"Отбасы бақыт аясы"

Отбасы тәрбиесі-басты құндылық

«Отан- отбасынан басталады». Біз үлкен отанымыздың кішкентай бір бөлігіміз, мен өз отбасымды баққытты жанұя деп ойлаймын. Себебі біздің отбасымызда атам, әжем ,әкем мен анам және өзімнен кейінгі інілерім мен сіңілдерім бар. Біздің отбасымыздың ұйытқысы болып отырған атам мен әжем, қазіргі уақытта зейнеткерлер. Отбасымыздың ақылшы адамы ол біздің –әкеміз. Әкем қазіргі таңда жүргізуші болып істейді , ал анам болса мұғалім бірақ қазіргі уақытта інілерім кішкентай болғандықтан демалыста. Өзіме келер болсам, мен жетінші сыныпта, інім алтыншы сыныпта , менің жолымды қуып келе жатқан екі сіңілім төртінші және бірінші сыныпта білім алуда. Ал үйдегі екі інім ойын балалары. Әкеммен бірге туған бауырлары яғни, менің ағаларым мен тәтелерім өздерінің таңдаған мамандықтары бойынша оқып , қазіргі таңда әр салада жақсы жұмыс атқаруда. Мен оларды мақтан тұтамын себебі олар мұғалім, құрылысшы, басшы, жүргізуші болып істейді.Өскенде менде осы кісілердің артынан еремін . «Жігітке бес өнерде аз »дегендей, әкемнің қолынан барлық шеберлік келеді. Мен өз әкемді әр уақытта мақтан тұтамын. Біздің үйге мерекелерде әкемнің бауырлары, ағайын- туыстар қонаққа келгенде ,біз кішігірім отан басына айналамыз. Жақсылықтың бәрі әркімнің өз отбасынан басталады, менің ойымша отбасы ағайын-туыстарды бір-біріне жақындастырады. Негізінде отбасы деген- біздің өміріміз өтіп жатқан орта. Әрбір отбасында жылы ара-қатынас міндетті түрде болу керек деп ойлаймын. Атам мен әжем бізге ылғида жылы сөздермен еркелетіп , ақыл-кеңестерін айтып отырады. Мектепке барғанда мұғалімдеріңді сыйлаңдар , өздеріңді ұқыпты ,тәрбиелі, тәртіпті жағынан көрсетіңдер деп ақылдарын айтып отырады. Туыс-туғанға , достарыңа қонаққа барғанда немесе біздің үйге қонақ келгенде үлкенге құрмет ,кішіге ізет көрсетіңдер деп ақыл-кеңесін береді.Әжем маған кесте тоқудың қыр сырын, ал анамнан үй жинауды, тамақ істеуді үйрендім. Әкемнің жұмыстан қолы бос уақытында, анам екеуі бізді қыдыртып ойын-сауық орталықтарына апарады. Бізді дүниеге әкелген анама мыңда бір рахмет! Біз ата-анамыздың үмітін ақтауға тырысамыз .Менің отбасым өмірдегі ең қымбат адамдарым. Негізінде отбасы адам баласының алтын діңгегі. Отбасы адмадардың қоғамында және өмірде атқаратын рөлі зор әрі өте маңызды. Отбасы ұғымын еш нәрсемен салыстыруға болмайды. Себебі отбасы адамдарының орнын ешкім баса алмайды. Атам мен әжемнің берген батасының арқасында біздің отбасымыз тату-тәтті жасай бермек. «Отбасы» сөзін естігенде ойымызға бақыт, сүйіспеншілік деген сөздер естіледі. Мен үшін отбасы деген ұғым мәңгі өшпес мұра. Әрі қасиетті алтын ұям. Мен өз отбасымны осы қалпынан таймай, бақытты ғұмыр кешкенін қалаймын.