2023-2024 оқу жылына арналған

қысқа мерзімді сабақ жоспарларын

жүктеп алғыңыз келеді ма?

ҚР Білім және Ғылым министірлігінің стандартымен 2022-2023 оқу жылына арналған 472-бұйрыққа сай жасалған

Өзін-өзі тану «Жақсылық жолымен жүреміз» 4 сынып.

Материал туралы қысқаша түсінік

«Жақсылық жолымен жүреміз» Мақсаты: Оқушыларға жақсылық жасауға, жаман істерден аулақ болуға үйрету. Сабақ барысы: Ұйымдастыру кезеңі. Сәлемдесу. Сәлеметсіңдер ме оқушылар? Көңіл- күйіміз қалай? Олай болса бүгінгі сабағымыздың тақырыбы: "Жақсылық жолымен жүреміз" деп аталады. Дәйек сөз: «Жақсылық –жан азығы»

Сартаева Алуа Олеговна

Автор материалды ақылы түрде жариялады.
Сатылымнан түскен қаражат авторға автоматты түрде аударылады. Толығырақ

13 Қазан 2020

819

0 рет жүктелген

Өзін-өзі тану Тәрбие сағаты 4 сынып

Бүгін алсаңыз 25% жеңілдік
беріледі

770 тг 578 тг

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Тақырыбы: «Жақсылық жолымен жүреміз»

Мақсаты: Оқушыларға жақсылық жасауға, жаман істерден аулақ болуға үйрету.

Сабақ барысы:

Ұйымдастыру кезеңі. Сәлемдесу.

Сәлеметсіңдер ме оқушылар? Көңіл- күйіміз қалай? Олай болса бүгінгі сабағымыздың тақырыбы: "Жақсылық жолымен жүреміз" деп аталады.

Дәйек сөз: «Жақсылық –жан азығы»

Жақсылық жасау үшін адам бойында адамшылық, жанашырлық, мейірімділік сезімдері мен жылы жүрегі болуы керек. Сонда ол жаман әдеттен жиреніп, жақсы әдетке үйренеді. Қолынан келгенше ешкімді де, ешнәрсені де бөліп жармай, бәріне бірдей жақсылық жасауға ұмтылады. Біз де сондай болуға тиіспіз. Әлемдегі барлық адамдар тек қана жақсылық туралы ойлап, жақсылық жасауға ұмтылатын болса, онда әлемде тыныштық, ынтымақ орнайды, адамдар бақытты өмір сүреді.

Жақсылық амал жұмақ жолы – аңыз ертегіні қарау.

Тапсырма: Адами қасиеттерді білдіретін сөздерді жазыңдар.

Shape3 Shape2 Shape1

Қамқорлық

Адамгершілік

Жанашырлық

Shape6 Shape5 Shape4

Қайырымдылық

Мейрімділік

Сыпайлық

Сұрақтар:

1.Жақсылық жасау дегеніміз не?

* Жақсылық жасау дегеніміз – адамдарға, айнала қоршаған ортаға, табиғатқа деген қайырымдылық пен қамқорлық. Жақсылық жасау – риясыз қызмет ету дегенді білдіреді.

* Жақсылық жасау адамдарды достастырады. Адамға қол ұшын беру, жәрдем ету, жанашырлық таныту, көмек көрсету, қолдау жақсылыққа жатады. Адам жасаған жақсылығын міндет етпеуі керек.

2. Жақсылық туралы мақал-мәтелдер.

* Жақсылық қылсаң жасыр,
Жақсылық көрсең асыр.

* Елге қылған жақсылық,
Еленбей қалмайды.
Еңбек еткен ерінбей -
Кенелмей қалмайды.

* Аз жақсылық -
Ақылды тең етеді.
Көп жақсылық -
Ақылды кең етеді.

* Жақсылық жүрген жерде
Тапшылық болмайды.

3.Жақсылық туралы өлең жолдары:

Жақсылық көрсем – көлдеймін,
Жамандық көрсем – шөлдеймін.
Жақсылық үшін жадырап,
Жанымды жырмен тербеймін.
Жақсылық жаса досыңа,

Бірге ойнаған жасыңнан.

Қиналған кезде әрқашан,

Табылсаң болды қасынан.

Болғың келсе жақсы адам,

Жақсылық жаса әрқашан

"Жақсылық туралы жыр" Фариза Оңғарсынова.

Ей, жарық күн, нұрыңды шаш далама,
шаш нұрыңды қарттарға, жас балаға,
ызғар сіңген жеріме шуақ керек,
мұқтаж оған ауыл да, астана да.

Сәулеңменен себеле үміт демін,
жер бетінен жылыссын күдіктерім.
Адамдардың сатқындық, сұмдығынан
қалжыраған жерімді жібіт менің.

Күңгірттенбей, көтерсін шыңым басын,
қарттарымның ұзартқын ғұмыр жасын.
Қорқыныш пен үрей жер кеуделерде,
қу бәрін де — соңына бұрылмасын!

Кетсін тағы шарықтап алысқа үнім,
қонақтасын ырыс пен табыс күнім.
Ұл-қыздары көтерсін қол ұстасып
қазағымның елдік пен намыс туын.

Жарқырасын шуақ боп алғашқы үміт,
жүректерді жүрекпен жалғастырып.
Адамзатқа бірлік бер, тыныштық бер –
ынтымақтан туындар бар жақсылық!

Қорытынды.

Жақсылық жасау дегеніміз - адамдарға, айнала қоршаған ортаға, табиғатқа деген қайырымдылық пен қамқорлық. Бүгінгі өткен сабағымыздан нені түсіндік, қандай жақсы нәрселерді үйрендік, өзімізге нені алдық сол жөнінде ойланайық. Осының барлығын

жүрегімізге салып, көкейімізге түйіп алайық. Бүгінгі керемет сабақ үшін сіздерге көп рахмет! Сау болыңыздар!

Өзін-өзі тану пәнінің мұғалімі: Сартаева А.О

Материал жариялап тегін сертификат алыңыз!

Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!