Жоба: «Кішкентай құрылысшылар»

Мақсаты: Құрылысшы мамандығы туралы түсініктерді кеңейту. Ізденімпаздық пен зияткерлік бастаманы ынталандыру.

Тақырыбы: «Орманға саяхат»

Міндетті: Табиғи материалмен таныстыру (бұтақ, шөп) оны пайдалану тәсілдерін көрсету. Сәндік-қолданбалы шығармашылыққа қызығушылықты ояту, эстетикалық талғам мен практикалық дағдыларды қалыптастыру.

Керекті құралдар: қартон, бұтақтар, шөп, жапырақтар, ПВА желімі, ермексаз.

-Балалар сендер қайда тұрасыңдар? «Үйді қандай мамандар салады?» Кім өз мекен-жайын біледы? Қандай үйде тұрасындар? Көршілерінің үйлері қандай? Үйлердің қандай ерекшеліктері бар екен? Үйге терезе, есік қажет пе? Шатыры қандай?

Үйлердің қандай түрлері болады екен?

Үңгір (пещера). Сакля. Киіз үй. Қазіргі заманғы үй.

Үй тапсырмасы бойынша біз әкелерімізбен бірге картоннан үй құрастырдық.

Үйлердің айырмашылығы қандай? Неден жасалынған? Бұл үйде адамдар тұра аладыма? Неге? Бұл үйлер кімге арналған?

Бүгін балалар біз сендермен бірге саяхатқа шығамыз, ал қазір қайда баратынымызды ойланып табындар. Көзімізді жұмып, мұқият тыңдаймыз. (Орман музыкасы – музыкалық терапия, ароматерапия – шырша, шырша иісі) Ағаштың жапырақтары сыбдырлап түсіп жатыр, қоян секіріп жұр, тиін жаңғақтарын жинап қысқа дайындалып жатыр, құстардың дауысы естіледі. Кім табады бұл қай жер?

Балалар: орманда.

Дұрыс, жарайсыңдар балалар. Орман – үлкен кеңістікте қатар өсетін ағаштар жиынтығы. Бұталары көп, жерде жайылған шөп. Ағаш қабығының, жапырақтардың, шөптердің, мүктердің және саңырауқұлақтардың иісі - бір сөзбен айтқанда, нағыз орман тұнбасы! (ароматерапия)

Қалың шөп басқан тар жол бізді орманға кіруге, ағаштарға, таза ауамен демалуға шақырады.

Біз орманға келдік, оң жаққа қарасақ бір бала қарағайға шықты.

Ол үш бұтақты сындырып үлгерді, секіріп, айқайлап, барлық кішкентай жануарларды қорқытты. Орманда от жағам деп жас талды да сындырды.

Сол жаққа бас бұрсақ екінші бала кірпіге тас лақтырып тұр. Балалар орманда

өзің-өзі қалай ұстау ережелерін еске түсірейік.

Орманды аралап жүргенде, егер кенеттен ауа райы бұзылса, біз өзімізге

орманда баспана жасай аламызба?

«Табиғи материалдан орман саятшылық үй жасау»

Орманда бір күндік саяхатта орнатуға болатын саятшылық үй құрастырамыз. Саятшылықты салу үшін табиғи материалдарды қолданамыз: ағаш бұтақтары мен қабығы, сабан, шөп. Саятшылықты салу үшін біз бір-бірінің жанында тұрған екі ағашты тауып, бұтақтарына көлденең тірек қоюымызға да болады. Саятшылық шатыр түрінде салсақ да болады. Көбінесе жұқа және ұзын сырықтардан шатыр тірегі салынады, қажет емес құрап қалған бұтақтар кесіліп, конус немесе шатыр түрінде орналастырылады, шөптер мен бұтақтармен жабылады. Саятшылықты салу үшін бізге қораптың қақпағы, бөлшектерді, бұтақтарды, және жапырақтарды бекітуге арналған ермексаз, ПВА желім қажет. Алдымен екі тік және бір көлденең таяқшадан саятшылықтың жақтауын жасаймыз. Біз саятшылықтың ішіне жапырақтардан, сабаннан, шөптен төсеніш төсеп қоямыз. Екі вертикалды солға және оңға тірек бұрышында орналастырамыз. Екі көлбеу тірекке көлденең таяқшаларды орналастырамыз. Саятшылықтың жақтауы дайын болғаннан кейін ермексазды пайдаланып төменнен бұталарды бекітеміз.

Ұлдар ұш командаға бөлініп құрастырады. Қыздар шөптен, жапырақтардан төсеніш жасап, әшекейлейді.

Табиғатты сыйлайық,

Бұтақтарын жұлмайық.

Жер-Анаға бас иіп,

Табиғатты қорғайық.

• Балалар сендерге табиғи материалдан орман саятшылық үй жасаған ұнады ма?

• Қай топтын үйі ерекше? Неліктен?

(Балалар пікірлерін айтады)