Оқиға ықтималдығы және оның қасиеттері. ҚМЖ 10 сынып алгебра ҚГБ 2 тоқсан

Бөлім:

10.2 С Ықтималдық

Педагогтің Т.А.Ә.

Алиева Гүлжан Аманкулкызы

Күні:

11.12.2023ж

Сынып: 10 «А»

Қатысушылар саны:

Қатыспағандар саны:

Сабақтың тақырыбы

Оқиға ықтималдығы және оның қасиеттері

Оқу бағдарламасына сәйкес оқыту мақсаттары

10.2.1.2 - ықтималдықтар қасиеттерін қолданып, кездейсоқ оқиғалардың ықтималдығын есептеу;

Сабақтың мақсаты

• ықтималдықтың қасиеттерін пайдаланып қарапайым кездейсоқ оқиғалар ықтималдығын есептеу;

• ықтималдықтың қасиеттерін пайдаланып күрделі кездейсоқ оқиғалар ықтималдығын есептеу.

Сабақтың кезеңі/ уақыт

Педагогтің әрекеті

Оқушының әрекеті

Бағалау

Ресурс

тар

Сабақтың басы

Оқушылармен амандасу, түгендеу, назарын сабаққа аудару
Жағымды психологиялық ахуал орнату.

Оқу мақсаттарымен таныстыру.

Үй тапсырмасын тексеру.

Жинақтала

ды,сабаққа ынталанады.

Оқулық.

Сабақтың ортасы

Өткен сабақты пысықтау.

Ықтималдықтардың қасиеттері

⠀1-қасиет. Кез келген ықтималдық – бұл 0 мен 1 дің арасындағы сан, яғни кез келген A оқиғасының P(A) ықтималдығы келесі қос теңсіздікті қанағаттандырады:

0 ≤ P(A) ≤ 1.

⠀Егер оқиға ықтималдығы 0-ге тең болса, онда бұл оқиға ешқашан орындалмайды, яғни бұл – мүмкін емес оқиға. Сол сияқты, егер оқиға ықтималдығы 1-ге тең болса, бұл – ақиқат оқиға.

⠀Ойын сүйегін (кубикті) лақтырғанда «9» саны ешқашан түспейді, сондықтан P (9) = 0. Және де 1-ден 6 -ға дейінгі натурал сан түсу ықтималдығы 1-ге тең.

⠀2-қасиет. Элементар оқиғалар кеңістігінің ықтималдығы 1-ге тең, яғни P(Ω) = 1.

⠀3-қасиет. Үйлесімсіз оқиғалардың ықтималдықтарын қосу ережесі. Егер A және B оқиғалары өзара үйлесімсіз болса, онда

P(A + B) = P(A) + P(B).

⠀4-қасиет. Қарама-қарсы оқиғалардың ықтималдықтарының қосындысы 1-ге тең:

P(A) + P ( ) = 1.

Сынып жұмысы тапсырмалары

Жеке жұмыс.

1. Қорапта 4 ақ, 9 қара және 7 қызыл бірдей шарлар салынған. Қораптан кез-келген бір шар алынады.Сонда ақ шар пайда болуының ықтималдылығы қандай?

2. а) Ө, Н, С, Е, Д, У әріптері бөлек карталарға жазылған. Содан кейін карталар араластырып кез-келген ретпен бір қатарға орналастырылған. Сонда сәндеу сөзінің пайда болуының ықтималдығы қандай?

б) Әрқайсысында бір әріп жазылған карталардан “Жарлық”сөзі құрылған.Карталарды араластырып, содан кейін бір-бірлеп алған ретімен сөз құрастырылады.Сонда ЖАҚ сөзінің пайда болуының ықтималдығы қандай?

3. Ұйымда 6 ер адам, 4 әйел адам жұмыс істейді. Табельдегі нөмірлері бойынша 7 адам таңдап алынды. Таңдап алынған адамдардың ішінде 3 әйел бар болуының ықтималдығын табу керек.

4. Кітап сөресінде кездейсоқ ретпен 5 томнан тұратын анықтама қойылған: а)кітаптар бірінші томнан бесінші томға дейін дұрыс ретпен орналасуының ықтималдығын табу керек; б) ең болмағанда бір томның ретті орнында тұрмаған жағдайдың ықтималдығын табу керек.

5. Қорапта бірдей 5 бұйым бар. Оның үшеуі боялған. Қораптан кез-келген екі бұйым алынды: 1) алынған екі бұйымның біреуі боялған бұйым болуының ықтималдығын табу керек; 2) алынған бұйымның екеуі де боялған бұйым болуының ықтималдығын табу керек.

6. Екі 4 және 5 цифрларының көмегімен әртүрлі үш орынды қанша сан жазуға болады?

Алдыңғы сабақта алған білімдерін еске түсіреді.

Тапсырманы өз бетінше орындайды

Әрбір дұрыс жауапқа 1 балл.

bilimland.kz

Сабақтың соңы

Үй жұмысы:

Рефлексия.

Оқушылар өз ойларын карточкаға жазады:

• Бүгін мен білдім …

• Қызық болды …

• Мен мынаны түсіндім …

• Маған не түсініксіз болып қалды …

• Мен тағы білгім келеді …

Үй жұмысын алады.

Рефлексияны орындайды