Сабақтың тақырыбы: Ою ойғанның ойы ұшқыр.

Сабақтың мақсаты:

Білімділік: технология сабағынан алған білімдерін қорыту, бекіту.

Дамытушылық: оқушылардың іскерлігін, ізденушілігін, ой- қиялын, көркемдік қабілеттерін, есте сақтау қабілетін дамыту.

Тәрбиелілік: ұқыптылыққа, жинақылыққа, тез ойлап, шешім қабылдай алуға, іскерлігін қалыптастыруға тәрбиелеу.Ұжыммен бірігіп әрекет жасауға ұйымдастыру.

Сабақтың түрі: сайыс сабақ.

Сабақтың әдісі: логикалық, көрнекілік.

Пәнаралық байланыс: бейнелеу, орыс тілі, ағылшын, музыка, сызу.

Көрнекілігі: ою-өрнектерге арналған плакат, мақал- мәтелдер, үлестірме қағаздар.

Сабақтың барысы:

- Ұйымдастыру кезеңі.

Сабақ сайыс түрінде өтеді. Дұрыс жауаптар фишкалармен бағаланады.

• - «5» -тік баға

• - «4» -тік баға

- «3» -тік баға

Сабағымыз алты кезеңнен тұрады.

І- кезең. Топтың атын қорғау.

• «Бәйшешек» - бәйшешек гүлі сияқты бейбіт те, қуанышты әсем болайық деп, бәйшешекті таңдадық. Бәйшешек өсімдік тектес оюға жатады.

• «Қарлығаш» -қарлығаш сияқты биіктен көрінсек деп қарлығаш атын таңдадық. Қарлығаш құстарға байланысты оюға жатады.

ІІ- кезең. Миға шабуыл / деңгейлік тапсырмалар/

№ 1. Ою- өрнек латынның қай сөзінен шыққан?

№2. Композиция дегеніміз не?

Жауабы: 1.Ою- өрнек латынның « орнамент» сөзінен шыққан,

мағынасы- әсемдеу, әшекейлеу дегенді білдіреді.

2. Өрнекті заттың, қағаздың бетіне реттеп орналастыру.

№3. Көбіне қолданылатын ою- өрнектің элементі?

№4. Симметрия дегеніміз не?

Жауабы: 3. Көбіне қолданылатын ою- өрнек элементі- қошқармүйіз.

4.Ою- өрнектің екі жағынан тең болуы.

ІІІ- кезең. «Тапқыр болсаң тауып көр»

Конвертте бір мақал-мәтел мен бір жұмбақ жасырынған.

Тапсырма: Бірінші- мақал- мәтелдің жалғасын, жұмбақтың шешімін табамыз.

Екінші- сол жауаптарды орыс және ағылшын тілдеріне аударамыз (тақтаға жазып көрсетулеріңе де болады).

1.Асыл тастан, .

.................................................

2.Бар екен дүниеде жалғыз көзді,

Сол көзбен дүниенің бәрін кезді.

Әлемді он сегіз мың киіндіріп,

Дүниеде жап-жалаңаш өзі безді.

(Бұл не?)

2. Бар

(Бұл не?)

1.Ұл атадан үйренбей сапар шекпес,

..........................................................

2. Тұмсығы мықты,

Қыр мен ойды тегістеп шықты.

(Бұл не?)

Мақалдың жалғасы: Ақыл жастан

(Ақыл- ум,wit )

Жұмбақтың жауабы: (ине,игла ,needle )

Мақалдың жалғасы: Қыз анадан үйренбей кесте тікпес

(Қыз- девочка, girl )

Жұмбақтың жауабы: (үтік, утюг, flatiron)

Дұрыс жауаптар фишкамен бағаланады.

ІV- кезең. „ Тауып сөйлесең- күміссің...„

/ Анаграмма шешу/

Сөзді дұрыс жазып, артық сөздің астын сызыңдар.

ҚАЖАУЗЫН НЫҚМҮЙІЗСЫ

МОЙТҮЙЕЫН ҒЫЛАШҰ

ҢЫРАҚША ҚАРҒАШЛЫ

КӨЗТАБО ЗАНТАЙҚА

V- кезең. Кім шапшаң?

1. Конвертте бірнеше ою- өрнектердің аты бар, соларды ою- өрнектің түрлеріне қарай жіктейміз .

Өсімдік тектес өрнектер: гүл, жапырақ, шырмауық, жауқазын, үш жапырақ, шиыршық, ағаш, бүршік.

Аспан әлеміне байланысты өрнектер: дөңгелек, крес, шимай, тұйық ою, бітпес, төртқұбыла, жұлдыз, төртүшкіл, күн, су,тау.

Құстарға байланысты өрнектер: бүркіт, қазтабан, қарғатұяқ, құс жолы, құстұмсық, құс мойын, құсқанаты, аққу, қарлығаш.

Малдың дене мүшелеріне байланысты өрнектер: түйе табан, қошқар мүйіз, ботакөз, түйе, таңдай, арқар мүйіз.

VІ - кезең. «Көреген көз -қырағы»

Салыстырмалы тест / сол бағандағы оюлардың реттік санын дұрыс салу керек/.