"Отбасы күні"

Мақсаты: Балаларға отбасы туралы түсінік беру, өз жанұясы туралы әңгімелеуге үйрету. Ойын арқылы есте сақтау қабілетін, қарым қатынас дағдыларын дамыту. Отбасына деген сүйіспеншілікке тәрбиелеу.

Әдістер: Әңгімелеу, жұмбақ, тақпақ айту, ойын, сұрақ - жауап, сергіту, шаттық шеңбері.

Көрнекіліктер: отбасы суреттері, қуыршақтың киімдері, макеті.

Тәрбиеші: Сәлеметсіздер ме, Құрметті ата-аналар және орталығымыздың бүлдіршіндері!

Отбасы күніне арналған «Отбасы – тәрбие бастауы» атты тәрбие сағатына қош келдіңіздер!

Отбасы – шағын мемлекет. Ол – тәлім мен тәрбиенің, үлгі мен өнегенің, мейірімділік пен адамгершіліктің ордасы. Адам баласының өмірге келгеннен кейінгі бар тіршілігі отбасында өтеді.

Әке мен ана – шаңырақтың тірегі. Адам баласының ой-санасы өсіп, ақыл-ойының кемелденуі үшін де тіршілік нәрі санаға отбасынан сіңеді.

Ендеше көңілді әуенмен ортаға ата-аналарды шақырамыз.

1.Аяқ іздерімен сұраққа жауап беру арқылы өту. Мақал-мәтелді жалғастыру.

Отбасым-менің жанұям,

Бәріміз бірміз-жақыным.

Анам мен әкем-асылым,

Жанымда жүрші, отбасың.

2. Музыка жетекшінің сүйемелдеуімен ритмикалық жаттығу(балалар ата-анасымен бірге орындайды.)

Әкем менің тірегім,

Қамқор болар жүрегім.

Әке деген ардақты ат

Ұқсап өсем тілегін.

3. Дефектологпен дидактикалық ойын.

Анашым-күндей күлімдеп

Мейірім төгеді үнемдеп.

Аялап мені өсірген,

Жанымнан артық анам деп

4. Қимылды ойын: «Біз көмекшіміз»

Шарты: Сыпырғы, құндақталған қуыршақ, кір жууға арналған тазик, ожау қасықпен кострюль. Әуен арқылы қимыл жасау. Мысалы:Әуенде сыпырамыз дегенде сыпыру, әлдилейміз дегенде құндақталған қуыршақты тербету, кір жуамыз дегенде кір жуу, тамақ пісіреміз дегенде кострюльмен ожау қасықты ұстап қасықпен былғалаймыз.