Өсімдіктер

Пәні жаратылыстану

Ортақ тақырып: «Өзім туралы», «Менің отбасым және достарым»

Ұзақ мерзімді жоспар бөлімі:

2-бөлім: Жанды табиғат. Өсімдіктер

Күні:

Сынып: 2

Мектеп:

Мұғалімнің аты-жөні:

Қатысқандар саны:

Қатыспағандар саны:

Сабақ тақырыбы:

Өсімдіктер

Оқу мақсаты

2.2.1.7 - өсімдіктерге қамқорлық жасаудың маңыздылығын түсіндіру;

2.2.1.5 - өз өлкесінің өсімдік топтарын сипаттау;

Сабақ мақсаттары

Барлық оқушылар: өсімдіктерге қамқорлық жасаудың маңыздылығын түсінеді, өз өлкесінің өсімдік топтарын біледі;

Көптеген оқушылар: өсімдіктерге қамқорлық жасау жолдарын анықтайды, өз өлкесінің өсімдіктерін ажыратады;

Кейбір оқушылар: өсімдіктерге қамқорлық жасаудың маңыздылығын зерттеу арқылы айқындап береді, өз өлкесінің өсімдіктерін сипаттайды;

Бағалау критерийлері

өсімдіктерге қамқорлық жасаудың маңыздылығын түсіндіреді, өз өлкесінің өсімдік топтарын сипаттайды.

Тілдік мақсаттар:

Оқушылар орындай алады:

Өсімдікке қамқорлық жасау керегін біледі, өз өлкесінің өсімдіктерін ажырата алады.

Пәнге тән лексика мен терминология:

қамқорлық, өнім

Диалог пен жазу үшін пайдалы сөздер мен тіркестер:

Қамқорлық- күту, баптау, суғару, қорғау

Өнім-өсімдіктерден аламыз.

- Өсімдіктер неше топқа бөлінеді?

- Осы топтардағы өсімдіктердің қайсысы біздің өлкемізде бар?

-Өсімдіктерді қалай қорғаймыз?

Құндылықтарды дарыту

«Мәңгілік Ел» жалпыұлттық 7 құндылығының 1–ші құндылығы негізінде ұлттық бірлік, бейбітшілік пен келісімді сақтап, табиғатты сүюге, қамқорлық жасауға тәрбиелеу;

Пән аралық байланыс

Дүниетану, өзін-өзі тану, көркем еңбек

АКТ қолдану дағдылары

Интерактивтік тақта, таныстырылым

Бастапқы білім

Өсімдік түрлерін, атауларын біледі.

Сабақ барысы

Сабақтың

Жоспарланған

кезеңдері

Сабақтағы жоспарланған іс-әрекет

Ресурстар

Сабақтың басы (4мин)

1 мин

3 мин

-Сәлемдесу.

-Көңіл-күйлерін сұрау

5-Т ережесін сақтау.

Тәртіп

Талап

Тыныштық

Тазалық

Татулық

Тыныштық сәті. «Орманға саяхат»

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз,  қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына  көңіл бөліңіз. (Осы жерде мұғалім 1-2 минут үзіліс жасауына болады).

Табиғат неткен ғажап, оны қалайша сүйетініміз бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта  оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

- Балалар осы тыныштық сәтінде не сезіндіңдер?

- Ненің хош иісін сезіне алдыңдар? (гүлдің)

- Гүлдерді не деп атаймыз?(өсімдік)

- Ендеше, бүгінгі сабақтың тақырыбы қандай деп ойлайсыңдар?(өсімдіктер)

Топқа бөліну.

Балалар столдан бір-бір сурет алады. Енді осы суретке байланысты топқа бөлінеді.

Неге олай бөлінгендерін түсіндіреді.

1-топ.Ағаштар

2-топ. Бұталар

3-топ. Шөптер

интербелсенді тақта

суреттер

Сабақтың ортасы

3 мин

5 мин

Сергіту сәті

2 мин

10 мин

9 мин

3 мин

№1 тапсырма.

1-топ. (Ө) «Топтау» әдісі

Аяқтаған соң бір-бірінің жұмысын тексеріп,

+, - белгісін қояды.

2-топ. (Т) «Ой қозғау» әдісі

Қима қағаздардағы берілген сұрақтарға жауап беру.

- Адам өсімдіктерге қандай күтім жасайды?

- Өсімдіктерге қамқорлық жасап жүрсіңдер ме? Қалай?

- Достарыңмен қандай қамқорлық жасап жүрсіңдер?

- Отбасыларың өсімдіктерді қалай қорғап жүр?

- Өсімдіктерді қорғау неге маңызды?

3-топ . (Т) «Теріп ал» әдісі

Алдарыңыздағы себетке берілген өсімдіктердің ішінен өз өлкемізде өсетін өсімдіктерді теріп алып салыңыздар.

Қ Б. «Бағалау ағашы»

Тапсырманы дұрыс орындаса, ағаштың басындағы адамның бірін, орташа орындаса ортасындағы адамның бірін, нашар орындаса жердегі адамның бірін қоршайды.

№2-тапсырма. (Ұ) «Көр, ойлан, талқыла» әдісі

1. «Мемлекет өсімдікті қалай қорғап жатыр?»

Бұл сұрақ туралы оқушылардың не білетінін сұрау.

2. Слайд арқылы қорықтар туралы мәлімет беру. Өсімдіктерді қорғаудың маңыздылығын түсіндіреді.

Марқакөл қорығы

1000 аса жоғары сатылы өсімдіктер, оның ішінде 12 түрлі ағаш және 22 түрлі бұта бар болса, Марқакөлде су және су маңы өсімдіктері, жоғары су өсімдіктерінің 30 түрі таралған. Көл жағасын бойлай қошқыл айрауық, қамыс тәрізді субидайық, торсылдақ және қияқөлең өседі. 

Катонқарағай ұлттық табиғи паркі - Шығыс Қазақстан облысы Катонқарағай ауданының аумағында 2001 жылы ұйымдастырылған саябақ. Ауданы 643 мың га, оның 215 мың га-сы орманды алқап, ағаштарының қоры – 24 мың м^³.
Саябақ жерінде самырсын, балқарағай, қарағай, 

шырша, қайың, мойыл, терек өседі. Өте сирек кездесетін, жылдан жылға таралу аймағы азайып бара жатқан, Қазақстанның Қызыл кітабына енгізілген 40-тан астам өсімдік түрлері (алтын тамыр, алтай рауғашы, марал тамыр) кездеседі. 

ҚБ «Гүлдер

Белсенді қатысқан оқушыларға жасыл түсті гүлді, сары гүлді ең сыпайы оқушыларға, ал қызыл гүлді ең жақсы тыңдай білген балаға беріледі. Ең үлкен гүл шоғы кімде болар екен?

«Бананы»

Бананның қимылын қайталау.

№3 тапсырма «Ізден, сипатта, анықта» әдісі (Т)

Өсімдіктердің қызыл кітабынан қорғауға алынған және шығыс қазақстанда өсетін бір өсімдік туралы айтып, ол өсімдіктерді қорғаудың маңыздылығын түсіндіріп береді.

Өсімдікті сипатта.

Оның пайдасын айт.

Одан алынатын өнімдерді ата.

Сол өсімдікті қорғау маңыздылығын іздеп тап.

ҚБ. «Қызғалдақ» (оригами тәсілімен жасалған)

Жасыл -Жарайсың!

Сары-Талпын!

Қызыл – Мақсатқа ұмтыл!

№4 тапсырма. (Т) «Таңбалау» әдісі

Өсімдіктерді қорғау маңыздылығын түсіндіру үшін таңба ойлап табу.

Қб «Табиғат қорғаушысы»

Ең үздік таңба ойлап тапқан топқа табиғат қорғаушысы төс белгісі беріледі.

Т-5. (Ж) «Сәйкестендір»

-Балалар, енді ізденушілік тапсырма орындаймыз. Әр жұп өсімдіктің суреті мен одан өндірілген өнімді тауып сәйкестендіруі керек. (Күнбағыс майы-күнбағыс, зәйтүн майы –зәйтүн, жіп, жейде-мақта, ағаш-дәптер, қатырма қағаз, арпа-арпа ұны, бидай-бидай ұны)

ҚБ «Өсімдік тобы»

Ағаш - биіктен көріне білдің.

Бұта - әлі де тырысу керек.

Шөп – белсенділік таныт

Қима қағаздар, маркер, себет, өсімдік суреттері.

Интербелсенді тақта

Слайд

Интербелсенді тақта

А-4, маркерлер

Суреттер

Заттар:

Сабақтың соңы

4 мин

Жасыл түсті алма-мен бәрін түсіндім, көңіл-күйім көтеріңкі.

Сары түсті алма-мен тапсырманы орындай алмадым, көңіл-күйім жоқ.

Рефлексия.

Саралау- оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырасыз?

Саралаудың тапсырма, диалог және қолдау тәсілін №1тапсырмаға қолдандым. Себебі, білім деңгейі әр түрлі оқушыларға арналған тапсырмалар дайындадым.

№2 тапсырмаға саралаудың дереккөздер тәсілін қолдандым. Себебі, кейбір оқушылар күрделі дереккөздермен жұмыс істей алады, талқылайды.

Саралаудың дереккөздер, қорытынды тәсілін №3 тапсырмада қолдандым. Себебі, кейбір оқушылар күрделі дереккөздермен жұмыс істей алады, талқылайды, өздерінен не күтетіндігін біледі.

Саралаудың қарқын тәсілін №4тапсырмада қолдандым, себебі, бұл тапсырмада көп күш жұмсауды талап ететін оқушылар болады.

№5тапсырмаға жіктеу тәсілін қолдандым. Себебі, талаптары әр түрлі оқушылар ұйымдасып жұмыс атқарады.

Саралаудың бағалау тәсілін сабақтың әр кезеңінде қолдандым. Себебі, оқушыларды ынталандырып, үнемі бағалап отыру қажет.

Бағалау - оқушылардың материалдың меңгеру деңгейін қалай тексеруді жоспарлайсыз?

1 -тапсырмада «Бағалау ағашы» арқылы бағаланады.

2- тапсырмада «Гүл шоғы»

тәсілімен бағаланады.

3 -тапсырмада «Қызғалдақ» тәсілімен бағаланады.

4-тапсырмада «Табиғат қорғаушысы» тәсілімен бағаланады

5-тапсырмада «Өсімдік топтары» тәсілімен бағаланады.

Кері байланыс «Алма ағашы»

Денсаулық және қауіпсіздік техникасының сақталуы.

Тапсырмалар орындау барысында техникалық қауіпсіздік нұсқаулығы жүргізіліп отырады. Сергіту сәтін орындату арқылы оқушы денсаулығын нығайтады.

Сабақ бойынша рефлексия

Сабақ мақсаттары /оқу мақсаттары дұрыс қойылған ба?

Оқушылардың барлығы ОМ қол жеткізді ме?

Жеткізбесе неліктен?

Сабақта саралау дұрыс жүргізілді ме?

Сабақтың уақыттық кезендері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.

Жалпы баға

Сабақтың жақсы өткен екі аспектісі(оқыту турулу да оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да оқу туралы да ойланыңыз)?

1:

2.

Сабақ барысында сынып туралы немесе жекелеген оқушылардың жетістік / қиындықтары туралы нені білдім, келесі сабақтарда неге көңіл бөлу қажет?