МКҚК №23 «Жеңіс» бөбекжай-бақшасы

«Бекітемін»

№23 «Жеңіс» бөбекжай-

бақша меңгерушісі

_______ Б.К.Сарымсакова

Ашық ұйымдастырылған

іс-әрекеті

Тақырыбы «Орманда болған оқиға»

Тәрбиеші: Джалелова А.К

Шымкент 2024

ТАҚЫРЫБЫ: «Орманда болған оқиға» 

Дағдылар: Көркем әдебиет. Қоршаған орта.

Мақсаты: Мамандық туралы түсінік беру, «Түлкі мен тырна» ертегісін театрландыру арқылы жақсы мен жаманды ажырата білу.

Міндеттері: «Түлкі мен тырна» ертегінің мазмұнын бекіту. Сюжетін рөлмен ойнату арқылы кейіпкерлер мінез-құлқын бере білуге, дауыс ырғағын қабылдауға үйрету. Байланыстырып ауыз екі сөйлеуін түрлі әдіс-тәсілдердерді қолдана отырып дамыту. Достыққа, табиғаттың әсемділігін сезіне білуге тәрбиелеу.

Шаттық шеңбер:  (қимылмен)

Қуанамын, күлемін,

Жылы менің жүрегім.

Достарыма үнемі,

Риза болып жүремін.

Бүгінгі көңіл-күйлерің қалай?(балалардың жауабы)

Сендер менімен орманға  серуендегілерің келе ме?

— Олай болса орманға серуендеп келейік. Cеруенге шықпастан бұрын жылы киініп алайық (Киім атауларын музыка арқылы мимикамен көрсету) Серуенге шығып бара жатқанда шаңғымен жүрген пошташы тапсырма алып келеді.

Пошташы: (шаңғымен келеді) Сәлеметсіңдер ме! Мен сендерге орман әлемінен хат алып келдім.

Тәрбиеші: Айтыңдаршы, хат алып келетін маманды кім деп айтамыз?

Балалар жауап береді

Пошташы: Ия, дұрыс айтасыңдар, мен пошташымын. Менің сөмкем бар, бұл хат салуға арналған сөмке, ал сендер қайда бара жатырсыңдар?

Балалар: Орманға

Пошташы: Ал, сендер үй жануарлары мен ормандағы аңдарды ажырата аласыңдар ма? (Балалардың жауабы)

 Д/о: “Аңдарды ажырат?”Ақ пен сары түсті обручтың ішіне аңдарды ажырату арқылы қойып шығады.

Пошташы: Дұрыс, енді менің қолымдағы  тапсырманы орындасаңдар орманға жетесіңдер.(Тапсырманы тәрбиешіге береді)

Орманға аңдардың ізімен қимылмен көрсетіп бару. (Бара жатқанда орманның қауіпсіздігін айтып бару: шулауға болмайды, от жағуға болмайды, жеке кетіп қалуға болмайды) Экранда орманның суреті, аңдардың, құстардың дыбыстары. Қандай тамаша! Таза ауа! (тыныс алу жаттығуы)

Тәрбиеші: Орманның ағаштарын, құстарын, аңдарын қорғайтын маманды орманшы деп атайды. (Орманның суретін көрсету).

Тосын сәт.
— Балалар экранға қараңдаршы, бұл қандай аң? Экраннан түлкі шығып сөйлейді.

Түлкі: Сәлеметсіңдер ме, балалар! Мен Түлкімін! Сендерді көріп қатты қуанып тұрмын.

Тәрбиеші: Түлкі сендердің келгендеріңе қатты қуанып тұр, жай түлкі емес сөйлейтін түлкі екен.

Түлкі: Ал, сендер аңдар туралы ертегі білесіңдер ме?

Балалардың жауабы: “Бауырсақ”, “Үйшік”, “Айлакер түлкі”, “Маша мен Аю” тағы басқа ертегілерді атайды.

Түлкі: Мен туралы  ертегі тыңдағыларың келе ме? Олай болса «Түлкі мен тырна» ертегісін тыңдайық.

Мультфильм көрсетру («Түлкі мен тырна»)

 Мультфильмді ортасынан тоқтату арқылы сұрақ-жауап: (толық жауап алу)

— Түлкі немен дос болыпты?

— Түлкі қонағын қалай күтіпті?

— Тырна Түлкіні қалай күтті?  

 Тәрбиеші: — Ертегі сендерге ұнады ма? (балалардың жауабы)

 — Ертегіде не туралы айтылған? (балалардың жауабы)

Тәрбиеші: Ертегі желісі бойынша сахналайық, сахналамастан бұрын ең алдымен сергіп алайық.

Сергіту сәті (музыкалық экраннан) “Мен Түлкімін”

1. Сахналау ертегі желісі бойынша (балалар ойнайды)

— Айтыңдаршы  балалар,   Түлкі мен Тырна дос болып қалды ма?

Ал, сендер доссыңдар ма?

Олай болса бір-бірімізді құшақтайық.

-Енді “Түлкі мен тырнаны” да достастырайықшы. Достықтары мәңгі болу үшін не істейміз? (Балалардың жауабы)

-Түлкі мен тырнаға түрлі түсті макарон бөлшектерін пайдаланып жіпке тіземіз моншақ жасап сыйға берейік.

- Тырнаға тұзды қамырды пайдаланып құмыра жасап берейік

-Түлкіге жайпақ табақ жасап берейік.

Түлкі: Тырна екеумізді достастырғандарыңа қатты қуанып тұрмын. Рахмет, балалар!

Тәрбиеші: Енді балабақшамызға барып есімізге түсірейік.

Эксперимент жасау: «Ормандағы қар жаңбыр сулары қайда кеткен»

Судың құмға, топыраққа, балшыққа қалай сіңіп кететінін тәжірибе жүзінде көрсету

Шығармашылық:

Балалар жұмыртқаның сыртын пайдаланып түлкі мен тырнаның бейнесін жасайды. Балалардың жасаған жұмыстарын бағалап,балаларды мақтап, мадақтап ұйымдастырылған оқу- қызметін қорытындылау

Қорытынды

-Балалар, біз бүгін қайда бардық?

— Не істедік?

-Бүгін сендер тапсырманы өте жақсы орындадыңдар. Түлкі сендерге қатты риза болды, себебі сендер “Түлкі мен тырнаға” достасуды көмектестіңдер.