Оқушылардың «Динамика» бөлімі бойынша алған білімдерін тексеру

9 - сынып. Физика Оқушылардың «Динамика» бөлімі бойынша алған білімдерін тексеру,
Бақылау жұмысы.

Мақсаты:
Оқушылардың «Динамика» бөлімі бойынша алған білімдерін тексеру, тиянақтау, қорытындылау.
Оқушылардың ғылыми дүниетанымын қалыптастыру.
Жауапкершілікке, тиянақтылыққа, еңбекқорлыққа тәрбиелеу.
Сабақ барысы:

І. Ұйымдастыру кезеңі.
ІІ. Бақылау жұмысын орындау.

І нұсқа.
Серіппені 4мм - ге созу үшін 0, 02 Дж жұмыс істеу керек. Осы серіппені 4 см - ге созу үшін қандай жұмыс атқару қажет?
Массасы 5 кг дене қандай да бір күштің әсерінен 1, 5 м/с2 үдеу алды. Массасы 12 кг дене дәл осындай күшпен әсер еткенде ол қандай үдеу алады?
Масасы 200 г балықты тік жоғары көтергенде қатаңдығы 0, 5 кН/м - ға тең қармақ бауы қанша созылатынын анықтаңдар.
2 км биіктіктен түсіп келе жатқан массасы 20 мг жаңбыр тамшысына әсер ететін ауырлық күшінің істейтін жұмысы қандай болады?

ІІ нұсқа.
60 Н күш денеге 0, 8 м/с2 үдеу береді. Осы денеге қандай күш 4 м/с2 үдеу бере алады?
Қатаңдығы 40 кН/м серіппені 0, 5 см - ге созу үшін қандай жұмыс атқару керек?
Жер бетінен 300 км биіктікте ұшып жүрген жасанды серіктің жылдамдығы қандай? Оның айналу периоды қандай?
Тереңдігі 5 м судағы көлемі 0, 6 м3 тасты судың бетіне дейін көтерді. Тастың тығыздығы 2500 кг/м3. Тасты көтеруде істелген жұмысты табыңдар.

ІІІ нұсқа.
Ғарыш ракетасы старт берілгенде Жер бетінен 20 м/с 2 үдеумен тік жоғары қарай қозғалады. Кабинадағы массасы 80 кг ғарышкер - ұшқыштың салмағын табыңдар.
Жер бетінен 600 км биіктікте дөңгелек орбита бойымен айналып ұшуы үшін жасанды серіктің жылдамдығы қандай болу керек? Оның айналу периоды қандай?
Қатаңдығы 100 кН/м тең сымды 1 мм - ге созу үшін оның шеттеріне қандай күш түсіру керек?
Массасы 2 кг денені 1 м биіктікке 3 м/с 2 үдеумен көтерегн кезде адам қандай жұмыс істейді?
ІІІ. Бағалау.

ІV. Үйге тапсырма: қайталау.