Тәрбие сағатының тақырыбы

«Отбасылық таланттар»

Күні

Сынып жетекшісі

Сынып

Оқу мақсаты

Ата-аналар мен балаларды сайысқа қатыстыра отырып , олардың қазақтың ұлттық құндылықтарын қаншалықты меңгергендігін , халықтық өнерден хабардарлығын анықтау. Отбасы Отанның бір бөлшегі екендігін ұғындырып , ұлттық тәрбиенің дамуына зор үлес қосуына ықпал жасау.Тәрбиенің бастауы, бала өміріндегі маңызды – өнеге баспалдағы екендігін ескере отырып, отбасымыздағы өнегелі тәлім-тәрбие арқылы бала бойында адамгершілік, сыйластық, ата-анаға, қоршаған ортаға, қоғамға деген сүйіспеншіліктерін, халқымыздың салт-дәстүр, әдет-ғұрып үлгілері, тәрбие тәсілі, тәжірибелелері арқылы сіңіру, тәрбиелеу.

Құндылықты дамыту

Ұлттық мүдде , ар-ұят

Пәнаралақ байланыс

Қазақ әдебиеті

Өткізілу формасы

Сайыс сабақ

Күтілетін нәтиже

Қазақтың ұлттық құндылықтарын меңгереді.Тәрбиенің дамуына зор үлесін қосуға ықпал етеді.Отбасындағы өнегелі тәлім – тәрбие арқылы бала бойында адамгершілік , сыйластық сияқты ұлттық құндылықтар қалыптасады.

Көрнекілігі

Мақал -мәтелдер , әр отбасының дайындаған слайд -шоулары, әртүрлі қажетті құралдар.

Тәрбие сағатының жоспарлы кезеңдері

Мұғалім әрекеті

Оқушы әрекеті

Ресурс

Ұйымдастыру бөлімі

5 мин

Сәлемдесу , сайыстың мақсатымен таныстыру .

Тренинг : «Мен үшін ОТБАСЫМ ...»

Амандасады, мақсатымен таныс болады.

Тренинг шарты бойынша әр отбасы өз отбасының қаншалықты құнды екендігін көрсетеді.

Слайд

Негізгі бөлім

-Адамның жеке басының алғашқы қалыптасуы отбасынан басталады. Оның ер жетіп өсуі, бойындағы алғашқы адамгершілік белгілері отбасында қалыптасады, сондықтан да, туған үйдің жылуы есінде жүреді. Ақын сөзімен айтқанда «Отбасы – табиғат сыйлаған кереметтердің бірі». Жеке адамды басқа адамдармен қарым-қатынасқа, мәдениеттілікке тәрбиелеуде отбасы – алғашқы қадам. Сондықтан да ол өте қажетті, басқа еш нәрсемен ауыстыруға болмайтын баспалдақ. Отбасы сыйластық, жарастық орнаған орта. Баланың тәрбиелі болып өсуіне берекелі отбасының әсері мол. Отбасының басты қазығы, алтын діңгегі – бала.

Атаң – дана қорғаның.

Әжең – асыл ардағың,

Әкең – өмір тірегің.

Анаң – күнің, жүрегің,

Ағаң – қамқор асқарың.

Інің – мөлдір аспаның – демекші,

Құрметті ата-аналар, оқушылар «Отбасылық таланттар »

атты отбасылық сайысымызға қош келдіңіздер!

— Сайыс болғаннан кейін, сайыс төрелігін беретін әділқазыларымыз бар. Әділқазылар алқасымен таныстыру. Сайыс шарттарын түсіндіру.

1.Таныстыру

2. «Өнерлі өрге жүзер» өнер сайысы

3.Мақал – мәтел сайысы.

4. «Әке көрген оқ жонар» (қамшы өру)

5. «Ана көрген тон пішер» (кесте тігу)

6. «Жасыл әлем – бала көзімен» (сурет салу)

-Олай болса , сайысымызды бастайық.

Сайысымыздың бірінші шарты «Таныстыру»

— Ортаға бірінші кезең бойынша сайыскерлерді құрметпен ортаға шақырамыз (әр отбасы мүшелері: әкесі, анасы, баласы бір стильде киінген, отбасылық эмблемасымен, фотоальбомымен және өздерінің ерекше үлгіде таныстыруларымен ортаға шығады. Төрт отбасы кезек-кезек ортаға шығып, танысқаннан кейін, өз дастархандарының басына жайғасады).

Сайыстың екінші кезеңі «Өнерлі өрге жүзер» өнер сайысы

Өнер, өлең – талаптының белгісі,

Келер оның әркімнің – ақ көргісі.

Кез келді ғой өнерге ерік беретін,

Отбасылардың абыройын үстем ететін.

— Әр отбасының өнерін тамашалайық.

— Қошметпен отбасыларын шақыру.

Үшінші кезеңге кезек берейік. Берілген суретке байланысты мақал-мәтелдер айту.Әр отбасына үш суреттен беріледі.

Төртінші кезең бойынша әкелер сайысы.Олай болса , әкелерді зор қошеметпен ортаға шақырайық.

Әке туралы әуен ойнап тұрады.

Бесінші кезең бойынша аналар ортаға шығады.

Алтыншы кезең

«Жасыл әлем – бала көзімен» (сурет салу).

Отбасылық сайыстың қорытынды бағасын беруге әділқазылар шақырылады.

Өміріміз мәнді, тұрмысымыз сәнді, мұрагерлеріміз нәрлі болмағы өз қолымызда дей келе, ақиық ақынымыз М. Мақатаев жырлағандай:

Алдымен сүй, ардақты ата-анаңды.

Үлгілі ұрпақ атадан бата алады.

Бар жақсылық балаға бұл ғаламда,

Мейірімінен ата-ананың жасалады ,

– дегендей, балаларымызға үлгі болар отбасылары көбейіп, қазағымның айнасы болып жүре берсін.

Сынып жетекшісінің алғы сөзін тыңдайды.Сайыс шарттарымен танысады.

Ортаға сайыскерлер отбасы таныстыруымен шығады.

Отбасылар кезегімен шығып , өнерлерін ортаға салады.

Отбасылар ақылдаса отырып , берілген суретке байланысты мақал-мәтел айту.Әр отбасына үш мақалдан беріледі.

Әкелер ортаға шығып қамшы өруден сайысады.

Аналар ортаға шығып кесте тігу бойынша сайысады.

Балалар қалаған құралдарымен суреттен сайысқа түседі.

Отбасылыар әр түрлі құнды номинациялармен марапатталады.

Тәрбие сағатының соңы

Кері байланыс «Біз бақытты отбасы» бақытты отбасы модельін ұсыну.

«Біз бақытты отбасы» бақытты отбасы модельін ұсынады.