Алматы облысы, Іле ауданы,

Төле би ауылы,

№37 орта мектебінің

11 «А» сынып оқушысы

Омар Нұрасыл Бақтығалиұлына

Мінездеме

Оқушы туралы мәлімет: Омар Нұрасыл Бақтығалиұлы 2008 жылдың қаңтар айының 12- жұлдызында дүниеге келген. Нұрасыл 2014 жылы

№37 орта мектебінің 1 сыныбына қабылданды. Аталған мектепті 2025 жылы бітіргелі отыр. Әлеуметтік жағдайы жақсы. Отбасында 3 бала. Нұрасыл үйдің үлкені. Анасы мұғалім болып жұмыс жасайды. Толық отбасында тәрбиеленуде.

Мінезі өте жақсы, адамдармен тез тіл табыса алады. Достары көп, сыныптастары мен достарының алдында беделді. Нұрасыл кішкентайынан спортқа өте бейім. Күрестен бірнеше рет жеңімпаз атанған, жүлделері бар. Мектепішілік, аудандық, облыстық жарыстар Нұрасылсыз өткен емес. Волейболдан команда капитаны. Аймақтық, аудандық жарыстардан бірнеше рет жүлделі орын алған. Аудандық «Тир» атудан жыл сайын жүлделі орындарға ие болуда. Мінезі төзімді болғандықтан спорттың кез келген түрінде табандылық танытып, жеңіске жетіп отыр. Спортта ғана емес, оқуда да озат болғандықтан, мектептің мақтанышы деп айтамыз.

Сырт бейнесі өте тартымды, үнемі таза жүреді. Мектептің ішкі тәртібіне сөзсіз бағынады. Денсаулығы өте жақсы, ешқандай шағымы болған емес. Денесінің дамуы өз жасына сай, қалыпты.

Сабақты үлкен қызығушылықпен оқиды. Жаратылыстану бағытында оқитындықтан алгебра, геометрия, информатика, физика пәндерін сүйіп оқиды. Математикалық, логикалық тапсырмаларды жеңіл орындайды. Есте сақтау қабілеті өте жоғары. Шығармашылық қабілеті, логикасы жақсы дамыған. Сөздік қоры жас ерекшелігіне сай. Ойын еркін жеткізе алады. Сауатты жазады, жазу дағдысы жақсы қалыптасқан.

Эмоциялары: мазасыз емес, сабырлы, барлық жағдайда шыдамдылық таныта біледі. Мектепте, мектептен тыс уақытта тәртіп бұзған емес.

Қоршаған орта туралы түсінігі мол, айналасындағы адамдарға, табиғатқа мейіріммен қарайды. Үлкенге құрмет, кішіге ізет көрсете алады.

Мектеп директоры: А.Ә.Балғабаева

Сынып жетекшісі: Ж.Е.Конбаева