Өзін - өзі тану: Жақсы көруді үйренеміз

Жақсы көруді үйренеміз

Құндылық: сүйіспеншілік
Құндылығы: Ізгілік, мейірімділік, қамқорлық.
Сабақ мақсаты: Оқушыларға риясыз сүйіспеншіліктің адам өміріндегі
маңыздылығын ұғындыру арқылы сүйіспеншілік құндылығының мəнін
ашу.
Міндеттері:
Білімділік:Оқушыларға жақсы көрудің мəнін аша отырып,
сүйіспеншілікқұндылығы туралы түсінік беру;
Дамытушылық:Оқушыларды айналасындарға риясыз қарым – қатынас
жасауға баулу;
Тəрбиелік:Оқушыларды ізгілікке, мейірімділікке, риясыздыққа
тəрбиелеу.

Жақсы көру, жақсы көру,
Не деген керемет ең!
Өмірді сезінуге,
Қуанып қөз ілуге
Адамға жақсы көру керек екен.

Дəйексөз.
Кімде кім жақсы көрсе, сол күшті.
Дəйексөзді қалай түсінесіңдер?

Мұғалім сыйы

ҮШ КӨБЕЛЕК(неміс ертегісі)
Күн шуақты алаңқайда апалы-сіңлілі үш көбелек тату-тәтті өмір сүріпті. Олардың біреуіақ, екіншісі — қызыл, үшіншісі — сап-сары екен. Көбелектер гүлден-гүлге қуана ұшыпқонып, өмірлерін көңілді өткізіпті. Бірде тасыр-тұсыр етіп жаңбыр жауып кетеді.
Көбелектердің қанаттары дымқылданып,қайда тығыларын білмей дал болады. Ал,
себелеп жауған жаңбыр тоқтар емес!
Малмандай су болған көбелектер лалагүлге келіп:
— Лалагүл, лалагүл! Бізді жаңбырдан тасалашы! — деп өтінеді.
Лалагүл:— Жарайды, ақ көбелектің түсі маған ұқсайды екен. Мені саяласын!
Ал, қызыл, сары көбелек басқа жерге тығылыңдар! — дейді.
Мұны естіген ақ көбелек:— Менің әпкелерім су болып жүргенде, жалғыз өзім сенің
саяңда қалай жайбарақат отырамын. Оларды да тасаңа тыға алмасаң, онда мен де
отырмай-ақ қояйын… — деп ұшып кетеді.

Үшеуі ұшып келеді, ұшып келеді. Жаңбыр да қоятын түрі жоқ. Қараса, үлкен қызыл
қызгалдақ өсіп тұр екен.
— Қызғалдақ, қызғалдақ! Мүмкін болса, жаңбыр саябырлағанша біз се¬нің ығыңа тығыла
тұрсақ бола ма?
- Қызыл көбелек маған ұқсайды. Соны алайын қалқама. Ал, ақ көбелек пен сары көбелек
басқа орын іздесін! — дейді Қызғалдақ.
- Бұған ренжіген қызыл көбелек:— Сен менің әпкелерімді қабылдағың келмесе, маған да
көмектеспей-ақ қой. Тоңсақ, бірге тоңайық, — деп ұшып кетеді.
- Қызыл көбелек қараса, алдарында үлкен сарғалдақ өсіп тұр. Олар гүл жанына ұшып
келіп:— О, тамаша сарғалдақ! Жаңбыр тоқтағанша сені ықтай тұрайықшы?! -деп өтініш
жасайды.— Жарайды, мен өзім түстес сары көбелекті жаңбырдан қорғай тұрайын.
Басқаларың өзге жер іздеңдер, — деп жауап қайырады.
- Жо-жоқ! Сен менің әпкелеріме көмек бере алмасаң, мен де сені паналамаймын! Одан
да су болғаным артық, — деп жауап қайырып, ұшып кетеді.

Көбелектердің бұл сөздерін бұлттың ар жағында тығылып тұрған күн естіп қалады.
Күн көбелектердің өзара татулығына, ауызбіршілігіне қуанады. Оларға көмектесуге
ұйғарады. Күн бұлттарды ыдыратып жіберіп, аспанға жарқырап шыға келеді.
Жылы шуақтарымен көбелектердің су болған қанаттарын кептіріп, алтындай
сәулелерімен арқаларынан сипайды. Қуанған көбелектер қанаттарын шаттана
қағып, қайтадан көңілдене бастайды. Алаңқайдың көркін кіргізіп, әрі-бері ұша
бастайды.

Сұрақ жауап
• Балалар қалай ойлайсыңдар көбелектер не үшін гүлдерді
паналамады?
• Көбелектердің әрекеті дұрыс деп ойлайсыңдар ма?
• Сендер өз аға – інілерінді, әпке – сіңілдерінді жақсы көресіңдер
ме?
• Оларды қиын сәтте тастап кетпейсіздер ме?

Шығармашылық жұмыстар

Жалғастыр...
Мен ата – анамды жақсы көремін, өйткені…
Мен отбасымды жақсы көремін, өйткені...
Мен Отанымды жақсы көремін, өйткені...
Мен мектебімді жақсы көремін, өйткені...
Мен табиғатты жақсы көремін өйткені...
Мен әлемді жақсы көремін, өйткені...

1 – топ: Жасы кіші балаларды қалай қуантар едіңіз? Жасы үлкен
адамдарға қандай сый құрмет көрсетуге болады? Постер құрау.
2 – топ: Асқан асыл сыйлық (Ертегі)
Ілгері бір заманда Отырар шаһарында бір саудагер болыпты.Оның үш
қызы бар екен. Күндердің бір күнінде саудагер алыс елдерге сауда
жасауға аттанбақ болады да үш қызын шақырып:Ал шырақтарым, мен
алысқа сапар шеккелі отырмын.Сендерге не сыйлық әкелейін
қалауларыңды айтыңдар, - дейді.
Ертегіні өз ойларымен аяқтаңдар.
3 – топ: Жақсы көру сөзіне құрамын/рецепт құрастыру.
4 – топ: Жақсы көруге байланысты төр жолды өлең құрастыру.
5 – топ: Жақсы көруге байланысты мақал құрастыру. (кемінде 2 мақал)

Асқан асыл сыйлық (Ертегі)
Ілгері бір заманда Отырар шаһарында бір саудагер болыпты. Оның үш қызы бар
екен. Күндердің бір күнінде саудагер алыс елдерге сауда жасауға аттанбақ
болады да үш қызын шақырып:
Ал шырақтарым, мен алысқа сапар шеккелі отырмын. Сендерге не сыйлық
əкелейін қалауларыңды айтыңдар, - дейді.
Əке маған бір тізбек ең маржан əкелерсіз, - дейді үлкені.
Ал маған,- дейді ортаншысы, көйлектік ең əдемі жібек əкел.
Екі қызының айтқанын тыңдаған саудагер сүйікті кенже қызынан:Ал,саған қандай
сыйлық əкелейін?- деп сұрайды.
Жан əке, егер сіз аман-сау оралсаңыз содан артық сый болмас.
Əкесі кенже қызының сөзіне риза болыпты.

Топпен ән айту

Жақсы көру
Акыл-ойдын мол кені.
Ата, əже бар менде,
Айтып түрлі ертегі,
Аялайды əнмен де.
Ұайырмасы:
Жақсы қөрем атамды,
Жақсы көрем əжемді.
Асыл сөзді макалды,
Екеуі де əдемі.
Киімімді тазалап,
Ұсынады тамағын
Жатпаймын еш мазалап,
Айтқан тілді аламыш.
Қайырмасы
Тындап əже, атамды,
Береммен декол үшын
Жасы үлкен адамды.
Сыйлай білу борышым.
Қайырмасы

Сүйіспеншілік - сөз бен сезім ғана емес.
Егер сен біреуді жақсы көрсең сөзбен емес,
іспен дәлелде.