1-жүргізуші Майра:(тәрбиеші)

Сәлеметсіздерме құрметті қонақтар.

2-жүргізуші Әлинұр:

Сәлеметсіздерме ата-аналар.

Майра:

Құрметті ата - аналар, балабақша ұжымы! Баршаңызды 25- қазан Республика күні мерекесімен шын жүректен құттықтаймыз! Отбасылық бақыт, дендеріңізге саулық, еңбектеріңізге жеміс, мерекелік шат көңіл тілейміз.

Әлинұр сен Қазақстан,Отан туралы өлең –шумақтарын білесіңбе?

Әлинұр: Әрине, Майра апай білемін.

Майра: Ендеше қонақтарға айтып бересіңбе?

Әлинұр: Жарайды .

Отаным менің –Қақақстан,

Ыстық қой сенің топырағың.

Орманын,көлін,бау-бағын,

Қастерлеген қазағым.

Найзаның ұшымен қорғаған,

Халқым менің мықтығой.

Ата-бабам әрқашан,

Салт-дәстүрін сақтаған.

Майра: Жарайсың Әлинұр, ендеше не тұрыс ортаға «Қарлығаш» мектепалды тобының балаларын қошеметпен шақырайық.

(Музыкамен,қолдарына ту ұстаған балалар ортаға шығады)

Әлинұр: Құрметті қонақтар балалардың орындауындағы «Қазақстаным Отаным» әнін қабыл алыңыздар.

Әлинұр:

Бүгін міне таныды әлем,

Қазағымның кім екенін.

Мақтанышпен мен өзіңді,

Ән етемін,жыр етемін.

Асылым мен Әминаның орындауындағы «Отан-Ана» әнін қабыл алыңыздар.

Майра: Әлинұр саған сұрақ қойсам,жауап беруге дайынсыңба?

Әлинұр: Әрине Майра апай , мен қашанда дайынмын.
Майра: Ендеше бірінші сұрағым:
- Біздің Отанымыз қалай аталады?

Әлинұр:
-Қазақстан.
- Елбасымыз кім?
Әлинұр:
- Қасым Жомарт Тоқаев.
Майра:
- Отанымыздың астанасы қай қала?

Әлинұр:
- Астана қаласы.
Майра:
- Еліміз өзінің қандай қасиеттерімен айбатты?
Әлинұр:
- Әнұран, Туы, Елтаңбасымен.
Майра:
- Өте жақсы. Еліміздің патриоты екеніңді дәлелдедің.Рахмет саған.

Құрметті қонақтар келесі кезекте балаларымыздың мерекеге арнаған өлең-шумақтарын қабыл алыңыздар.

Айым,Мүслима,Айару,Асылым,Ясина,Хафиза.

Айым: Құтты болсын қазағым,

Республика күні бұл.

Мерейлі де тәуелсіз,

Қазағымның үні бұл.

Мүслима: Жарық біздің күніміз,

Біз өмірдің гүліміз.

Қазақстан – жан Отан,

Қазақ тілі – тіліміз!

Айару: Ортақ бізге бір Отан,

Төбемізде бір аспан.

Барлық  ұлттын баласы,

Достығымыз жарасқан.

Асылым: Ауасы дауа,суы бал,

Аққан селдей жыры бар.

Қазағымның тәуелсіз,

Елтаңбасы туы бар.

Ясина: Кенге толы қойнауы,

Төлге толы жайлауы.

Ол- біздің Қазақстан!

Анамыздай тілеуі- ақ,

Отан бізде біреу-ақ.

Ол біздің Қазақстан!

Хафиза: Ақжайық , Алтай арасы,

Қазақтың шалқар даласы.

Республикама қарашы!

Жерімнің дәні маржандай,

Қырманы асқар таулардай.

Республикама қарашы!

Майра:  Республика күнінде,

Ән айтамыз, билейміз.
Қайғы жұтып, алаңдап,
Мұңаюды білмейміз.

Құрметті ата-аналар тобымыздың жігіттерінің «Батырлар ұраны» биін тамашалаңыздар.

Әлинұр: Найзаның ұшымен қорғаған,

Халқым менің мықтығой.

Ата-бабам әрқашан,

Салт-дәстүрін сақтаған.

Майра: Ендеше тобымыздағы балалардың бүгінгі мерекеге арнаған өлең-шумақтарын қабыл алыңыздар.

Нұрперзент,Азиз,Ағыбай,Алишах,Нұрболат,Әлішер:

Нұрперзент: Отаным менің Қазақстан,

Мәңгілік сенімен мақтанам.

Саяңда жүрсем әрдайым,

Күлімдеп жүрем бақ табам.

Азиз: Әнұраны елімнің,

Шақырады бірлікке.

Егеменді халқымның,

Болашағы бірлікте.

Ағыбай: Айнымайды аспаннан,

Біздің тудың бояуы.

Оны халық қашанда,

Биікке іліп қояды.

Алишах: Әнұраным, жан ұраным,

Туған жерім сағынарым.

Мәңгі-бақи шырқалады,

Республика,  Әнұраны.

Нұрболат: Күн шуақты Қазақстан,

Саған ғана үн қосқан.

Жүрегімнің дүрсілі,

Төгіледі жыр дастан.

Әлішер: Кең жазық Отан мекенім,

Сенде өсіп көктедім.

Сені қорғау парызым,

Мұны біліп өтемін.

Майра: Әлинұр сен ертегі тыңдағанды жақсы көресіңбе?

Әлинұр: Ия,мен ерегілер тыңдағанды ұнатамын.

Майра: Ендеше қандай ертегілер білесің?

Әлинұр: «Жеті лақ», «Бауырсақ», «Мақта қыз бен мысық», «Қожанасыр»ертегілерін білемін.

Майра: Жарайсың Әлинұр ,сен көп ертегі біледі екенсің.

Ендеше құрметті қонақтар біздің топтың балалары «Қоян мен Түлкі» ертегісін тантамареска әдісі арқылы сомдап береді.Қабыл алыңыздар.

Әлинұр:

Көгінде күн нұрын төккен,

Жерінде гүл жұпар сепкен.

Неткен сұлу,неткен көркем,

Осы менің туған өлкем, дей келе балалардың мерекеге арналған өлең-шумақтарын қабыл алыңыздар.

Рахман,Нұртуған,Исламхан,

Исламхан: Отан туған өз елің,

Айдын көлің өзенің.

Мирас еткен бабалар,

Қорғап әрбір кезеңін.

Нұртуған: Ұлан байтақ жері бар,

Пайдалы қазба кені бар.

Тәуелсіз ел Қазақстан,

Көркіне көркі жарасқан.

Рахман: Көк туымды қолыма,

Бүгін берік ұстадым.

Түсті бақыт жолыма,

Менің Қазақстаным.

Майра: Әлинұр сен білесіңбе,біздің еліміз өте бай.Елімізде өзен,көл,орман,тауларда көп.

Әлинұр: Майра апай ия,мен бұл туралы өлең-шумақтарын білемін.

Менің елім Қазақстан,

Бар ғой онда бәрі де:

Өзен де бар, көл де бар,

Орман да бар, тау да бар.

Майра: Өнер қуған жасынан,
Өнері судай тасыған.
Келесі біздің бишілер,
Көрінген көштің басынан.

Қыздарымыздың «Қамажай» биін тамашалаңыздар.

Әлинұр:Сен дегенде,Қазақстан,

Жүректен от лаулап ұшқан.

Гүлдей жайнап құлпыра бер,

Егемен ел-Қазақстан.

Құрметті қонақтар, Ясина мен Хафизаның орындауындағы «Татулықта күшіміз» әнін қабыл алыңыздар.

Майра: Құрметті ата-аналар Әлинұр екеуміз балалар сахна сыртына шығуға дайын боламын дегенше сіздерге сұрақтар қойсақ қалай қарайсыздар?

(Ата-аналарға мерекеге байланысты,ұлттық құндылықтарға қатысты сұрақ қойылып,жауап алынады)

Балалар музыкамен сахнаға келеді.

Әлинұр: Бүгін міне таныды әлем,

Қазағымның кім екенін.

Мақтанышпен мен өзіңді,

Ән етемін,жыр етемін дей келе,балалардың орындауындағы «Егеменді ел» әнін қабыл алыңыздар.

Майра: Құрметті ата-аналар бүгінгі мерекеге құттықтау сөзді балабақшамыздың меңгерушісі Шахатова Роза Сабырханқызына және балабақша әдіскері Палгүл Ташкенбайқызына береміз.

Әлинұр:

Елім де тыныш,жерім де тыныш,

Бейбіт күн әні шырқасын.

Бақытты елім,жақұтты жерім,

Тіл көзден сені сақтасын дей келе, құрметті қонақтар ,балалар осымен Республика күніне арналған ертеңгілігіміз аяқталды.

Майра: Еліміз тыныш,отбасымыз аман болсын.Елімізде тек жақсы жаңалықтар көп болсын.Келіп тамашалағандарыңызға көп рахмет.

Қош сау болыңыздар.