Отбасы - алтын бесігің

Есір Айшуақұлы атындағы орта мектеп

отбасы – алтын бесігің

Өткізген: Умарбаева Г

2017 - 2018 оқу жылы

Мақсаты:

1.Оқушылардың отбасы, жанұя туралы білімдерін шыңдай түсу, отбасы құндылықтарының маңызын дәріптеу.

2.Оқушылардың есте сақтау, ойлау қабілеттерін, тіл байлығын, өз беттерінше жұмыс істеу дағдыларын дамыту.

3.Оқушыларды ұйымшылдыққа, жауапкершілікке, ептілікке, өз ойын жеткізе білуге, отбасы құндылықтарын сыйлауға тәрбиелеу.

Сабақ түрі: сыныптан тыс шара.

Әдісі: әңгімелеу, топтастыру, сұрақ-жауап.

Көрнекі құралдар: отбасы туралы мақал-мәтелдер, нақыл сөздер, суреттер

І.Ұйымдастыру кезеңі

Сәлемдесу назарын аудару, психологиялық ахуал туғыз.

Қане, қане, тұрайық,

Үлкен шеңбер құрайық.

Тұрсақ үлкен шеңберге,

Алақанға ұрайық.

Өз есімдерінің әріптеріне қарап, отбасында ата-анасы қандай тәрбие бергенін қандай қасиеттерді бойына сіңдіргенін тізбектеп айту.

ІІ. Негізгі бөлім . Жұмбақ жасыру.

Маған да, саған да,

Жақын, туыс адамдар.

Бәрі де өз жұртың,

Айтыңдар, олар, кім ? (Отбасы)

- Ия балалар, бұл жұмбақтың шешуі отбасы екен.

1. Айтары мол ғұлама,

Көп жасасын бұл адам.

Әкесі ол әкеңнің

Білер оны сұраған? «АТА»

2. Ертегі айтып береді,

Күнімен саған ереді.

Әкешіңнің анасы,

Әкең оның баласы. «ӘЖЕ»

3. Атаңның баласы,

Кей кезде таласып.

Қаласың әжеге

Білгенің асады кәдеге. «ӘКЕ»

4. Бала бала, бала деп,

Түнде шошып оянған

Түн ұйқысын төрт бөліп

Түнде бесік таянған.

Қолын қатты тигізбей,

Кірлі көйлек кигізбей.

Иісін жұпар аңқытқан. «АНА»

Бейнеролик көрсету.

«Бақытты отбасы үлгісі»

Бейнеролик бойынша сұрақтар қойылады

Мақал -мәтелдің жалғасын табу. 

1.Атаға қарап - ...............,

Анаға қарап - ..................

2. Ананың көңілі балада, ..........................

3. Ата-ананың қадірін - ................................

4. Ұяда не көрсең , ....................................( ұшқанда соны ілерсің)

5. Балалы үй базар, ..................................( баласыз үй қу мазар)

6. Ата көрген оқ жонар, ..........................( ана көрген тон пішер)

7. Ананың сүті - бал, ................................( баланың тілі - бал)

8............. - ананың бауыр еті, көз нұры. ( бала)

9. Әке - асқар тау, .............................( ана- шалқар көл)

10.«Жеті атасын білмеген: ................(жетесіз»),

11.Әке тұрып ұл сөйлегеннен без,…(шеше тұрып қыз сөйлегеннен без)

Сұрақ – жауап:

1. Балдан тәтті не? (бала)

2. Шаңырақ иесі кім? (кенже ұл)

3. Балаға кім сыншы? (ата-ана)

4. Әкеден балаға беріледі. (мұра)
5. Үйде кім қадірлі? (үйде қонақ, қарт, бала қадірлі)
6. Үйдегі алтын қазық кім? (ана)

7. Бес дұшпанды атаңдар?  ( өсек, өтірік, мақтаншақ, еріншек ,  бекер мал шашпақ)
8. Бес асылды атаңыз  (талап, еңбек, терең ой, қанағат, рақым)

9. Үш арсызды ата? ( ұйқы, тамақ, күлкі)

10. Отбасын кімдер құрайды? ( Ата, апа, ана, әке, аға, қарындас, әпке, сіңлі,

іні.)

11. Ұл мен қызды жасына қарай қалай атайды? ( қарындас, әпке, сіңлі, аға, іні)

12. Отбасының ұйтқысы кім? ( Ана)

13. Отбасының басшысы кім? ( Әке)

14. Ер жігіттің неше жұрты болады? (3жұрты. Өз, қайын жұрт, нағашы)

15. Сенің туған әпкеңнің әкесінің жолдасының әкесі сағат кім? (нағашы ата)

Жүректен жүрекке.

Жүрекшеге тілек жазып, ата - аналар балаларына, балалар ата - аналарына, ұстаздарына береді.

Қорытындылау.

- Біз бүгін өзімізге ең жақын, ең қымбат анамыз, қамқор әкеміз, қайырымды ата - әжеміз, аға - әпкеміз, іні - қарындасымыз туралы айттық. Отбасы – ол ең жақын адамдардың ошағы. Әрқашан отбасы мүшелерін сыйлап, құрметтеу керек. Бәріміздің отбасымыз берік, бауырымыз бүтін болсын. Отбасы мүшелері аман – сау болсын!