Орында жол тәртібін

Күні:

Тақырыбы: Орында жол тәртібін

Мақсаты: 1. Жол белгілерін үйреніп, оның түрлерін ажырата білуге,білгендерін пайдалана білуді тұрақты дағдыға айналдыруға үйрету.

2.Оқушыларды жауапкершілікке, сергектікке, жол ережесін бұлжытпай орындауға, өзіміздің ауылымыздағы жол белгілерін есте сақтау дағдысына тәрбиелеу.

Көрнекілігі: Оқушылардың салған суреттері, (көшеде сақ бол), картон қағаздан жасалған бағдаршам көздері

Барысы:

Кіріспе:

- Әрбір адам күніне жолды ең кем дегенде 2 рет кесіп өтеді. Қоғамдық транспорттарды немесе велосипед тебеді. Олар біздің жол қозғалысына қатысуымызға айыпкер болады. Ал жол бойында кездейсоқ қатерге ұшырамау үшін жолда жүру ережесін жақсы білу қажет. Жол жүру белгілерін түстеп айырып, бағдаршамның нұсқауына бағыну керек.

Сен көшеге шықтың. Жүріп келе жатқан адамдарға бөгет жасамау үшін әуелі сол жағыңа, содан кейін оң жағына қара.

Мектепке барар жолды, не көшені барынша аз қиындықпен өтетін ең қауіпсіз жолды таңдап ал.

Қала көшесімен келе жатқанда, абай бол! Асықпа! Тек жол жиегімен жүр!

Тар жол жиегімен келе жатқанда алдыңнан қарсы келе жатқан үлкен кісіге жол бер!

Көшеде келе жатып қақпадан шығып келе жатқан машинаны көрсең, күте тұр. Көшеде тоқтап тұрған машинаның қасынан абайлап өт, машина есігін ашып қалуы мүмкін.

Негізгі бөлім:

Сұрақ-жауап алу

- Көшеде жүру тәртібін не басқарады?

- Бағдаршам- өмірімізді апаттан сақтайтын көмекшіміз, оның сырынбіліп, тілін алу баршамыздың міндетіміз. Бағдаршам жол элементтерінің ішіндегі ең ерте пайдаланыла бастағаны. Қазір бағдаршамның жасы жүзден әлдеқайда асып кетті. Әрі оның кескін-келбеті де, құрылысы да әлденеше рет жаңарды. Ол жол қозғалысына қатысушыларға өз жарығымен бағыт етеді.

Ойын.

Қағаздан ұзын жол етіп өткел жасалады. Екі ойыншық машина жүргізіледі.Мектептен шыққан оқушы өткелден қалай өту керектігін көрсетеді.

-Бағдаршамның қызыл түсін көрсетсе, оқушылар тыныш тұра қалады, сары көзін көрсетсе,оң аяқтарын көтереді,ал жасылды көрсетсе аяқтарын тап-тап басады.

Ойын бірнеше рет қайталанады.

Қорытынды бөлім:

-Балалар бүгін біз сендермен не жайында өттік?