Отбасы-шағын
мемлекет
Отбасы –шағын мемлекет.
Ол-үлгі мен өнегенің, тәлім мен тәрбиенің, мейірімділік пен
адамгершіліктің, қарапайымдылық пен сыйластықтың қасиетті ордасы.
Отбасы алтын ұя, киелі шаңырақ болса, сол шаңырақтың мұрагері,
ұрпақ жалғасы балалары екені хақ. Адам баласы өмірге келгеннен
кейінгі бар тіршілігі, бар қуанышы мен қайғысы отбасында өтеді.
Отбасы- кішкентай мемлекеттік ұя деп бекер айтылмаса керекті.
Отбасы тәрбиесі туралы түркі ойшылы Жүсіп Баласағұн былай
деген:
«Қатты тәртіп көрсе бала
күнінде,
Өнерімен қуантады
түбінде.
Бала нені білсе жастан
ұядан-
Өле өлгенше соны таныр
қиядан.
Өнер білі берем десең
басынан
Бер оқуға балаларды
жасынан
Ата-анадан өсіп ұрпақ
тараған,
Жақсы-жаман болс, бала
солардан»
Әрбір балаға өзінің отбасынан,
ата-анасынан артық, ата-анадан қымбат жан жоқ. Бүгінгі ұл – ертеңгі
әке,ол әкеге қарап өседі, бүгінгі қыз –ертеңгі ана, ол анаға қарап
бой түзейді. Ата-ананың үміт-арманы баласымен бірге жасайтыны
анық.Ал балалар ата-ана қолына берілген баға жетпес байлық, құнды
аманат. Балаға берілетін тәлім- тәрбиені алдымен біз, ата-аналар,
өзімізден бастағанымыз жөн. Ненінің дұрыс, ненің бұрыс екенін
балаға іс-әрекет, мінез-құлық арқылы жеткізе алсақ, бала отбасында
мейірімге қанып өссе, одан жаман адам шықпайтыны сөзсіз. Отбасында
әуелі сенім мен сезім, сүйіспеншілік пен сыйластық болса, сол
шаңырақтың шаттығы бола білген ұл-қыздарымыз күн сәулесіндей
жарқырап, өмірге еркін самғай білсе, ата-ананың, отбасының абыройы
болмақ.
Отбасы-адам өмірінің
тамаша жақтары жүзеге асатын, адамның ең басты шаттығы болып
саналатын балалардың өсіп, өмір сүретін орны, ендеше, шағын
мемлекетіміздің іргесі берік, іші татулыққа, ынтымаққа толы болсын
десек, болашақ ұрпағымыздың саналы да, ойлы, мәдениетті болуы үшін,
отбасында берілетін тәрбиеге баса назар
аударайық.