Мектеп: "Дарын" лицей-интернаты

Тәрбиеші: Рыскулбекова К.Р.

Тақырыбы: 

«Отбасы тәрбие бастауы»

Мақсаты:

• Оқушылардың отбасы, жанұя туралы білімдерін шыңдай түсе, отбасы туралы жақсы мақал-мәтелдер арқылы балалар біздің қоғамның моральдық нормалары және отбасылық құндылықтары туралы білетін болады. Олар жанұяда бейбітшілік пен келісімді сақтауға, ақсақалдарды құрметтеуге және кішкентай бауырларына мейіріммен қарауға үйретеді.

• Оқушылардың  естес ақтау, ойлау қабілеттерін, тіл байлығын, өз беттерінше жұмыс істеу дағдыларын дамыту.

• Оқушыларды ұйымшылдыққа, жауапкершілікке, ептілікке, өз ойын жеткізе білуге, отбасы  құндылықтарын сыйлауға тәрбиелеу.

Барысы:

Ресурстар

І. Ұйымдастыру кезеңі

Сәлемдесу

Отбасы - мемлекеттің негізгі буыны.
Тәрбиешінің кіріспе сөзі: Тәрбие – отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың ықпалы мен қалыптасады.  Бүгін біз «Отбасы тәрбие бастауы» тақырыбындағы тәрбие сағатымызда  отбасы туралы мақал-мәтелдер, өлең шумақтарын айтып, өз ойымызды ортаға салмақпыз.

1.Тақырыппен таныстыру

Отбасы ошақтың үш тағаны сияқты, олар- әке, ана, бала. Үшеуінің бірлігі отбасының бірлігі. Қоғамдағы әр шаңырақтың босағасы берік, мерейі үстем болмай, мемлекетіміз мықты болуы мүмкін емес. Бала- ата-ананың игі істерін жалғастырушы болашағы.

Атамыз қазақ «Бала-адамның бауыр еті», «Балалы үй базар» дейді. Өйткені, бала өмірдің жалғасы, отбасының жеміс берер гүлі. Отбасы - бұл қоғамның негізі. Баланың болашақта жақсы азамат болып өсуі, жан-жақты тәрбиелі болуы отбасында берілетін тәрбиеге тікелей байланысты.

Әр бала-дара тұлға. Бала тәрбиесінде жаман қылықтар көрсетуден аулақ болып, балаға үлгі бола алсақ жан-жақты дамыған, шығармашылық қызығуы бар ұрпақ тәрбиелей аламыз. «Әкеге қарап ұл өсер, шешеге қарап қыз өсер» дегендей жақсы тәрбие беру ата-ананың парызы.

2. Мақал-мәтелдер.

Менің отбасым – менің байлығым!

Балаларсыз отбасы – иісі жоқ гүл сияқты.

Жанұясыз адам – жеміссіз ағаш сияқты.

Жақсы отбасыда жақсы балалар өседі.

Ұл бала қыдырады, ер адам отбасы құрады.

Үйді пеш емес – махаббат жылытады.

Әйеліңізді көзіңізбен емес, құлағыңызбен таңдаңыз.

Отбасылық келісім бәрінен қымбат.

Әдемі баланың есімдері көп.

Жақсы әйел бақытқа ұмтылады,

жаман әйел бақытты күтеді.

Ананың жүрегі күннен ыстық.

Жанұя балалардан басталады.

Отбасы туылмайды, оны құрады.

Әкесі болмаса жартылай жетім,

анасы болмаса толық жетім.

Менің үйім – менің қорғаным.

Жақсы жұбайлардың мақсаттары бірдей.

Мемлекетті басқару оңай,

бірақ отбасыңызды басқару қиын.

Жақсы жанұяда күйеуі саңырау,

ал әйелі соқыр.

"Отбасы" өлең шумақтары

Ата-ана асқар тау алдымдағы
Әрқашан асқақтайсың алдымда әлі
Өзің берген өнеге тәрбиеңмен
Бақыттымыз жанұя бауырындағы.

Атамнан басталар,
Әжемнен қосталар
Отбасым мынылар:
Ең жақын адамдар —
Әкем мен анам бар,
Бір туған ағам бар,
Бір туған апам бар…
Бәрін жақсы көремін,
Еркелеймін, еремін!

Кішкентайы — мен үшін
Тағат, байыз таппайтын,
Не жемесін, не ішсін,
Менсіз тағам татпайтын.
Шомылдырып кешкісін,
Мен жатпасам, жатпайтын —
Анам менің қандай-ды!

Ерте кетіп жұмысқа,
Үйге кештеп қайтатын,
Болған күндіз құрылыста
Қызықтарды айтатын.

Сізсіз әке — ең ақылды, ең сыршыл
Сізсіз әке — ең жақыным, ең шыншыл
Шуақ шашқан қашанда асыл жүрегің
Жанымдасың қамқорымсың білемін
Қабыл алғын бала жүрек тілегін.

Отбасым менің — бақытым
Отбасым менің — шаттығым
Отбасым барда ешқашан
Үзілмес менің үмітім.

Жылжи берші кезім емес жасқанар
Бөгей алмас білім атты тас қамал
Отанның аяулысы боларсың
Отан деген отбасынан басталар.

 Қазақ отбасы тәрбиесінің өзекті мәселелері педагог- ғалымдар

С. Қалиев, М.Смайылова, “Отбасы кішкентай бір мемлекеттік ұя” деп бекер айтылмаған. Әдетте жақсылықтың бәрі отбасынан басталады.

Отбасы - жұртты жақындастырушы, ұрпақ пен ұрпақты табыстырушы, ұрпақаралық тұтастықтың отын жағушы ерекше ұя. Сондықтан да отбасы - барша адамзатқа ең жақын, ең қасиетті ұғым. Әрбір отбасында сүйіспеншілік пен түсіністік мықты болса, қоғамның діңгегі де берік болады. Адам ең алғаш шыр етіп дүниеге келген сәтінен бастап отбасының тәрбиесін алады.
Ата – анам – өмірдегі ең қымбат адамдарым. Олар мені жақсылыққа әдептілікке, адамгершілікке тәрбиелейді. Сабақта да, үйде де ұқыпты, тәртіпті, саналы бала болса екен деп тілейді. Әсіресе, ”Түп қазығың - Отаның, ар - намысың - тілің, кәусар бұлағың - ұстазың, қамқоршың - әкең, ақылшың – анаң” деген сөздері қөңілімде жатталып қалыпты.

Сұрақ- жауап:

Балдан тәтті не? (бала)

Шаңырақ иесі кім? (кенже ұл)

Балаға кім сыншы? (ата-ана)

Әкеден балаға беріледі (мұра)
Үйде кім, елде кім қадірлі (үйде қонақ, қарт, бала қадірлі; елде әкім, ұстаз
қадірлі.)

Үйдегі алтын қазық кім? (ана)
«Ұл атадан көрмейінше сапар шекпес» кімнің нақыл сөзі? (Қорқыт ата)
Қаз да емес, үйрек те емес,
Дастарханда болмайды
Бірақ барлық адам дәм татқан (ана сүті)
Қорытындылау
- Біз бүгін өзімізге ең жақын, ең қымбат анамыз, қамқор әкеміз, қайырымды ата - әжеміз, аға - әпкеміз, іні - қарындасымыз туралы айттық. Отбасы – ол ең жақын адамдардың ошағы. Әрқашан отбасы мүшелерін сыйлап, құрметтеу керек.
Күтілетін нәтиже:
Білуі керек: Отбасы мүшелерін құрметтеп, сыйлай білуі керек.
Болуы керек: Отбасында әдепті, сыйлы болуы керек.
Жасай білуі: Берілген тапсырмаларды орындай білулері керек.