ОНЛАЙН ФОРМАТТА БІЛІКТІЛІК АРТТЫРУ: КӘСІБИ ДАМУ МЕН НӘТИЖЕ

ОНЛАЙН ФОРМАТТА БІЛІКТІЛІК АРТТЫРУ: КӘСІБИ ДАМУ МЕН НӘТИЖЕ

2021 оқу жылында «Өрлеу» БАҰО» АҚФ Түркістан облысы және Шымкент қаласы бойынша ПҚБА институтында «Химия пәні мұғалімдерінің құзыреттілігін дамыту» бағдарламасы аясында онлайн форматында біліктілік курсынан өттім. Курс тренерлері өз сабақтарын өте жоғары деңгейде өтті. Курс тыңдаушылары мен тренерлер арасында сындарлы кері байланыс арқылы қарым-қатынас орнатылып, әр тыңдаушының пікірін құнды санап, мақсатқа жетуге бағыттай білді.

Бұл курс барысында оқу бағдарламасымен және оқу жоспарымен жұмыс жасау, оқушылардың функционалды сауаттылығын арттыруда STEM білімінің маңыздылығы, химия сабағында қолданылатын әдіс- тәсілдер, қышқылдар мен негіздер теориясы, нанотехнология, зертханалық жұмыстар, мобильді құрылғылар және қосымшалар және т.б. тақырыптар қарасытырылды. Осы тақырыптар бойынша әдістемелік көмек берілді.

Химия пәніне байланысты тақырыптар аясында оқу бағдарламасынан алдыңғы білімді басты назарда ұстап, оқытудың спиральдық қағидаты аясында «жеңілден күрделіге» деген ұстаным негізінде жұмыс жасау дағдысы қалыптасты. Мен үшін ерекше болғаны «Кері дизайн» әдісі, бұл қысқа мерзімді жоспар құрастыруда өте тиімді екен, өзіндік жұмыс барысында «төңкерілген сабақ» аясында қысқа мерзімді жоспар жасау арқылы меңгердім. Бұл курс барысында әріптестеріммен тәжірибе алмаса отырып, оқу мен оқыту процесін дұрыс ұйымдастырып, оқушылардың креативті ойлауына, сыни тұрғыдан пікір жүргізуіне, өз ойларын дәлелді етіп жеткізулеріне басымдық беру керектігін түсіндім.

Оқу мақсатына сай тапсырма құрастыра отырып, бағалау критерийлері мен дескриптор құрастырудың ерекшелігін меңгердім, әсіресе, курс барысында жоба қорғау жұмыстары өте қызықты болды. Өз әріптестерімнің тәжірибесінен үйренер тұстарым көп болды.

Курс барысында оқушылардың зерттеушілік қабілетін дамытуға, сандық технологияларды меңгертуге, жан жақты функционалды дамыған шәкірт тәрбиелеуге бағытталған іс әрекеттер жоспарлы түрде ұйымдастырылып отырылды. Курс тыңдаушысы ретінде тәжірибелік дағдылар арқылы білім қорымды кеңейтумен бірге, қазіргі заман талабына сай жаңашыл мұғалімдердің бойында тән құзыреттіліктер қалыптастыру керектігіне жете мән беру керектігін түсіндім.

Ұсыныстарым: а) мұғалімдердің біліктілігін арттыруға бағытталған осындай курстар көбірек ұйымдастырылса;

ә) курс барысындағы тәжірибелі мұғалімдердің өз тәжірибесін тартуға мүмкіндік туғызатын арнайы жоспар құрастырылса;

б) біліктілік арттыру курсы барысында мұғалімдердің шығармашылығын шыңдауға арналған арнайы жобалар ұйымдастырылса.

Біліктілік арттыру курсынан аларым көп болды, кәсіби дамып, нәтижеге қол жеткіздім.

Түркістан облысы , Келес ауданы, №40 "Ғ.Муратбаев" жалпы орта мектебінің

химия пәні мұғалімі Мелдебаева Гульжамал Аристанбековна