Оқу қызметі Мамандықтар

Оқу қызметі

Күні_____________

Білім беру саласы: Коммуникация

Оқу қызметі түрі: Табиғат әлемі

Апталық тақырып: Мамандықтар

Мақсаты, міндеттері:

Білімділік: Әртүрлі мамандық иелері туралы түсінік беру;

Дамытушылық: артикуляциялық, тыныс алуын, ұсақ қол моторикасын, фонематикалық естуін, есте сақтауын дамыту.

Тәрбиелілік: барлық мамандық иелерінің жұмыстарын қадірлеуге үйрету.

Технологиялық қамтамасыз ету: айна, бинт, тіл жаттығулары суреттері мамандықтар суреттері, дидактикалық ойындар.

Әдіс-тәсілдер: ойындар, жаттығулар, сұрақ-жауап

Оқу қызметі барысы

І.Кіріспе

Шаттық шеңбері:

“ Біз кішкентай баламыз,

Еркін өсіп толамыз,

Күнге қарай талпынып,

Көкке қанат қағамыз.

Әлемдегі бар адамға

ІІ.Негізгі бөлім

Суретпен жұмыс.

-Балалар мына суретте бізді ауырып қалсақ емдейтін, әдемі киім тігіп, дәмді тамақ пісіретін адамдарды көріп отырмыз. Бұл адамдардың барлығын бір сөзбен мамандық иелері дейді. Мамандық дегеніміз – адамның еңбек қызметінің түрі.

Тосын сәт: “ Бізде қонақта ”

Бізге қонақтар келе жатыр екен. 1. – Бұл кім?

– Дәрігер не істейді?

– Қалай емдейді?

Дәрігер туралы кім тақпақ айтады?

Мен дәрігер боламын,

Үлкеннің де баланың,

Қиналғанда қасына,

Бірінші боп барамын.

Кішкене әлі баламын,

Таудай менің талабым.

Ақ халатты абзал жан,

Мен дәрігер боламын.

2. Жұмбақ шешу арқылы келесі қонақты шақырады.

Тәп – тәтті тамағы,

Астардың маманы.

Бұл кім балалар? /Аспазшы

Аспазшы өзі туралы тақпақ айтады.

Әзірлеп дәмді тамақты.

Торт пенен құймақты.

Пісірген түрлі тоқашты.

Мен аспазшы боламын.

3.Тігінші келеді.

–Мен тігіншімін. Адамдарға киім, көрпе — төсек тігемін. Маған тігінші болу ұнайды. Мен өз жұмысымды жақсы көремін.

“ Кімге не қажет? ” ойыны.

Бұл ойында үйлестірмелі материалдар таратылып, мамандарға қажетті құралдарды табу керектігін айтады.

 “ Адасқан мамандар” ойыны.

Адасқан мамандардың орнына қажетті мамандарды тауып айтуды ұсынады.

ІІІ. Қорытындылау

Оқу қызметін қорытындылау үшін “Сиқырлы дорба ”дидактикалық ойынын ойнатады.

–Дорбадан қандай заттар алғанын, өскенде кім болғысы келетінін сұрайды.

Бәріміз бірге: 
Маңдайдан тер тамшылап. 
Ар-намысты қамшылып, 
Болам деймін еліме, 
Тірек болар-Азамат! 

Күтілетін нәтиже:

Біледі: Әр маман иесінің немен айналысатынын.

Игереді: Мамандықтарға қажетті құрал – жабдықтарды және ол мамандықтардың не үшін қажеттілігін.

Меңгереді: Тақырыпқа байланысты сөйлем құрауды.