Отбасы шағын мемлекет. 7 "Б" сынып оқушысы Избасар Айгерім Досанқызы

Отбасы шағын мемлекет.

Отбасы ол шағын ғана мемлекет. Мемлекеттің құрамына президент, министрлер және халық жатады. Ал осы құрамды отбасы мүшелері түрінде алатын болсақ, әке - ол президент, ана – денсаулық және білім министрі, ал балалар – халық. Қоғамда халықтың бар жағдайын жасап отыратын адам президент болып табылады.

Отбасында да балалардың бар жағдайын жасап отыратын асқар тау әкеміз, қуанышта да, қайғыда да жанымыздан табылатын аяулы анамыз. Отбасында балалар үнемі үлкендерге қарап бой түзейді. Сондықтан балаларға үнемі жақсы тәлім-тәрбие беруге үлкендер міндетті. Егерде бала бойына жақсы қасиеттерді сіңіріп өсіретін болса, ол баладан болашақта білімді де, тәрбиелі азамат немесе азаматша өсіп шығары белгілі. Сондықтан әрбір ата-ана өзінің істеп жатқан іс әрекетін ойланып, баласына үйретіп жатқан іс- әрекетінің дұрыс бұрысын ажыратып алғаны дұрыс. Себебі болашақта әрбір бала өзінің шағын мемлекетінің президенті болары сөзсіз. Сондықтан бала тәрбиесіндегі шағын мемлекеттің маңызы орасан зор деп білемін.