Отбасы

Сабақтың тақырыбы: «Отбасы»

Сабақтың білімділік

мақсаты: Отбасы туралы балалардың тусінігін қалыптастыру, олардың бәрі бірге тұратынын, бір-біріне көмектесіп, қамқор болуға және үлкенді сыйлауға үйрету.

Сабақтың дамытушылық

мақсаты: Отбасы мүшелеріне байланысты сөз, сөйлем құрату арқылы сөздік қорларын молайту.

Сабақтың тәрбиелік

мақсаты: Әдептілікке, үлкендерді құрметтеуге және өз отбасына деген мақтаныш сезіміне тәрбиелеу.

Сабақтың көрнекілігі: презентация.

Сабақтың әдіс-тәсілі: түсіндіру, әңгімелесу, сұрақ-жауап, саусақ театры.

Сабақтың түрі: жаңа сабақ.

Сабақтың жоспары: I. Ұйымдастыру кезеңі.

а) Амандасу.

ә) Көңілашар сәті.

II. Жаңа сабақ.

а) Кіріспе сөз.

ә) Әңгімелеу (сурет бойынша).

III. Сергіту сәті.

IV. Бекіту. Тапсырма.

а) Дидактикалық ойын: «Кім жоқ?!»

ә) Жұмбақтар.

б)Саусақ театры: «Біздің шаңырақ»

v.Шығармашылық жұмыс.

а) «Менің отбасым»

ә) Топтастыру әдісі.

б)Отбасын үйге орнластыра отырып сөйлем құрату.

в)Венн диаграммасын құрастыру.

VI. Қорытындылау.

Сабақтың барысы:

I. Ұйымдастыру кезеңі.

а) Амандасу:

Армысың, көк аспан!

Армысың, шуақты Күн!

Бармысыңдар, балалар!

Қайырлы күн, балақай!

ә)Көңілашар сәті:

Үлкенге де сіз,

Кішіге де сіз,

Ата-ананы құрметтеп,

Бас иеміз біз.

- Балалар , сабағымызды бастамас бұрын сендерге жұмбақ жасырғалы тұрмын.

Үлкеніміз , кәріміз,

Қуат берер дәріміз.

Әулиедей аялап,

Ардақтаймыз бәріміз.

Бұл кім?

Мейірімді ол кісі,

Балалар кеп бата алар.

Қалтасына кәмпит сап,

Немереге апарар,

Ол кім?

Ал , балалар бізге бүгін қонақтар келіп отыр. Бүгінгі сабақта біз отбасы туралы білетінімізді одан әрі дамытамыз.

-Балалар сендер қай елде тұрасыңдар?

-Қазақстанда.

Отбасы- шағын мемлекет. Міне осындай отбасылардан біздің мемлекетіміз құралады.

II. Жаңа сабақ.

а) Кіріспе

б)Әңгімелеу (сурет бойынша).

Балалара, мынау ненің суреті?

-Үйде кімдер тұрады?

-Үйде бір отбасы мүшелері тұрады

Оқушыларды шығарып өздері көрсету арқылы аттатамыз.

О
йын: Отбасы мүшелерін үйге орналастырамыз.( Слайдпен көрсетіледі)

Балалар біздің үйіміз бар, онда тұратын адамдарменде таныстық. Келесі кезекте осы отбасы мүшелері немен айналысады екен , оны білу үшін «Кімге не қажет ?» атты дидактикалық ойынымызды ойнайық.

(Балаларға суреттер таратылады) Тақтаға шығып жабыстырады.

- Сырым сен не үшін атаға атты керек деп таптың?

-Алина сен неге кесені анаға ұстаттың?

Балалар мен сендерге бір мақал-мәтел айтайын.

Сергіту сәті: « Ақ мамам» әнін орындау.

Ата-асқар тау,

Ана-бауырындағы бұлақ,

Бала-жағасындағы құрақ.

-Осы мақалда кімдер жайлы айтылған?

-Әке, Ана, Бала

-Әке, Ана, Бала-бәрі бірігіп жанұяны құрайды.

Отбасы мүшелеріне түсінік беру

Ата – беделі әкеден жоғары, әулеттің тірегі. Ақыл-кеңес беруші.

Ә же – шаңырақтың алтын қазығы. Ұрпағын мейіріміне бөлеп, үлкен өмірге бейімдеуші.

Ә ке – шаңырақтың иесі. Үйге табыс кіргізіп, бала-шағаны өсіріп жеткізуші.

Ана – отбасының ұйытқысы. Өмірге ұрпақ әкеліп, оларды бағып-қағып, тәлім-тәрбие беруші.

Ер бала – ананың қамқоршысы. Әкенің тірегі.

Қ ыз бала – шаңырақтың шуағы. Әкенің көз қуанышы, ананың қолқанаты.

Ал енді біздің отбасы мүшелерін саусақ театры арқылы көрсетейікші.

. «Біздің шаңырақ»

(Саусақ театрын жүргіземіз)

Бас бармағым- атам, үйдің данасы,

Балаң үйрек-апам, ошақ анасы,

Ортан терек- әкем, отау панасы

Шылдыр шүмек- анам,үйдің ажары

Титтей бөбек- мен, бәрінің базары мен ажары.

-Балалар, енді өзіміз білетін тақпақтарды айтып көрейік.

Кім тақпақ оқиды?

Біздің отбасымыз

Әкем менің- қауыншы,

Анам менің-сауыншы

Ағам менің-егінші!

Жеңгем менің-тігінші.

Атам болса,ол ұста,

Бәрі-бәрі жұмыста.

Отырмаймын мен текке

Кеттім мен де мектепке.

Ата

Мен атамды тыңдаймын

Ертегіне құлақ сап,

Әдепті бол балам-деп

Әрқашан ақыл айтады.

Әже

Өзің мені өсірген,

Айналайын,ақ әжем.

Тентек болсам, кешірген,

Шөлдедің бе, ай дана әжем?

Шығармашылық жұмыс.

«Менің отбасым» ( балалар өз отбасы туралы әңгіме құрайды)

-Ал, балалар, біз жеті атаны білеміз бе?

- Атап көрелік.

Ата

Әке

Бала

Немере

Шөбере

Шөпшек

Немене

- Балалар , енді кім бізге өз жеті атасын атап береді?

( 2 -3 баладан жеті атасын сұрау)

Топтастыру әдісі:

әже АПА ӘКЕ

А ТА

АНА

Баба

Әже

БАУЫР АҒА

ҚАРЫНДАС ӘПКЕ

-Балалар, отбасы туралы, оған кімдер жатады оқймыз және сөйлем құраймыз.

Оқушылар бір-бірден шығып оқиды, сөйлем құрайды.

Тамаша, осымен тапсырмалар тамамдалды.

V. Қортындылау.

Өте жақсы балалар! Бүгінгі сабаққа жақсы қатыстыңдар!

Сабаққа жақсы қатысқан балаларды мақтау.