«Отбасындағы сыйластық»

Шағын орталық тобының ұйымдастырылған оқу қызметінің конспектісі

Өткізу күні: 03.10.2018 ж

Тәрбиеші: Сеилова А.А

Білім беру саласы: Коммуникация

Пән: Көркем әдебиет

Топ: II- кіші тобы

Өтпелі тақырып: Менің отбасым, ата-аналар еңбегі

Тақырыбы: «Отбасындағы сыйластық»

Мақсаттары:

Отбасы мүшелерін дұрыс атауға, сәлемдесіп, қоштасуға, үлкенді сыйлап, құрметтеуге үйрету. Олардың қасиеттерін көруге, әрекеттерін бағалауға тәрбиелеу.

Педогогикалық технологиялар: ойын, сұрақ-жауап.

Ресурстармен қамтамасыз ету: ертегі суреті,достық туралы суреттер

Билингвалдық компонент: дос-друг,аю-медведь, достық-дружба

Ұйымдастырылған оқу қызметінің барысы:

Ұйымдастырушылық кезеңі:

Шаттық шеңбері.

Атамнан басталар,
Әжеммен қосталар,
Отбасым мыналар,
Ең жақын адамдар.
Әкем мен анам бар,
Бір туған ағам бар,
Бір туған апам бар.
Бәрін жақсы көремін,
Еркелеймін еремін.
Шеңбербойы мен тұрып орындайды. 
-Балалар,өлеңде не туралы айтылған?
- Отбасы туралы

Негізгі бөлім:

Бүгін біз оқу іс-әрекетінде отбасы және сыйластық туралы әңгімелейміз.
-Суреттен кімдерді көріп тұрсыңдар?
-Отбасы мүшелеріне кімдер жатады?
-Кім суретке қарап,өз отбасы туралы айтып береді?
Балалар өз отбасы туралы әңгімелейді.
Өлең оқу:
Отбасы
Анаң-үнің,жүрегің,
Әкең-өмір тірегің,
Сен бақытты ұлансың,
Бәрісағанқуансын!
Әжең-асыл ардағың,
Атаң-дана қорғаның,
Сен бақытты ұлансың,
Бәрі саған қуансын!
Саусақтарын санап көрсетіп айтады.
Сергіту сәті 
Бас бармағым-атам,үйдің данасы,
Балаң үйрек-әжем,ошақ анасы,
Ортан терек-әкем,отау панасы,
Шылдыр шүмек-шешем,шаңырақ ажары,
Титтай бөбек-мен,бәрінің базары.
Іс-қимыл әрекетін жасайды.
«Сыйлаймын» өлеңін жаттау
Ата менен ананың
Айтқан тілін аламын.
Үлкен кісі жұмсаса,
Қайда болсын барамын.
Төсекті өзім жинаймын,
Ешкімді де ұрмаймын.
Ешкім маған тимейді,
Мен де бәрін сыйлаймын.
«Кім жоқ?» дидактикалық ойын.
Шарты: Тақтаға отбасы мүшелерінің суреттерін іліп қою. Балалар көздерін жұмады. Тақтадан бір отбасы мүшесінің суретін алып тастау. Балалар көздерін ашып мұқият қарап шығып кімнің суреті жоқ екенін табады. 
Суретпен жұмыс:
1.Отбасы мүшелеріната?
2.Дастарқанға қандай тағамдар қойылған?
3.Өзіңнің отбасы мүшелерін ата?
4.Дастарқан басында кімдер отыр?
Қортындылау.
-Жаттаған өлеңіміз не жайында?
Бүгін біз оқу іс-әрекетінде сүйікті отбасымыз туралы әңгімелестік. Оларды жақсы көруге, сыйлауға, құрметтеуге, көмектесуге үйрендік. Отбасындағы сыйластық үлкен сүйіспеншіліктен туындайды.