Қызылорда облысы

Қазалы ауданы

Қожабақы ауыл

№ 25 орта мектебінің педагог-психологі Қожахмет Гүлбағым Бақытқанқызы

Тақырыбы: «Отбасым- бақыт тұрағы» психологиялық тренингі

Қатысушылар: Ата-аналар

Мақсаты: Бала мен ата-ана арасындағы байланысты нығайту, өз балаларының жан- дүниесінің үнін тыңдай алуға шақыру, отбасы мүшелерінің қарым-қатынастарын дамытуға ықпал ету;

І. Сәлемдесу

«Күлімдеу» жаттығуы

Мақсаты: Көтеріңкі көңіл күй қалыптастыру, ортада жағымды ахуал орнату

Нұсқау: Қазір біз бір- бірімізбен күлімдеп, жылы шырай таныта отырып, әр түрлі іс- қимылмен сәлемдесеміз.

ІІ. «Әуедегі шар» жаттығуы

Мақсаты: Қатысушылар арасында еркін қарым-қатынас орнату, біріге жұмыс жасау дағдыларын арттыру;

Нұсқау: Қатысушыларды шеңбер бойынша орналастыру.Түрлі-түсті лентаны айнала ұстап , жүргізуші хабарлауы бойынша :

1. Лентаны жоғары лақтырып, қолымызды екі рет шапалақтау;

2. Лентаны жоғары лақтырып, қолымызды үш рет шапалақтау;

3. Лентаны жоғары лақтырып, орнымыздан бір айналып, лентаны қағып алу.

Сұрақ: Алған әсеріңіз?

ІІІ. «Біз біргеміз... » жаттығуы

Мақсаты: Бала жанын түсінуге ,қарапайым нәрсеге қуануға дағдыландыру;

Нұсқау: Қазір алдарыңыздағы ақ параққа сол қолыңызбен «Мен баламды қатты жақсы көремін» сөзін жазыңыз.

Сұрақ: Бұл жаттығу сізге қаншалықты оңай немесе қиын болды?

ІІІ. «Көңілді шар» жаттығуы

Мақсаты: Қатысушылардың жаттығу арқылы жауапкершілікті түсінуге, қиындықты бірлесе жеңуге және ортадағы қарым-қатынасты арттыруға баулу;

Нұсқау: Қатысушыларды қарама-қарсы тұрғызып екі қолдың көмегінсіз шарды көршісімен бірлесе отырып келесіге жеткізу;

Сұрақ: Бұл жаттығу сізге қалай әсер етті?

Рефлексия. Бүгінгі психологиялық тренингтен алған әсерлеріңізді көрсетілген белгілер арқылы білдіріп кетсеңіздер. Ұнаса – лайк белгісін таңдайсыз, ұсыныс, пікіріңіз болса пікір жазу белгісіне жазамыз, ұнамаса – дизлайк белгісін таңдаймыз, лүпіл білдіргіңіз келсе жүрекшені таңдаңыз.

Құрметті ата-аналар әр адамның өмір сүру тәжірибесі әр түрлі. Дегенмен бала тәрбиесіндегі басты шарт отбасындағы - күнделікті, тұрақты , нақты сабақтастықты үзбеу.

Сондықтанда әрқашан сіздер жылы сөздеріңіз бен мейірімдеріңізді балаға беруге аямаңыздар, уақыт бөліңіздер, себебеі бала біздің- болашағымыз. Бала үшін ең қауіпсіз, ең керемет бақыт тұрағы – отбасы.Әр бала бақытты болуға лайықты. Әр баланың жұлдыз болып жарқырауына сіз болып, біз болып үлес қосайық!

Бүгінгі тренингке қатысқандарыңыз үшін, керемет белсенділік танытқандарыңыз үшін сіздерге алғысым шексіз.Сау болыңыздар.