Ақтөбе қаласының білім бөлімі ММ

№7 «Арман» бөбекжай балабақшасы МКҚК

«Көкөністер мен жемістер» пайдалы тағамдар

Тақырыбында өткізілген ашық сабақ

Тәрбиеші: Нургали Назерке Айдыновна

Ақтөбе қаласы 2025 жыл

Тақырыбы: Көкөністер мен жемістер
Тобы: №5 Тіл мүкістігі бар ересек топ

Ұйымдастыру кезеңі

Тәрбиеші:
— Балалар, шеңберге тұрайық. Бір-бірімізге күлімдеп, жақсы көңіл күй сыйлайық.
Балалар: (күлімсірейді)
— Сәлеметсіз бе!

Сергіту сәті : Биле

Артикуляциялық жаттығулар:

• «Дәмді тосап» – тілді жоғары-төмен жылжыту

• «Кір жуғыш машина» – ауызды дөңгелету

• «Кемпірқосақ» – тілді екі жаққа созу

• «Сағат» – тілді оңға-солға қозғалту.

• «Күлкі» – ауызды кең ашып, тісті көрсету.

Тәрбиеші:
— Бүгін біз тіл жаттықтырып алып, Сабағымызды бастаймыз.

II. Тақырыпқа кіріспе

(үстелге үлкен себет қояды.)

Тәрбиеші:
— Бұл себетте ерекше бір заттар бар. Қане, ішін ашып қарайық.
(Себеттен алма, сәбіз, қияр, жүзім т.б. шығарады.)
— Бұл не деп ойлайсыңдар?

Балалар:
— Жемістер! Көкөністер!

Негізгі бөлім

1. Заттарды таныстыру және дыбыстау

Тәрбиеші:
— Мынау алма. (Балалар қайталайды: ал-ма.)
— Түсі қандай?
— Дәмі қандай?

Балалар:
— Қызыл. Тәтті.

Қиын дыбыстарды бекіту:

• С – сәбіз, салат, сары

• Қ – қияр, қоңыр, қалықтау

• Ж – жүзім, жапырақ

Ойын: «Жеміс пе, көкөніс пе?»

Үстелге аралас суреттер жайылады.

Тәрбиеші:
Екі бала шығып жемістерді оң жақ себетке, көкөністерді сол жақ себетке текшенің көмегімен саламыз.

Балалар жабыстыратын таяқшамен суреттерді ажыратады.

Сергіту сәті – «Қайтала»

Қимылдармен:
Экранда көрсетілгендей қайталап жасайды.

Топқа бөлу :

1 топ: Сөйлем құрастыру

Тәрбиеші:
— «Алма…» деген сөзбен сөйлем құрайық.

Балалар:
— Алма тәтті.
— Қызыл алма үлкен.

«Сәбіз», «қияр», «жүзім» сөздерімен қайталанады.

2 топ «Жемісті тап!»

Тәрбиеші сипаттама береді:
— Ол жасыл, ол дөңгелек, ол шырынды…
Балалар табады: алма.

3 топ: Құрт жеген көкөністерді пластилиннің көмегімен бітейді.

4 топ : Әр түрлі пішіндерді жемістін түсіне байланысты орналастырады.

5 топ : Суретті құрастыр .

Ойын: «Кестеле»

Балалар өзіне берілген суреттерді өзінің түсіне байланысты ине мен жібін таңдап тігіп шығады.

Тәрбиеші:
— Бұл не? Қандай жеміс? Қандай көкөніс?

Қорытынды

Тәрбиеші:
— Бүгін біз не үйрендік?
— Қандай жемістерді білесің?
— Қандай көкөністі жейсің?

Балалар жауап береді.

Мадақтау:
— Жарайсыңдар! Бәрің өте жақсы қатыстыңдар!