"Оян , ар мен адалдық" тәрбие сағаты

Тәрбие сағатының тақырыбы: «Оян, ар мен адалдық»

Мақсаты:

1. Оқушыларға адам бойындағы ұнамды-ұнамсыз қасиеттерді айта отырып адамгершілікке тәрбиелеу.Оқушыларға адам бойындағы асыл қасиеттерді бағалай білуге,адамдармен қарым-қатынас дағдыларын жасауға баулу.

2. Оқушыларға адамдардың өмірінде әділдік пен адалдықтың алатын орны ерекше екені туралы ой-пікірлерін кеңейту.

Құндылық : ар-ұят, ұлттық мүдде.

Барысы:

Ұйымдастыру бөлімі: «Ғажайып айна» әдісі арқылы оқушылар өздерінің бойындағы жақсы қасиеттерін айтып береді.

Топқа бөлу. «Шар» әдісі арқылы топқа бөлу.Оқушылар өздері ұнаған түсті таңдап , сол түсті топқа барады.

1-ші топ Адалдық ( көк түсті шар )

2-ші топ Шыншылдық ( сары түсті шар )

3-нші топ Адамгершілік ( жасыл түсті шар)

Тапсырма №1.

Әр топ мүшелері өздерінің топ атауларына байланысты ақын - жазушылардың өлең жолдарын айтып беру .

Тапсырма № 2.

Проблемалық жағдаяттарды шешу:

1-ші топқа -*Саған досың өкпелі.Неге екенін білмейсің.2күн болды сені көрсе қашқақтайды.Сен не істейсің?

2-нші топқа - *Сенің досыңды үлкен балалар қорқытып жатыр.Сенің әлің жетпейді. Не істейсің?

3-нші топқа - *Сенің досың өзінен кіші баланың телефонын тартып алды.Сынып жиналысында оны талқылап жатыр. Ол сенен көмек күтіп отыр.Сен не айтар едің?

Тапсырма № 3.Мақал – мәтелдің жалғасын табу.

1-ші топқа –

«Адамгершілік болмай, ............ » . (Әділдік болмас).

«Адамның ұяты бетінде, …………………..» . (Адамгершілігі ниетінде).

2-нші топқа –

«Кең болсаң, …………….. » (кем болмайсың).

«Қолы ашықтың, ……………. » (жолы ашық).

3-нші топқа –

«Қайырымдылық жасасаң, ……………» (Қайырын өзің көресің)

«Өзіңді өзің сыйламасаң, ............... » (Өзгеден сый күтпе)

Тапсырма №4 . Қанатты сөздердің мән-мағынасын ашу.

1-ші топқа : «Ар-ождан алдындағы адалдық – өз қадір-қасиетіңе, ізгі іс-әрекетіңе байланысты» . Әл – Фараби

2-нші топқа: «Шындық – суреткердің ұлы міндеті». Бауыржан Момышұлы

3-нші топқа : «Кішіпейілділік — адамгершілік көркі». Бауыржан Момышұлы

Тапсырма № 5. Пікірталас (Мысалдар мен дәйексөздермен берілген тақырыпқа шолу жасау)

1-ші топқа : Адалдық қағидасы дегеніміз не ?

2-нші топқа: Шыншылдық қағидасы дегеніміз не?

3-нші топқа: Адамгершілік қағидасы дегеніміз не?

Рефлексия. «Жүректен жүрекке».

Сабақтан не түсіндік? Не ұнады? Сабақтан қандай әсер алдыңдар?

Адалдық — адам мінезіндегі бағалы қасиет; АДАЛДЫҚ — адам бойындағы таза ниет, бағалы қасиет, адамның сана — сезімі мен ар — ұжданына қайшы келмейтін әрекеттердің моральдық — этикалық жиынтығы.

Жүректен — жүрекке шеңберімен аяқталады. Оқушылар бір біріне жүрек жарды тілектерін айтып стикерге жазады.

Қорытынды