Өзара сенімге, шынайылыққа, бірлікке негізделген командалық жұмысты ұйымдастырудағы көшбасшы рөлі

Ежелден халқымыз:«Бірлігі бар елдің – тірлігі бар», - деп бекер айтпаса керек. Жұдырықтай жұмылып, жүгін бірге көтеріссе ғана мақсат пен мүддеге жетіп, іс оңға басар деген өрелі ойды санама құйып жұмыс істеп келе жатқалы 22 жылдан асып барады. Мен Бекмұрзенова Айгүл Базарханқызы Аққайың ауданы Смирнов №3 орта мектебінде 2007 жылдан бастап директордың оқу ісі жөніндегі орынбасары ретінде қызмет атқарып келемін. Көре-көре көсем, сөйлей-сөйлей шешен болып қалыптасып келе жатқан қызмет бабымда командалық жұмыстың жемісті болуы үшін көшбасшы рөлінің маңыздылығына, нәтижесіне тоқталмақпын.Өйткені осы командалық жұмысты мен өз тәжірибемде тиімді ұйымдастыра алдым деп айта аламын. Себебі командамен жасаған әр жұмысымыз өз нәтижесін беріп отырды. Ал оған дейін әрбіреуіміз турасын айтқанда өз қара басы үшін жұмыс жасайтын. Соған сәйкес нәтижеде ойдағыдай болмайтын. Әріптестер бір-бірінің жетістігіне қуана алмайтын.