Өзіңді жақсылықпен таразыла

Сабақтың мақсаты:жақсылық жасау,құрмет,адамгершілік құндылығы туралы түсініктерін кеңейту.

Міндеттері:

̶ Адамдар арасындағы жақсылықты түсіндіру;

̶ Жақсылық жасау іскерліктерін дамыту;

̶ Үлкендерді сыйлауға,кішілерге қамқор болуға тәрбиелеу.

Сабақ барысы:

1. Ұйымдастыру кезеңi.

- Сәлемдесу.

- Оқушыларды түгендеу.

- Сыныптың жалпы сабаққа дайындығын тексеру.

- Тыныштық сәті «Теңіз түбіне саяхат»

Ырғақты баяу музыка қосылып тұрады.

(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Ресурстар:(құралдар, мәлiметтер)

1. Үй тапсырмасын тексеру:

Дәптерде орындауға берілген тапсырманы тексеріп шығамын.

Сабақ барысын талқылау:

Әңгiмелеу (сұхбат).

Жүре алмайтын бала

1. Павлик Василекті қалай қуантты?

2. Көмекке мұқтаж адамдарға жақсылық жасау қаншалықты маңызды деп ойлайсыңдар?

3. Жақсылық жасау арқылы адам нені үйренеді?

Дәйек сөз.

Жақсылықтың үлкен-кішісі болмайды.

Нақыл сөз

Бұл сөзден қандай ой түюге болады?

Жақсылық жасау оңай ма?

Шығармашылық жұмыс, топтық жұмыс

1-тапсырма

Кестені толтырыңдар.Оларға қандай жақсылық жасар едіңдер?

2- тапсырма

Жағдаятты шешіңдер.

Топпен ән айту.

«Бақытты балалар» әні топпен орындайды.

Сөзін жазған Қ.Мүсірепов

Әнін жазған И.Нүсіпбаев

Біз көңілді ұланбыз,

Ән шырқаймыз,сайрандап.

Бақытты елде туғанбыз,

Жаз гүліндей жайрандап.

Бөбектерді қуантып,

Құрметтейміз қарттарды.

Өнерге біз құмартып ,

Өсіреміз бақтарды.

Шынығамыз,ойнаймыз,

Жас ұрпақпыз талапты.

Жаз қызығын тойлаймыз,

Жақсы оқимыз сабақты.

Үйге тапсырма.

Келесі сабақта өтілетін «Ананың сүйіспеншілігі» мәтінін оқып келу

Қорытынды