Оқушының үй жұмысына ата-ананың көмегі

ХХІ ғасырдың жас құрылысшысы қазіргі мектеп оқушыларына тиянақты білім беру мен саналы тәрбиелеу жұмысы мектеп мұғалімдерімен қатар ата-аналарға да үлкен міндеттер жүктеледі. Бастауыш мектепте оқитын оқушыларды оқуға деген ынтасымен ұмтылысы жоғарғы сынып оқушыларына қарағанда анағұрлым жоғары болады. Бастауыш мектеп мұғалімдерінің басты мақсаты оқушылардың оқуға деген қызығушылығын одан әрі нығайта түсу. Осы мақсатта орындауды талап ету жұмыстары екі жақты яғни мұғалім мен ата-ананың тарапынан жүргізіп отырса ғана оң нәтиже береді. Сондықтан ата-ана баласының бірінші сынып табалдырығын аттаған күннен бастап , оның оқуына немқұрайлы қарамай, ондағы жетістігіне қуанып, тәртібі мен мінез-құлқындағы өзгерістерге жиі назар аударып отыруы тиіс. Жас жеткіншек отбасынан басқа енді мектептегі өзі оқитын сынып оқушыларының бір мүшесі болады.