Ортаңғы «Қуыршақ» тобындағы ұйымдастырылған оқу қызметінің конспектісі Аппликация "Анама не сыйлаймын"

Ортаңғы «Қуыршақ» тобындағы ұйымдастырылған оқу қызметінің конспектісі

Өткізілу күні:

Тәрбиеші: Берік А.Б

Білім беру саласы: «Шығармашлық»

Пән: Аппликация

Өтпелі тақырып: «Жер – Ана!»

Тақырыбы: : «Анама не сыйлаймын?»

Мақсаты:

Тәрбиелеу: Балаларды аналарын сыйлауға тәрбиелеу.

Дамыту:Әсемдікке баулу, эстетикалық талғамын, қиялын дамыту.

Оқыту: Қиылған дайын пішіндерді қағаз бетіне дұрыс орналастыра білуге үйрету

Педагогикалық технологиялар: түсіндіру, ойын, дамыту.

Ресурстармен қамтамасыз ету: суреттер, бидай өнімдерінің суреттері.

Билингвалдық компонент: ана-мама, гүл-цветок, сыйлық-подарко.

Ұйымдастырушылық кезеңі

Балалардың назарын топқа көңіл-күйі түсіңкі болып кірген қуыршақ Айшаға аударады.

Қуыршақ Айша балалармен амандасады.

-Сәлеметсің бе,Айша!

-Неге сенің көңіл-күйің жоқ?

Қуыршақ Айша: -балалар, мен, сендерден көмек сұрай келдім.

-Мен анама мерекесіне сыйлық жасайын деп едім, бірақ келістіре алатын емеспін. Қолымнан келмейтін сияқты.

Тәрбиеші Айшаға көмектесуге ұсыныс жасайды.

-Балалар, қуыршақ Айша анасының мерекесіне сыйлық жасағысы келеді екен. Ал аналар мерекесі қай кезде болатын еді?

-Өте дұрыс, ал көктемнің қай айында?

-Дұрыс айтасыңдар балалар.

Негізгі бөлім:

-Балалар енді аналар туралы қандай тақпақтар білесіңдер?

Балаларға тақпақ айтуға ұсыныс жасайды.

Адия:

Жылылықтан жаралған

Құшағы оның таң мекен.

Менің айдай анамнан

Асқан сұлу барма екен?!

Ернар:

Жер бетінің ғұмыры

Күн нұрымен арайлы.

Біздің үйдің жылуы

Анамыздан тарайды?!

-Жарайсыңдар балалар!Ал енді анамызға қандай сыйлық жасайтынымызды білу үшін жұмбақ жасырайық. Сол жұмбақты дұрыс шешсеңдер соны сыйлық қылып жасаймыз.

Жұмбақ

Құлпырып,жайнап өседі

Күннің көзін сүйеді.

-Өте дұрыс! Ендеше балалар, біз анамызға әдемі гүлдің суретін жапсырып береміз.

-Айша,сен келісесің бе?

-Әрине келісемін.

Балалардың назарын тақтадағы суретке аударып, гүлдің жасалу жолын түсіндіреді.

Саусақ жаттығуы.

Саусақтарды тарамдап,

Ашып,жұмып алайық.

Әр саусақты бір-бірлеп

Бүгіп, бүгіп алайық.

Балаларға алдын ала дайындалған гүлдің бөліктерін таратып береді.

Жапсыру әдістерін түсіндіреді.

-Сабағы мен жапырақтарын жапсырамыз.

Жапсыру барысында қиындық танытқан балаларға тәрбиеші көмектеседі.

Сергіту сәті

Аппақ,қызыл,көк гүлдер

Самал желмен тербелер.

Гүлдер өссе жайқалып,

Бүкіл әлем гүлденер.

-Балалр енді гүліміздің табақшасы мен ортасындағы күлтесін жапсырайық.

1.Үлкен табақшасы

2.Кіші табақшасы

3.Ортасына гүлдің күлдің күлтесін жапсырамыз.

-Міне,балалар,біздің сыйлығымыз да дайын болды.

-Айша,біздің балаларымыздың сыйлықтары ұнады ма?

-Әрине ұнады.

Айша балаларға алғысын білдіреді.

Балалармен ойын ойнайды.

«Гүл жинаймыз» д/о.

Ойын шарты: Екі топқа бөлініп,өсіп тұрған гүлдерді құмыраға жинайды.

Айша балаларға рахметін айтып, қоштасып кетеді.

Қорытынды:

Балалар жұмыстарын аяқтайды, бір-біріне көрсетеді.

Тәрбиеші мақтап мадақтайды.