«Өзін-өзі тану» пәнінен білгенім...

«Өзін-өзі тану» пәнінен білгенім...

Қазіргі таңда балаға біліммен қатар тәрбие беріп, сана-сезімін дұрыстауға көмектесетін пәндердің бірі-өзін-өзі тану пәні.Бұл пәннің маңызы өте үлкен.Себебі ол оқушының бойына жастайынан мейірімділік, әділдік, ізгілік, қайырымдылық, дұрыс шешім қабылдап үйретеді. Өзін-өзі тану пәні басқа пәндерден ерекшеленетінін түсіндім.Өйткені, ол баланың дұрыс ойлауына, психологиясына, жалпы өз ойын жасырмай сыртқа шығаруына көмектеседі.Бұл пәннің негізгі мақсаты-білім алушының өз-өзін тауып түсінуіне, өзін дамытып, қабілеттерін жасырмай аша білуіне және өмірден өз орнын таба білуіне көмектеседі.

Бізге өзін-өзі тану сабағы болғанда әрқашан рухани байып, өзімізді сөзсіз керемет, арманға жетуге құлшынысымыз оянып тұрған күйде сезінеміз.Әр сабақ сайын жаңа нәрсе үйреніп шығамыз. Сыныптағы ұстазбен, оқушылармен бірге әртүрлі нәрселерді талдап,барлық нәрсеге көзқарасымыз туралы ойымызбен бөлісеміз.Соның арқасында бір-бірімізді тыңдап, пікірлерімізді сыйлап, өзімізді тани түсеміз. «Өзіңді-өзің танысаң-істің басы» деп Шәкәрім атамыз айтып кеткендей, бұл пәннен өзімізді тани түскендейміз.Бұл пән-өзіндік бір ерекше қасиетке ие десем де қателеспеспін.Ұлы Әбу Насыр Әл-Фараби «Адамға ең әуелі білім емес, тәрбие керек, тәрбиесіз білім адамзаттың қас жауы » демекші, бізге сол адамгершілік тәрбиені беретін осы құндылықтарға толы пәннен біз өзімізге керектің бәрін тауып ала аламыз.Тіпті «мен кіммін?» деген сұрақтың өзіне осы пәннен алып жауап бере аламыз. Бұл пәнде мұғалімніңде орны маңызды рөл ойнайды. «Шәкірті зейінді келеді, Ұстазы бейілді болса» деп бекер айтылмаған ғой.Біздің ұстазымыз Гульмира Қизатоллақызы әрдайым бізді тәрбиелеп, пікірімізді сыйлап, дұрыс бағыт көрсете біледі.Соның арқасында бойымызға адамгершілік қасиетті сіңіріп, тура жолдан таймай келеміз.

Мен өзім кішкентайымнан бұл сабақты ұнатамын, әрдайым шығарманы жақсы әрі бар білімімді қосып жазатынмын. Қазіргі таңда мен бұл пәннен үйренгенім өте көп. Бірақ ол білімді тек миымда сақтамай, іс-әрекетпен практика жасауым керек. Жалпы, білім-өмірдің мәні.Дұрыстап меңгерсең, таусылады деп қорықпа.Мысалы, ақшаны сен жинауда көп күш кетіресің, ал жойғанда ол тез таусылады да қалады. Ал білім ше? Білімді жинар кезде қиналатының рас, бірақ оны пайдаға асырғанда, яғни, ісіңмен жүзеге асырғанда ол одан сайын жақсарып, пайдадан басқа ешнәрсе бермейді.Мен қазіргі кезде осы пәннен алған бар білімімді жүзеге асыру үстіндемін.Өзіммен жұмыс жасап жатырмын.Мысалы:көп сөйлемеу, өзіңді бағалау, өмірде өз орныңды табу, адамдарға пайда беру, өзіңді бақытты ету.Жалпы ең басты мақсатым-өмірде өз орнымды табу.Осы мақсатыма жетемін деп сенемін.

Өзін-өзі тану пәні-менің сүйікті пәнім.Адам рухани байып қана қоймай, терең әрі жұмбақ дүниеге еніп кеткендей болады.

Мүбарак Азиза 10 сынып оқушысы

« Жалпы білім беретін Амангелді атындағы орта мектеп» КММ