Өрт қауіпсіздігі

Жетісу облысы,Талдықорған қаласы,№12 «Байтерек» бөбекжайының тәрбиешісі Кемешева Сауле Турсуновна.

Тақырыбы: «Өрт қауіпсіздігі»

Мақсаты: Балаларға оттың адам өміріндегі маңызын, пайдасын,оның тілсіз жау екендігін ұғындыру. Өрттің зияны менқауіпісіздігі туралы толық мағлұмат  беру. Үйдегі қауіпсіздік   ережелері туралы білімдерін бекіту.

Барысы:
Суретпен жұмыс

Тәрбиеші:Балалар,қалай ойлайсыңдар,сіріңкемен ойнаған қауіпті ме?
-Сіріңкемен ойнауға бола ма?
-Не себептен сіріңкемен ойнаған қауіпті?
Балалардың жауаптары тыңдалады.
Өрттің шығу себептері туралы не білеміз? Қане кім айтады?
-Сіріңкемен  ойнаса.
- Үтікті қосып кетіп қалса.
-Газды ашық қалдырып кетсе.
Ұжымдық жұмыс:” Пайдалы от-пайдасыз от” фотоколлаж жасау

Ойын: «Болады, болмайды» доппен.

Тәрбиеші:балалар от туралы қандай мақал-мәтел білеміз?

Балалар:
1.Отпен ойнама, күйерсің.
2.Ойын түбі – от.
3.От жақпа - пісерсің,
   Ор қазба – түсерсің.
4.Сумен ойнама – батарсың,
   Отпен ойнама – күйерсің.
5.От пен су – тілсіз жау.
Тәрбиеші:Балалар,сендер отпен ойнаудың қаншалықты қауіпті екенін білдіңдер.Егер өрт болған жағдай да өзімізді қалай ұстау керекпіз.
1. Өрт сөндіруге қарсы «101» телефонына қоңырау шалу керек және өз мекенжайыңызды айтуыңыз қажет, үйден жүгіріп шығу және көмекке адамдарды шақыру кажет.

2.  Егер сіздің телефон жоқ болса  «Өрт!»- деп қатты дауыспен сырттағы адамдарды көмекке шақыру керек.
   3. Өрт шыққан кезде  еденге жатып мұрын мен ауызды сулы орамалмен жауып еңбектеп немесе жорғалап есікке қарай шығу қажет.

1 Тапсырма: “Суреттерді құрастыр”

2 Тапсырма “Қажетті құрал-жабдықтарды тап” ойыны
«Сұрақ-жауап»ойыны арқылы қорытындылау.
Тәрбиеші: Рақмет сендерге,балалар!Міне, балалар бүгін біз «Отпен ойнау қауіпті!» деген тақырыпта  өрттен сақтану жолдарын білдік. Жоғарыда айтылғандарды естеріңде сақтап, әдепті болып жүріңдер.