Жетісу облысы білім басқармасының

Көксу ауданы бойынша білім бөлімі ММ

«Жұлдыз» бөбекжай балабақшасы» КМҚК

«Балауса» мектепалды даярлық тобы

Тақырыбы: «Отбасым менің байлығым»

/Ұйымдастырылған іс-әрекет/

Тәрбиеші: Ж.Макашбаева

2023 жыл

Тақырыбы: «Отбасым менің байлығым»

ҰІӘ: қазақ тілі, сөйлеуді дамыту, математика

Әдіс-тәсілі: Зайцев әдістемесі

Міндеттері: Отбасы мүшелері, туыстық қарым-қатынас туралы білімдерін кеңейту. Сұрақтарды дұрыс қоюға және қойылған сұрақтарға қысқаша немесе толық жауап беруге баулу.

1.Кіріспе:

Таңғы жиын:

Сәлемдесу: (балалар бір-біріне қарап, есімін атап, қайырлы таң тілейді)

Санау: (Біреу, екеу, үшеу, төртеу бүгін топта қыздар нешеу? Біреу, екеу, үшеу, төртеу бүгін топта ұлдар нешеу? Біреу, екеу, үшеу, төртеу бүгін «Балауса» тобында балалар нешеу?)

Көңіл – күй сәттерін бекіту: (Бала біздің бүгінгі көңіл күйіміз қалай?)

Күн тәртібі сәттерін бекіту: (1 жылда қанша мезгіл бар? 1 жылда қанша ай бар? 1 аптада қанша күн бар? Бүгін аптаның қай күні? кеше бейсенбі, бүгін жұма, ертең болады сенбі. Тәулік бөліктері нешеге бөлінеді?)

Ауа-райын бақылау: (Балалар бүгінгі ауа-райы қандай?)

2.Негізгі бөлім:

-Балалар «Кім тапқыр» ойынын ойнайық мен сендерге жұмбақ жасырамын, ал сендер жауабын тез тауып көріңдер. Ал кеттік кім тапқыр екен?

1-жұмбақ:

Айтары мол ғұлама,
Көп жасасын бұл адам,
Әкесі ол әкеңнің
Білер оны сұраған.
Ол кім?  (Ата)

2-жұмбақ:

Кім менің асыл жан

Жақсылыққа үйретіп,

Жамандықтан шектейді.

Кімге ешкім жетпейді! (Әже)

3-жұмбақ:

Бала, бала, бала деп,

Түнде шошып оянған.

Түн ұйқысын төрт бөліп,

Түнде бесік таянған!

Ол кім, балалар? (Ана)

4-жұмбақ:

Атаңның баласы,
Кей кезде таласып.
Қаласың әжеге
Білгенің асады кәдеге.
Ол кім? (Әке)

5-жұмбақ: Онда әкем-шешем тұрады,
Ата-әже бауырым.
Бәрі бірге қосылып,
Бір ұғымды құрады. (Отбасы)

Тәрбиеші:

- Балалар әріптерді әуендетіп қайталап алайық (екі рет қайталайды)

- Жақсы балалар.

Тәрбиеші:

-Тамаша!

-Жұмбақтың жауабын тапқан балалар Зайцев кестесі арқылы қандай сөз соны жазып берсеңдер.

-Ата

-Әже

-Әке

-Ана

-Отбасы осы сөздерді жазып шығайық.

- Балалар, біз кімдер туралы айтып отырмыз? (отбасы мүшелерінің суреттерін көрсету)

- Ата, әже, әке, ана...

- Бір сөзбен қалай атаймыз?

- Отбасы  мүшелері.

- Өте жақсы балалар, отбасы  мүшелері.

- Отбасы дегенді қалай түсінесіңдер?

- Отбасы - ол ата-ана

- Отбасы-туыстарымыз

- Отбасы -ол шаңырақ, үйіміз.

- Отбасы - адам баласының өсіп-өнер алтын ұясы. Адамның өміріндегі ең қуанышты қызық дәурені осы отбасында өтіп жатады.

-Олар бізге осы дүниедегі ең жақын, бізді әркез қолдап, қол ұшын беріп, көмектесетін, ақыл айтатын, жаман мен жақсыны, оң мен солды үйрететін ең жақын адамдар.

-Тамаша балалар, дұрыс айтасыңдар.

-Ал, балалар келесі ойынды ойнау үшін топқа бөлінуіміз қажет, өздеріңе ұнаған геометриялық пішіндерді таңдап сәйкес келетін пішіндегі үстелге барып жайғасыңдар.

Шаршы: «Жылдам тап та, жазып шық» ойыны:

Шарты: «Отан отбасынан басталады» мақалы, шашылған әріптерді дайын сөздерге түтікшенің көмегімен тыныс алу жаттығуы арқылы орналастыру.

Дөңгелек: «Отбасы мүшелерінің атауы» ойыны: (А.Зайцев текшелерімен)

Шарты: Шашылған текшелер арқылы отбасы мүшелерінің атауын жазу (ата, әже, әке, ана т\б).

Ұшбұрыш: : «Е» әріпімен текше қойылады текше қойылады Балалар паравоз вагондарын құрады,паравоз вагондарының барлығы «Е» әріпімен құрылу керек.

3. Қорытынды:

Блум кубигі арқылы қортындылау (кубикті лақтырғанда қай әріпке түссе сол әріптен басталатын отбасы мүшелерін айту)

- Балалар біз бүгін кімдер жайлы айттық?

- Отбасы мүшелерін атап беріңдерші?

- Біз жақсы отбасы болуымыз үшін не істеуіміз қажет?
- Балалар, біз де балабақшада бір отбасымыз, біз де үлкен, тату - тәтті отбасы болуымыз керек. Бір - бірімізге қамқор болып, әрдайым көмектесіп жүруіміз керек. Сонда біздің отбасымыз берекелі де, мерекелі болмақ!

Ұйымдастрылған іс-әрекетіне белсенді қатысқан балаларды мақтап мадақтау.