«Дауленов атындағы мектеп-интернаты» КММ

2016-2017 оқу жылы

Тренинг

Тақырыбы:"Мен таңдаған өмір..."

Орындаған: Сагаева А.Ж.

Мақсаты: оқушыларды шиеленіс жағдайдан шыға білуге үйрету, жағымсыз эмоцияны шығару, жою, оқушылардың қарым-қатынас жасауын жақсарту.

Керекті құралдар: плакат, түрлі-түсті қағаздар, тапсырмасы бар балықтар, интерактивті тақта.

Шарты: қатысушылар ортаға шығып, бір-бірімен емін-еркін жүріп амандасады.

І. «Ойлануға арналған балықтар»жаттығуы.

Бір-бірімізді жақын тану үшін әрбіреулеріңе балық аулауды ұсынамын.

Топтың әр қатысушысы «балық аулайды», өзенде жүзіп жүрген аяқталмаған сөйлемі бар үлестірмелі балықтарды алады да, өз сөздерімен аяқтайды.

Үлестірмедегі сөйлемдер: Ең үлкен қорқыныш-бұл... Мен мынадай адамдарға сенбеймін ... Мен ренжимін, егер ... Егер мен сенімді болсам, ...

Психолог: Сөйлемді аяқтағанда қандай сезімде болдыңдар? Әрине әрқайсымыз қорқыныш, сенімсіздік, сәтсіздік сезімдерінен өттік. Ренжіген, нашар көңіл-күй немесекөңілсіздік болған шығар. Бұл сәтте қолдау мен сүйенішті қажет етеміз. Ежелгі кезде адамдар өздеріне бойтұмарлар ойлап табатын.

ІІ. «Өзіңді теңей біл» жаттығуы. Мақсаты: қатысушылардың көңіл-күйін көтеріп, өмірге көзқарасын кеңейту.

Психолог: Сендер өздеріңді бір затқа немесе табиғат жаратылысына теңейсіңдер. Ол «МЕН» деп есептейсіңдер.

Қатысушы: Мен өзімді бұлаққа теңеймін. Өйткені мен бұлақпын. Мен жануарларды, адамдарды қоректендіремін. Менің бұл өмірге пайдам көп. Өйткені мен өмірге қорекпін.

ІІІ. Ертегі терапиясы арқылы әңгіме құрастырып, талдау жасалады. «Бақытты адамның көйлегі» ертегісін жалғастырады.

IV.Слайд көрсету. (Осы сүрген өміріңді қанағат тұт, өмірді ұға біл)

V. «Биіктік» жаттығуы. Мақсаты: оқушылардың өмірлік жетістіктеріне жету мақсатына талпындыру, сенімділігін нығайту.

Жаттығу барысы: қатысушылардың біреуі шығады. Оған мынадай нұсқау беріледі. «Қабырғаға жақын тұр, сосын секір. Қай жерге дейін секіргенін белгілеу. Енді барынша жоғары секір.Төбеге дейін жетуге тырыс. Секіріп жеткен жеріңді белгіле».

Қатысушылар төмендегі сұрақтарға жауап береді: -Белгі қойылған биіктіктердің айырмашылығы болды ма? -Бұл айырмашылыққа не әсер етті? -Қалай ойлайсыңдар, өмірде де осындай жағдайлар кездесе ме?

VI. «Сенімділік» жаттығуы. Мақсаты: оқушыны стресстік жағдайдан арылтып, сенімділікке үйрету.

Шарты: оқушыларға бос ақ парақ таратылады. Сол парақты теңдей етіп екіге бөлу ұсынылады. Ол бөліктерді 1,2 деп белгілеп, 1-ші бөлікке жағымды қасиеттерін, 2-ші бөлікке жағымсыз қасиеттерін жазуы керек. Жағымды қасиеттерін өздерінде қалдырып, жағымсыз қасиеттерін жыртып, қоқыс жәшігіне салады.

"Өмірді бағалаңыз"бейнеролик

Рефлексия: бүгінгі тренингтен алған әсерін және достарына, өздеріне арналған тілектерін жазып, «тілек» ағашына апарып жапсырады.