Отбасым- менің мақтанышым! сынып сағаты сынып

Бекітемін:

Тақырыбы: «Отбасым-менің мақтанышым!»

Уақыты: Сынып: 2ә Мұғалім: Бектурсинова А
Мақсаты:
1. Бала тәрбиесіндегі ата — ананың алатын орнының ерекше екендігін түсіндіру.
2. Халқымыздың тәлім — тәрбиесі ананың ақ сүтімен, әже өнегесімен, ата ақылымен берілетіндігін, өзіндік ұлттық құндылықтарымызды балалардың бойына дарыту.
3. Отбасы мүшелерінің арасындағы бауырмалдық, қайырымдылық қарым — қатынасты қалыптастыру.
Көрнекілігі: оқушылардың суреттері, отбасы туралы мақал — мәтелдер, шарлар.
Өткізу әдісі: сайыс түрінде
Тәрбие сағатының барысы

І. Ұйымдастыру
Қош келдіңіздер, құрметті қонақтар! «Адамға ең бірінші білім емес рухани тәрбие беру керек. Тәрбиесіз берілген білім – адамның қас жауы. Ол келешекте оның барлық өміріне апат әкеледі» — деген ұлы ғұлама әл — Фараби.

Бүгінгі тәрбие сағатымыздың тақырыбы «Отбасым-менің мақтанышым». Осы тәрбие сағаты барысында біз отбасы туралы, адамға ең қымбат, ең жақын адамдар туралы сөз қозғаймыз. Адамдар арасындағы мейірімділік, сүйіспеншілік жайында айтамыз. Ал осы адамға деген сүйіспеншілік, мейірімділік мен қайырымдылық қайдан басталады? Осы сұрақ төңірегінде ойымызды ортаға салайықшы!

ІІ. Бүгін бізде қонақта ата — аналар отыр. Бізата-аналармен бірігіп топпен жұмыс істейміз.
1 — топ: «Шаңырақ» тобы
2 — топ: «Қуаныш» тобы
Осы екі топтың бағасын беретін әділ қазылар алқасын сайлайық.

1. Сайыс( жұмбақты шешу үшін уақыт белгілеу)

1. Кім жылдам?(Жұмбақ жасыру)
Маған да, саған да,
Жақын туыс — бес адам.
Үш әріптен тұратын
Оңға оқы, солға оқы.
Өзгермейді еш одан
Бәрі де өз жұратың,
Айтады, қане, кім атын? (апа, ата, ана, іні, аға)

Айтары мол ғұлама,
Көп жасаған бұл адам.
Әкесі ол әкеңнің
Білер оны сұраған. Ол кім? ( Атаң)

Бала, бала, бала деп,
Түнде шошып оянған;
Түн ұйқысын төрт бөліп,
Түнде бесік таянған. (ана)

Атаңның баласы
Кей кезде таласып,
Қаласың әжеге
Білгенің асады кәдеге?
Ол кім? (Әкең)

2.Мақал мазмұнын ашу

(мақалды оқушыға ата-ана түсіндіреді,оқушылар өз сөздерімен көпшілікке жеткізу керек)

Әркімнің өз ата-анасы -өзінің әулиесі

Отбасы-адам баласының өсіп-өнер,қаз тұрар,қанат жаяр алтын бесігі.

3. Мақалды тез жалғастыр (мақалдың жалғасын табу).
Отбасы -…
Отан -…
Әке -…
Аға -…
Іні -…
Ана -…

4. «Ана» ана туралы өлең шығару.

Анам менің ----------адам

---------емес басқа адам

---------мен сүйемін

Басымды мың----------
5. Әке туралы оқушылардың тақпақтары

Тақпақтарды мәнерлеп оқу
6. Отбасы дәстүрлері.(Әр топ өз отбасы дәстүрлерін көрсетеді).
7. Отбасының басты қазығы, алтын тіреу діңгегі – бала. Олай болса қазір
« Аялы алақан» ойынын ойнаймыз.
8. «Менің отбасым» дайындаған слайдтарын қорғау
9. «Мейірім» ( аналарына балаларына арнаған жылы сөздер айтқызу).
10. Бағалау

ІҮ. Қорытынды. «Тілек шамы»

. Міне, қоштасатын да сәт жетті. Отбасы – ұшқан ұя, жылылықтың, жылулықтың мекені. Отбасы атауының мәніне тереңірек үңілер болсақ, от деген сөздің үлкен маңызы, мәні бар екенін сеземіз. Сондықтан да оттың басы, ошағымыздың түтіні түзу болуы үшін мына бір «Тілек шамын» бір — бірімізге жақсы тілек айта отырып ұсынайық.

.