Отбасымдағы менің міндеттерім

Ақтөбе қаласындағы физика – математикалық бағыттағы

Назарбаев Зияткерлік мектебі

ТАӘ:

Ізтаева Арайлым Шуақбайқызы

КДМ

Ақпаратты өз бетінше іздеу арқылы өздігінен білім алу дағдыларын дамыту

Сабақтың тақырыбы

«Отбасындағы менің міндеттерім»

Күні:25.09.2024

Класс: 7

Группа: Заңғар

Оқушылар саны: 13

Мақсаты

Ата – аналармен тілдесіп, оларды ынталандыру, ортақ шешімді анықтау. Болашақта баламен жұмыс істеу міндетін белгілеу, бала тәрбиесі туралы пікір алысу.

Түрі/Әдісі

Талқылау

Күтілетін нәтиже

Ата – аналармен тілдесіп, оларды ынталандыру, ортақ шешімді анықтай алады.

Құңдылықтар

Адалдық, құрмет, жауапкершілік, еңбекқорлық.

Уақыты

Өту барысы

Ресурстар

5 мин

15 мин

10 мин

І. Алдымен балалар сабағымызды бастамас бұрын мынандай ойын ойнап жіберейік. Бұл ойынды мынадай жұмбақтар шешу арқылы ойнаймыз

1. Әкелеріңнің әкесі сендерге кім болады?

2. Әкелеріңнің анасы кім болады?

3. Отбасының тірегі кім?

4. Үйдегі алтын қазық кім?

5. Өзі әкенің ізін қуатын, ал өзінің ізін артындағыларға қуғызатын, әке жоқ кезде әке орнына әке рөлін атқаратын кім?

6. Ағадан кейін өмірге қыз бала келсе кім дейміз?

(Әр жұмбақтың шешуіндегі адамдарды тақтаға іліп, отбасы сөзін шығару)

ІІ. Отбасы - адамзат бесігін тербеткен ұя болса, баланың бас ұстазы - ата - анасы. Бұлар балаға отбасылық өмірдің қыры мен сырын, тылсым дүниенің жұмбақтарын танытып, жағымды қасиеттерге баулиды. Себебі, отбасы - таным бесігі, отбасы - үлгі - өнеге бастауы. Ата - ананың үйдегі қарым - қатынасы, киім киісі, мінез - құлқы бәрі - бәрі балаға үлгі. Бала отбасында әкеден – ақыл, анадан - мейір алады. «Әке - асқар тау болса, ана - бауырындағы бұлақ, ал бала - жағасындағы құрақ». Осы бір үш сөз әке, ана, бала - отбасы ошағының үш тағаны іспеттес.

ІІІ. Шығармашылық жұмыс.

«Отбасылық құндылық ағашы»

Үлкен ағаштың суреті ілінеді. Бұл сіздің отбасылық құндылық ағашыңыз. Алдын – ала дайындалған отбасылық құндылықтар жазылған карточкалар таратып беріледі. Оларды ағаштың тамырына, бұтақтарына орналастыру керек. Тамыры сіздің ең негізгі отбасылық құндылық болып есептеледі, ағаштың бұтақтарына отбасыңызға маңызды бірақ, қатты қолданбайтын, көп көңіл аудармайтын құндылықтарды орналастыру керек.

Берілетін отбасылық құндылықтар:

1. Мықты денсаулық

2. Ағайындарына, достарына ашық есік

3. Ауызбіршілік

4. Ортақ қызығушылық

5. Бір – бірінің жұмысына араласпау

6. Қамқорлық

7. Тәртіп

8. Бос уақытыңызды бірге өткізу

9. Сенімділік

10. Ата – ананың сөзі заң

11. Ата – ана отбасының үлгісі

12. Әлеуметтік жағдай

13. Отбасылық сыйласымды қарым – қатынас

14. Махаббат

15. Мейірімділік

16. Шынайылық

17. Сырт көзге үлгі болу

18. Береке

19. Үлкенге – ізет, кішіге – құрмет

20. Көп бала

( өз отбасыларын презентация арқылы таныстырады)

5 мин

Ойын: «Сиқырлы қалта » (әке, ана, ата, әже, бала)

Балалар сиқырлы қалтадан отбасы мүшелерінің суреттерін алады. Кімге қай отбасы мүшесінің суреті түссе, сол адамның отбасындағы міндеттерін атайды.

5 мин

Оқушылар таратылған ұялы телефондарға тәрбие сағатының қаншалықты ұнағандығын 7 сөзбен жазып береді.

Оқушылар тақтадағы үлкен конверттке хабарламаларды салады.