Онлайн білім беру жүйесінің болашағы

Онлайн білім берудің болашағы

ХХІ ғасырдың талабына сай, асығып-үсіккен заманда онлайн білім беру ыңғайлы форматқа айналды. Онлайн білім беру арнайы желілер арқылы мұғаліммен байланыс орнатып, қалаған кезде білім алуға мүмкіндік береді. Алайда оның болашағы бар ма?

“Таяқтың екі ұшы бар” дегендей, онлайн форматтың болашағы болуы не болмауы адамзаттың оны дұрыс қолдана алуына байланысты. Сондықтан бұл жағдайдың екі жағын қарастырайық.\

Біріншіден, уақытты тиімді пайдалану. Онлайн білім беру офлайнға қарағанда жеңілірек. Жиналып, уақыт арнап, жолға шығып әуреленгенше, сол энергияны басқа салаға бағыттауға болады. Әсіресе қазіргі заманның асығып-үсіккен ұрпағы үшін бір шаруадан екінші шаруаға көшу қалыпты жағдай. Мысалы, ғылыми зерттеулерде әлемдегі студенттердің 69%-ы толық онлайн, гибрид немесе аралас форматты қалайтыны көрсетілген. Осыған сәйкес, жас буын үшін онлайн білім беру офлайнға қарағанда ыңғайлырақ.

Екіншіден, онлайн білімнің берер дәрісі. Кей уақытта онлайн берілетін білімнің бәрі бірдей жемісін бере бермейді. Адамдардың ақпаратты қабылдау қабілеті әртүрлі болғандықтан, онлайн оқу әркімге бірдей әсер етпеуі мүмкін. Кей адамдарға мұғалімнің жанында отырып оқу жеңілірек. Себебі ұстаздың әр сөзі мен іс-қимылы оқушыға ерекше ықпал етеді. Сонымен қатар, желінің сенімсіз жұмыс істеуі де сабақ сапасына кері әсерін тигізеді. Мысалы, 2019 жылғы карантин кезінде көптеген оқушылардың үлгерімі төмендегені байқалды. Оның басты себептерінің бірі онлайн оқыту жүйесіне толық дайын болмау еді.

Түйіндей келе, онлайн білім берудің болашағы бар. Әрине, егер адамдар оны дұрыс бағытта пайдаланып, одан ары қарай дамыта берсе, келесі ұрпақ үшін бұл тиімді салымдардың бірі болары сөзсіз.