Менің атым Назира

Қызыммен бірге жарысам

Бәріне үлгі боламыз

Сахнада ерекше бізбіз қашанда

Менің атым Айлин

Шашым ұзын айдаймын

Анамдай мен де әдемі

Өнерім бар салмақты

Жүрген Альмра анасы Мөлдір

Мен Мөлдірмін анамын

Қызым менің жанарым

Ана мен қыз бірге біз

Әрдайым тек биіктеміз

Мен Альмирамын кішкентай

Сурет салуға құмармын

Анамдай мен де талапты

Сайыста біз дарамыз

Садықбек Нұржайна анасы Гүлдана

Мен Гүлдана анасы

Қызым менің қуанышы

Сүйіспеншілік шуағы

Бізден төгіп тұрады

Мен Нұржайнамын сүйкімді

Жақсы көрем анамды

Бәрін маған үйреткен

Анашым ең көрікті

2-бөлім: “Шебер қолдар” (Қолөнер тапсырмасы)

Жүргізуші:– Ана мен қыз бірге қолөнер жасап, шеберліктерін көрсетеді

Тапсырма:

• Қатысушыларға 10-15 минут беріледі.

• Соңында олар өз жұмыстарын таныстырады.

3-бөлім: “Өнерлі жұп”

Жүргізуші:– Енді кезек өнер көрсетуге келді. Қыздар мен аналары өз өнерлерін көрсетеді.

Айлин көрнекіліктермен

Альмира өлең оқу

Нұржайна ән айту

4-бөлім: “Сұрақ-жауап” (Тапқырлық сайысы)

Жүргізуші:– Ал енді ана мен қыздың бір-бірін қаншалықты жақсы білетінін тексерейік!

Сұрақтар:

1. Анаңыздың сүйікті асы қандай?

2. Қызыңыздың сүйікті ойыны қандай?

3. Анаңыздың сүйікті түсі қандай?

4. Қызыңыздың ең жақсы көретін ертегісі қандай?

5-бөлім: “Көңілді эстафета” (Ойын)

Жүргізуші:– Келесі кезек қызықты ойынға келді. Қыздар мен аналар бірге жарысып, көңілді эстафета ойнайды.

Анасы қызының шашын өріп, шаш үлгісін жасайды.

Қорытынды:

Жүргізуші:– Құрметті қатысушылар! Бүгінгі сайысымыз өте көңілді өтті. Барлық ана мен қыз – жеңімпаз! Сіздер бір-бірлеріңізді қолдап, өнерлеріңізді ортаға салдыңыздар.

Бүгінгі іс-шараға арналған жылы лебізін бөбекжай-бақшамыздың меңгерушісі Нукесариева Мадина Тишбайқызына сөз кезегін береміз.

Барлық жұпқа сыйлықтар мен дипломдар тапсырылады.