«Өнермен өрнектелген өмір»

«Өнермен өрнектелген өмір»

Қазақ даналығында «Өнер көпке де жеткізеді, көкке де жеткізеді»,-деп бекер айтылмаса керек. Расында, өнерлі адамның өнерге деген құрметімен қатар, асқан талантының арқасында көкте де қалықтап ұшып, көппен де жүйрік аттай жарысып жүрері анық. Сондай бір «өнер» атты аламан бәйгеде көптің алды болып, жан-жақты қырынан танылып жүрген Суйеуғалиев Сәтжан Айдарұлы ұстазым бүгінгі мақалама арқау болғалы тұр.

Суйеуғалиев Сәтжан Айдарұлы 1997 жылы Батыс Қазақстан облысы, Казталов ауданы, Жұлдыз ауылында туып өскен. 2002 жылы 9-сыныпты бітіре сала Оралдағы Құрманғазы атындағы саз колледжіне виолончель аспабына грантпен оқуға түседі. Әрмен қарай білімін одан әрі жетілдіру мақсатында 2018-2021 жылы аралығында Батыс Қазақстан облысының М.Өтемісов атындағы университетінде жоғарғы білімін оқып аяқтайды. Қазіргі таңда Ақжайық ауданы Чапаев ауылында «Ақжайық аудандық балалар музыка мектебінде» виолончель класс оқытушысы болып жұмыс атқарып жатыр. Еңбек ете жүріп талай рет аудан, облыс және республика көлемінде алғыс хаттарға ие болып жүр. Өзін жан- жақты танытудан, ізденуден талмайтын ағаймның шынайы өнер жанашыры екеніне сан мәрте көзім жеткен.

Өзім алғаш виолончель аспабы туралы 11 жасымда естіп, қызығушылық танытқан болатынмын. Ең бірінші күннен-ақ ұстазымның өнерге деген құрметіне тәнті болып, қызығушылығым одан әрі артты. Ағайымның бойындағы талапшылдық, жауапкершілік, еңбекқорлық сынды қасиеттерді көріп, өзімнің де бойыма осы құндылықтарды сіңірдім десем артық айтпағандығым. Оқушымен тіл табыса алатындығы, жұмысқа деген адалдығы барлығы ұстаздық мінезге сай. Әрине, шығармашылық жол оңай жол емес. Бәрін үйрену керек, аспаптың тілін түсіне білу керек. Міне, осы жолда жығылсам демеп, құласам орнымнан тұрғызып отырған ұстазымның қолдауы, үйреткені көп болды. Жетекшімнің талапшылдығының арқасында талай конкурстарда бағым жанып, жұлдызым жоғары болды. Айта кетсем, Республикалық байқаулар, Облыстық «Жас музыканттар» конкурсынан жүлделі орындарға ие болдым.

М ен шығармашылық жолды таңдағаныма, соның ішінде дәл виолончель аспабын үйренгенме еш өкінбеймін. Мүмкін, дәл осындай ұстазым болмаса, бұл жолды орта жолдан тастап кетер ме едім?

Ұстазыма алғысым шексіз! Өзіңіз берген білімнің арқасында қазіргі таңда өнер жолын таңдап білімімді жетілдірудемін. Сізге алдағы уақытта шығармашылық табыс тілеймін. Шәкірт баптаудан қанатыңыз талмасын! «Өнер- таусылмас азық, жұтамас байлық» деген қазақ халқында. Әрмен қарай осы өнерді тастамай, жаныма серік ететін боламан. Өзіңіздей ұстазым барына қуанамын, мақтанамын!

Батыс Қазақстан Облысы М.Өтемісов атындағы

университетінің І- курс студенті Борисова Айнагуль.