Отбасы - алтын діңгегім

№61 орта мектебінің 2 сынып

оқушысы Қуандықова Сезім

Әлиқызы

"Отбасы-алтын діңгегім"

тақырыбында эссе

Отбасы-шағын мемлекет. Отбасым-бақыт мекенім. Отбасы-бақытымның бастауы. Ал, осы отбасы дегенде мен өз отбасымды мақтанышпен айтамын. Менің отбасым-менің мақтанышым. Мен отбасыма тоқталып, таныстырамын. Менің отбасымның патшасы-Әкем Әли. Ал отбасымның ханшасы-Анам Гүлжан. Менің қамқор екі ағатайым Рамазан мен Рахымжан. Үйдің еркесі, ақылды інім Нұрислам. Мені әкем, анам, бауырларым "қызғалдағым" деп еркелетеді. Әкем жедел жәрдем жүргізушісі, анам мектепте мұғалім болып елге адал қызмет еткен жандар. Мемлекеттік қызмет атқара жүріп, балаларына жақсы тәрбие бере білді. Менің отбасымның өз ережелері бар. Әкем мен анам бір-бірін қатты құрметтейді. Дастархан басында Әкемсіз асты бастамаймыз. Анам бір-бірімізді, үлкендерді сыйлау керектігін жадымызға құйып отырады. Бәріміздің сабағымызды қадағалап, үлгілі, озат оқушы болыңдар деп үнемі ескертіп отырады. Еркелігіміз бен қателескен кездерімізді түсініп кешіре білген, ақыл-кеңесін аямайтын, осы дүниенің тек жақсы тұстарын көрсетіп жақсылыққа жол көрсетуден жалықпайтын әке-шешеміз. Отбасы мақтанышы дегенде ең бірінші мақтанышым деп ата-анамды айтар едім. Мен осындай отбасыммен мақтанамын. Менің отбасым аман болсын! Барлық отбасылар аман болып, еліміз тыныш, аспанамымыз ашық болсын.