«Отбасы - құндылығың» атты байқаудың

СЦЕНАРИЙІ

Шу ауданы Күні:

Өтетін орны: Уақыты:

Сахна: Кілемше төселеді. Дыбыс күшейткіш аппаратура мен отбасылық сайысқа арналған банер, шарлар ілінеді.

жүргізуші: (аты-жөні)

/ҚАЗАҚША БИ/

/ЖАРЫҚ ТОЛЫҚТАЙ БЕРІЛЕДІ, ФОНФАР ОЙНАЛАДЫ/

Жүргізуші: Бейнелесем, қырандай қазақ құлқын,

Басында бақ, бақытты ғажап бұл күн.

Отбасы құндылығын шын ұғынған,

Армысың, айбынды ел, азат жұртым.

Құмының құны құйма алтыннан қымбат, кейуанасының сөзі келініне, ақсақалды атасының сөзі еліне азық болған тәуелсіз елде тектілігін сақтаған, хандығымыздың қазығы қағылған шуақты Шу өңірінің тұрғындары, армысыздар!

Жүргізуші: Ата-ана асқар тау алдымдағы
Әрқашан асқақтайсың алдымда әлі
Өзің берген өнеге тәрбиеңмен
Бақыттымыз жанұя бауырындағы.

Бүгінгі байқауымыздың мақсаты жанұя ішіндегі татулық пен ынтамақтың туын тік ұстауға нұсқау, тәрбие мен тәлім беру ережелерін, қағидаларын тереңірек түсінуге шақыру. Ендеше, «Отбасы – құндылығың» атты байқауымызға ҚОШ КЕЛДІҢІЗДЕР дейміз!

Жүргізуші: Ендеше, байқауымызға қатысушы үміткер отбасылармен таныс болыңыздар, әрі сахна төріне зор қошеметпен шақырып отырайық:

1. ___________________________________________

2. ___________________________________________

3. ___________________________________________

4. ___________________________________________

5. ___________________________________________

Жүргізуші: Қатысушы отбасыларға қошемет соғып, танысып алайық.

/КЕЗЕКПЕН ОТБАСЫЛАРҒА МИКРАФОН ҰСЫНЫЛЫП,

ТОПТЫҢ АТАУЫ МЕН ҰРАНЫН СҰРАЙДЫ/

Жүргізуші: Бүгінгі байқауымызға ең белді отбасылар қатысуда. Осы қатысушыларға әділ бағасын беретін қазылар алқасымен таныс болыңыздар:

1. ___________________________________________

2. ___________________________________________

3. ___________________________________________

Жүргізуші: Байқауымыз негізгі 4 кезеңнен тұрады.

1-кезең: «Ым-жым» деп аталады. Ережесі: Жанұядағы әке мен ана қатысады. Анасының құлағына құлаққап салып, жоғары дауыста музыка ойналады. Ал, жанұядағы әкесі жүргізуші ұсынған сөздерді жұбайына ауызша айтады. Қолмен немесе қимылмен сөзді жасыруға тыйым салынады. Жалпы 2 минут ішінде берілген 5 сөздің нешесін таба алатыны арқылы ұпай беріледі.

2-кезең: «Жағдаят» деп аталады. Отбасы болған соң түрлі жағдайларға тап келуі мүмкін. Сол кезде отбасы мүшелерінің бір-біріне деген қолдауы ауадай қажет. Бұл кезеңнің де шарты қолдау арқылы өтеді. Яғни, әкесінен бөлек жанұя мүшелері сахнаның бір бұрышында тұрады. Келесі бұрышынан әкесі қойылған музыкалардың ырғағына сай отбасына, жұбайына жылы сөздер айтады. Кімнің сөздері өтімдірек, әрі актерлық шеберлігі басым болса сол кезеңде жоғары ұпай еншілейді.

3-кезең: «Отбасылық сурет» деп аталады. Отбасының кіші мүшелеріне арнайы бірдей сурет салуға арналған құралдар ұсынылады. Әр отбасыдан бір сурет салу керек. Және үлкен плакаттан салған суреттің түсініктемесін, мағынасын балалар айтады. Жақсы салынған, әрі жоғары сипаттамасы бар суреттер арқылы ұпай беріледі.

4-кезең: «Үй тапсырмасы» деп аталады. Отбасы мүшелерінің бәрі қатысуы керек болатын үй тапсырмасы: ән, би, күй, қолөнер т.б. тапсырмаларды үйден орындап, сахна төрінде өз өнерлерін көрсетеді.

Жүргізуші: Ендеше, байқауда баршаңызға сәттілік тілеп, қатысушыларды залдан орын алуға шақырамыз! Қатысушылар бір-бірімен байқауға түскенімен, татулықтың туын тік ұстап, бір-біріне шынайы қолдау білдіреді деген ниеттеміз.

Жүргізуші: Ортада _____________________ орындауында __________________әнін қабыл алыңыздар!

Жүргізуші:

Жылжи берші кезім емес жасқанар,
Бөгей алмас білім атты тас қамал
Отанның аяулысы боларсың
Отан деген отбасынан басталар.

Алғашқы кезеңімізді бастаймыз. Барлық қатысушы отбасыларды ортамызға шақырамыз!

1-кезең: «Ым-жым» деп аталады. Ережесі: Жанұядағы әке мен ана қатысады. Анасының құлағына құлаққап салып, жоғары дауыста музыка ойналады. Ал, жанұядағы әкесі жүргізуші ұсынған сөздерді жұбайына ауызша айтады. Қолмен немесе қимылмен сөзді жасыруға тыйым салынады. Жалпы 2 минут ішінде берілген 5 сөздің нешесін таба алатыны арқылы ұпай беріледі.

/ЕРЕЖЕГЕ САЙ КЕЗЕҢ ӨТКІЗІЛІП, ҚАЗЫЛАРДЫҢ ҰПАЙЫ КӨТЕРІЛЕДІ/

Жүргізуші:

Отбасым менің — бақытым
Отбасым менің — шаттығым
Отбасым барда ешқашан
Үзілмес менің үмітім.

Алғашқы кезеңде жинаған ұпайларыңыз толығымен сақталады. Екінші кезеңімізге сахна төрінде барлық отбасыларының кезекпен қатысуы керек.

2-кезең: «Жағдаят» деп аталады. Отбасы болған соң түрлі жағдайларға тап келуі мүмкін. Сол кезде отбасы мүшелерінің бір-біріне деген қолдауы ауадай қажет. Бұл кезеңнің де шарты қолдау арқылы өтеді. Яғни, әкесінен бөлек жанұя мүшелері сахнаның бір бұрышында тұрады. Келесі бұрышынан әкесі қойылған музыкалардың ырғағына сай отбасына, жұбайына жылы сөздер айтады. Кімнің сөздері өтімдірек, әрі актерлық шеберлігі басым болса сол кезеңде жоғары ұпай еншілейді.

/ЖҮРГІЗУШІ ТӨМЕНДЕГІ МУЗЫКАЛАРДЫ РЕТТІЛІГІМЕН ОТБАСЫЛАРҒА ҚОЯДЫ. 1 ОТБАСЫҒА 1 МУЗЫКА./

1. Өлең оқитын музыка

2. Рэп оқитын музыка

3. Ұрлық жасалғандағы музыка

4. «Сарыарқа» күйі

5. Көңілді балалар фондық музыкасы қойылады

Жүргізуші:

Отбасы — жылы ұямыз,
Тірегі — ата-анамыз.
Уыз сүт еміп осында,
Уылжып біздер өсеміз.
Осында үлгі аламыз,
Осында адам боламыз.
Еркелеп, ойнап, еліктеп,
Осында өсіп толамыз.

3-кезеңімізді бастамас бұрын, әділқазы алқаларының ұпайларына кезек берейік.

3-кезең: «Отбасылық сурет» деп аталады. Отбасының кіші мүшелеріне арнайы бірдей сурет салуға арналған құралдар ұсынылады. Әр отбасыдан бір сурет салу керек. Және үлкен плакаттан салған суреттің түсініктемесін, мағынасын балалар айтады. Жақсы салынған, әрі жоғары сипаттамасы бар суреттер арқылы ұпай беріледі.

/СУРЕТТЕРДІ САЛУҒА САХНАҒА АРНАЙЫ ПАРТАЛАР МЕН ҚҰРАЛДАР АЛЫНАДЫ. КІШІ ОТБАСЫ МҮШЕЛЕРІ ҒАНА ҚАТЫСЫП, ӘКЕСІ МЕН АНАСЫ ЗАЛДАН ҚОЛДАУ БІЛДІРЕДІ/

Жүргізуші:

Отбасы — ол, Отаным бақ мекені,
Хақ тағала қияды ақ некені.
Отбасы — бір мемлекет шағын ғана,
Одан ұлы елдер де қап кетеді.

Отбасы тату бір ел тұнып тұрған,
Қамқор ата — аналар билік құрған.
Анаң мейір — шапағат нұр төгуші,
Əкең қамқор қолдаушың, алып тұлғаң.

Соңғы 4-кезеңімізді «Үй тапсырмасын» бастаймыз!

Ендеше, сахна төрінде:

1. ___________________________________________

2. ___________________________________________

3. ___________________________________________

4. ___________________________________________

5. ___________________________________________

Жүргізуші:

Осымен бүгінгі байқауымыздың кезеңдері тәмәм. Қорытынды шығару үшін қазылар алқасын шығарып саламыз.

/ӘН ОРЫНДАЛАДЫ/

/МАРАПАТТАУ РӘСІМІ/

Жүргізуші: Осымен «Отбасы – құндылығың» атты байқауымыз аяқталды!

Келесі кездескенше сау саламатта болыңыздар!