Бөлімі:

Буын және тасымал

Педагогтің аты-жөні:

Уашова Ләззат Үйсінбайқызы

Күні:

01.02.2024

Сыныбы:1

Қатысушылар саны: Қатыспағандар саны:

Сабақтың тақырыбы:

Отаным. Буын.

Оқу бағдарламасына сәйкес оқу мақсаты

1.1.3.1 тақырыбы мен иллюстрациясы бойынша мәтіннің мазмұнын болжау;

1.4.1.1 айтылуы мен жазылуы бірдей сөздерді есту, есте сақтау арқылы жазу;

1.2.9.1 дауысты дыбыстардың буын құрайтынын білу, буын санын анықтау.

Сабақтың мақсаты:

Тақырыбы бойынша өлең мазмұнын болжайды. Айтылуы мен жазылуы бірдей сөздерді есту арқылы жазады. Дауысты дыбыстардың буын құрайтынын біледі, сөздердегі буын санын анықтай алады

Сабақ кезеңі/Уақыты

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

(5мин)

Ұйымдастыру кезеңі

Оқушылар орынынан тұрады.

Сәлеметсідерме оқушылар! Көңіл күйлерің қалай? Жарайсыңдар, бүгінгі сабаққа барлығымыз дайынбыз ба? Жақсы олай болса мен айтатын сөздерді бірге қайталайық.

Мейрімді жүрекпен

Ақ пейілді тілекпен,

Амандасып алайық

Бір жадырап қалайық.

– Жарайсыңдар балалар! Ал енді орынымызға отырып, оқулық, дәптерлерімізді алып, сабаққа дайындаламыз.

Оқушылар орнынан тұрып, мұғаліммен амандасады. Мұғалімнің айтқан сөздерін мұқият тыңдап бірге қайталайды.

Мейрімді жүрекпен

Ақ пейілді тілекпен,

Амандасып алайық

Бір жадырап қалайық.

Жұмыс дәптерлерін ашып, сабаққа дайын екеніне көз жүгіртеді. Орындарына жайғасады.

Мұғалім ұйымдастыру кезеңінде белсенділік танытқан оқушыларды «Мадақтау сөз» әдісі арқылы бағалайды: «Тамаша! Керемет! Өте жақсы! Талпын!»

Презентация

Сабақтың ортасы

(30мин)

Сергіту сәті

(2мин)

Сабақтың соңы

(5мин)

Қайталау (өткенді қайталау)

-Балалар, сабақты бастамас бұрын өткен сабақты бір қайталап алайық. Сұрақтарға анық жауап береміз. Жақсы ма? Бүгін тағы буын тақырыбын қайталаймыз.

Қазір сендерге сұрақтар қоятын боламын. Сол сұрақтарға жылдам әрі дұрыс жауап береміз.

1) Қанша дауысты дыбыс бар?

2) Дыбыс дегеніміз не?

3) Дыбыстың қандай түрлері бар?

4) Дауысты дыбыс дегеніміз не?

5) Дауыссыз дыбыс дегеніміз не?

6) Жуан дауысты дыбыс дегеніміз не?

7) Жіңішке дауысты дыбыс дегеніміз не?

8) Әріптер бізге не үшін қажет?

9) Дауысты дыбыстар мен дауыссыз дыбыстарды қалай ажыратамыз?

Тақтаға назар аударайықшы. Сөздер берілген ішінен тек қана екі буынды сөздерді теріп айтыңдар.

Сүт, қасық, ара, кітап, балапан, кірпі, көбелек.

Жарайсыңдар!

Ал енді оқушылар мен сендерге сөзжұмбақ дайындап әкелдім. Қане барлығымыз бірге шешейік.

1. Зәредейін жанданған,

Бара-бара жалданған,

Бұйра-бұйра жалы бар,

Жал астында қаны бар.

2. Ақ дуалдың ар жағыда қызыл ат,

Байлауынан бір босамас қызық ат

3. Бір қаланың атауы сол жеміспен аталған.

4. Ас атасы-?

О
т
а
н

Отан сөзін құрап, ауызша дыбыстық талдау жасаңдар. Отан сөзін тағы қалай айтуға болады? Балалардың ойын тыңдау. Толықтыру (туған ел, туған өлке, туған жер, атамекен, атажұрт, Қазақстан).

Қазақстан қандай мемлекет? Қазақстан туралы не білесіңдер?

Оқулықпен жұмыс

1-жаттығу. Өлеңнің тақырыбы бойынша мазмұнын болжау. Өлеңді тыңдап, өлең не туралы екенін айтады. Өлеңнің мазмұнына байланысты жүргізілетін жұмыстар:

а) мұғалім өлеңді тыңдатады;

ә) сөздік жұмысы жүргізіледі;

б) жеке оқушыларға оқытады;

в) мазмұнына байланысты сұрақтар қояды;

г) топқа өлең шумақтарын бөліп береді;

ғ) мәнерлеп оқытады.

- Балалар шаршадыңдар ма?! Ендеше сендермен сергіту сәтін өткізіп алайық. Ол үшін сендер 3 топқа бөлінесіңдер,1-топ баскетбол, 2-топ волейбол, 3-топ футбол. Мен осы сөздерді кезекпен

айтамын сендер тез орындарыңнан тұруларың керек.

2-жаттығу. Сызбадағы буындардан жұмбақ құрап жаз. Шешуін тауып, жұмыс дәптерімізге жазамыз.

3-жаттығу. Шығармашылық тапсырма ретінде орындалады. Алатау сөзіндегі әріптерден бірнеше сөз жасап жазады.

Сабаққа белсенді қатысқан оқушыларды мадақтау.

«Білім кемесі» арқылы кері байланыс жасайды.

-Саған сабақ түсінікті және тапсырма- ның барлығын сәтті орындаған болсаң, желкенді жасыл түспен боя.

-Сабақта белгілі бір қиындықтар кездестірген болсаң, желкенді сары түспен боя.

-Сабақта тапсырмалар орындау қиын болып, мұғалімнің көмегі қажет болса, желкенді қызыл түспен боя.

Оқушылар сабағымыз аяқталды. Келесі сабағымызға дайындаламыз.

Сабақтың тақырыбымен танысады. Берілген сұрақтарына жауап береді.

1. Қазақ тілінде 37 дыбыс бар.

2. Сөздің ең кішкене бөлшегі.

3. Дыбыстың 2 түрі бар. Олар: Дауысты және дауыссыз.

4. Өкпеден шыққан ауа кедергіге ұшырамай еркін шықса дауысты дыбыс болады.

5. Өкпеден шыққан ауа кедергіге ұшыраса дауыссыз дыбыс деп аталады.

6. Жуан дауысты дыбыстарды айтқанда тіл кейін шегініп, тіл үсті дөңестенеді.

7. Жіңішке дауысты дыбыстар айтқан кезде тілдің ілгері созылады.

8. Сөйлеу үшін керек.

9. Айтылуына байланысты ажыратамыз.

-Қа-сық, а-ра, кі-тап, кір-пі.

-Ал қалған сөздерден сүт сөзі 1 буын, балапан сөзінде 3 буын, көбелек сөзінде де 3 буын бар.

Сөзжұмбақтарды шешеді.

1. Зәредейін жанданған,

Бара-бара жалданған,

Бұйра-бұйра жалы бар,

Жал астында қаны бар. (от)

2. Ақ дуалдың ар жағыда қызыл ат,

Байлауынан бір босамас қызық ат (тіл)

3. Бір қаланың атауы сол жеміспен аталған. (алма)

4. Ас атасы- (нан)

Біздің Отанымыз Қазақстан Республикасы.

Отан-4 әріп, 4 дыбыс, 2 буын.

О-дауысты, жуан, ашық, еріндік.

Т-дауыссыз, қатаң.

А-дауысты, жуан, ашық, езулік.

Н-дауыссыз, үнді.

1-жаттығу. Тақырыбы бойынша өлеңнің мазмұнын болжайды. Содан кейін тыңдайды.

Сөздік жұмысы жүргізіледі.

Шапақ – Күн сәулесі. Жекелеген оқушылар дауыстап оқиды. Мазмұнына байланысты сұрақтарға жауап береді. Өлеңнің соңғы екі жолын көшіріп жазады.

Көркем жазу

П П П П П П

п п п п п п

3 топқа бөлінеді, 1-топ баскетбол, 2-топ волейбол, 3-топ футбол. Осы сөздерді кезекпен айтқанда тез орындарынан тұрулары керек.

2-жаттығуды орындайды. Буындардан сөз құрап оқиды. Сөздерден жұмбақ құрап жазады.

Көк жүзінде көп жолақ.

Шешуі: кемпірқосақ.

3-жаттығуда Алатау сөзінен бірнеше сөз жасап жазады.

Мысалы: Ала, тау, ау, ата.

«Білім кемесі» арқылы сабақты қорытындылайды. Кеменің суреті беріледі. Сабақ түсінікті жасыл бояумен, қиындықтар болса сары түспен, тапсырмалар орындау қиынға түссе және түсініксіз болса қызыл түспен бояйды.

Келесі сабаққа дайындалады.

Мадақтау.

«Жарайсың!»,

«Бәрекелді!»