№46 «Балбұлақ» бөбекжай МКҚК

«Келісілді»

Әдіскер________Кобланова А.Р

25.11.2024ж

Сөйлеуді дамытудан

Ұйымдастырылған оқу-қызметі

Тақырыбы: «Ою – өрнек сәніміз»

(№10 «Тұлпар» ересек тобы)

Өткізген: Каракаева А.К

Тәрбиеші

Ақтау қаласы

«Ою өрнек - сәніміз»

Білім саласы: «Қатынас», «Шығармашылық», «Таным».

Бөлімі: Тіл дамыту, жапсыру, құрастыру.

Білімділігі: Балаларды халық мәдениетіне үйрету. Балаларды ою – өрнек түрлерімен таныстыру. Ою - өрнек салу арқылы қолды жаттықтырып балалардың шеберлігін ұштау.

Дамытушылығы: Балалардың есте сақтауын, жылдамдық, шапшаңдық қасиеттерін дамыту. Тәрбиелігі: Еңбексүйгіштікке тәрбиелеу. Жұмыс үстінде ұқыптылыққа, сұлулыққа жинақылыққа назар аудара отырып, эстетикалық тәрбие беру.

Сабақтың әдісі: түсіндіру, сұрақ – жауап, сызу, қию, жапсыру.

Дидактикалық материал: ою -өрнектер, желім, трафарет, сурет құралдары, асықтар, манка, сүзгі.

Ұйымдастыру оқу-қызметі барысы:

Балалар музыка әуенімен ортаға шығып шеңбер құрады.

Тәрбиеші: Балалар, бүгінгі біздің оқу қызметіміз қызықты болайын деп тұр. Алдымен менің сұрақтарыма жауап беріңіздерші.

• қазір жылдың қай мезгілі?

• Күз мезгілінде қандай өзгерістер болады?

• Күз мезгілінің неше айы бар?

• Қандай атай қояйық?

• Кім күз мезгілі туралы тақпақ айтып береді?

Жания: Айла:

Толы менде витамин Берекесін сыйлауға

Қызғылт сары апельсин Өлкемізге күз келді

Пайдалымын, тәттімін Жемістерін жинауға

Достарыңмен бөліс сен. Шақырады біздерді.

Тәрбиеші: Жарайсыңдар, балалар! Қандай керемет. Осы күз айында қандай мереке болды 25 Қазанда? (Республика күні, Алтын күз)

- Балалар, біздің Республикамыз қалай аталады?

- Біз қай ұлттың баласымыз?

- Иә, біз қазақпыз, біздің өз рәміздеріміз, тіліміз, салт - дәстүріміз бар. Бүгінгі оқу іс – әрекетіміздің тақырыбы «Ою - өрнектер сәніміз».

- Балалар, әр халықтың өзіне тән ұлттық белгілері бар. Қазақ халқының өзіне тән ерекшеліктерінің бірі – ұлттық ою - өрнектері. Ертеде ою - өрнек арқылы бір нәрсені біліп, үйренуге болған, ол бір мағына ұғымды берген. (видео)

- ал, енді осы ою-өрнектеріміздің суреттерін салып, мүсіндеп, асықтармен ойнап көрейік, келісесіздер ме? (ия)

-Ендеше қолымыздағы асықтардың түсіне қарай үстел жанына орналасамыз.

(балалар қолдарына қарап орналасады)

1 ойын алаңы «Суретшілер»

-балалар трафарет бойынша қошқар мүйіз оюын салады.

2 ойын алаңы: «Асықтар әлемі»

Балалар фетрге салынған оюды асықтармен бастырады.

3 ойын алаңы: «Қол өнер»

Балалар трафарет бойынша платилинмен жаю әдісін пайдаланып ою мүсіндейді және ұнды ою үстіне себелейді.

(балалар жұмыстарын бітіргесін бір-біріне көрсетеді.)

Тәрбиеші: Жарайсыңдар балалар! Жұмыстарыңыз керемет екен.

Ал енді билеп көрейік

Қане қанат қағайық

Құсқанатқа ұқсайық

Ұшып-ұшып алайық\

Орынымызға қонайық.

- Қане, балалар ою өрнек дегеніміз не?

Айқын айта ғой. Ою - өрнек деген сөзіміз латын тілінен алынған, “Орнамент” (әшекей) деген ұғымды білдіреді. Мағынасы сәндеу, әсемдеу деген сөзден шыққан.

Тәрбиеші: Ою - өрнектің қандай түрлерін білесіңдер? (түйетабан, қошқармүйіз, гүл)

Тәрбиеші: Бұл оюлар не үшін бұлай аталған?

Балалар: Түйетабан - түйенің табанына ұқсайды. Қошқармүйіз – қошқардың мүйізіне ұқсайды. Гүл – гүл шоқтарына ұқсайды

Тәрбиеші: Дұрыс айтасыңдар балалар. Балалар осы ою-өрнекті ата-бабамыз өздерін қоршаған табиғаттан, жан-жануарлардан алған екен.

• енді осы ою - өрнек туралы қандай мақал - мәтелдер білесіңдер?

Балалар: « Ою ойғанның – ойы шұқыр»

«Ою ойғанның ойы ұшқыр»

«Ою ойған сызу да сызады.»

Тәрбиеші: енді ою туралы тақпақтар кім біледі.

Әдемі: Тұмарша, қошқар мүйізі Әміржан: Омыртқа, гүл, жапырақ

Түйетабан қой ізі Толқын, қайнар, тарақ

Өрнектеп киіз, алаша Өрнегін салсаң киімге

Сызайық ою тамаша Тұрады кәдеңе жарап.

Қорытындылау және талдау.

Тәрбиеші: жарайсыңдар балалар, бүгінгі біздің ойындарымыз ұнады ма?

Бүгін сабақта не жайлы өттік.Сабақ сендерге ұнадыма? Сабаққа барлығың жақсы қатыстыңдар. Сендерге рахмет.

• Кімге не ұнады?

• Барлығымыз көзімізді жұмамыз, мен сіздерге сый дайындап қойдым, қанекей.

• Балаларға құрт таратылады. Бұл біздің ұлттық тағамдардың бірі.

Балалар: Рахмет

Осымен сабағымыз аяқталды.

Күтілетін нәтиже:

Нені білу керек: Ұлттық ою - өрнек туралы білу.

Нені игеру керек: Берілген жұмыстарды дұрыс орындау.

Нені жасай білу керек: Ою – өрнектерді.