Ұзақ мерзімді жоспардың тарауы:

Көпбұрыштар. Төртбұрыштарды зерттеу

Мектеп: №115 Оразбай атындағы негізгі орта мектебі

Күні:

Мұғалімнің аты-жөні: Садырбаева Клара Сламбековна

Сынып: 8

Қатысқандар:

Қатыспағандар:

Сабақтың тақырыбы

Параллелограмм, ромб, тіктөртбұрыш, шаршы және олардың қасиеттері мен белгілері

Осы сабақта қол жеткізілетін оқу мақсаттары (оқу бағдарламасына сілтеме)

8.1.1.6

тіктөртбұрыш, ромб, шаршы анықтамаларын білу және олардың қасиеттері мен белгілерін қорытып шығару;

Сабақтың мақсаты

Барлық оқушылар: тіктөртбұрыш, ромб, шаршы фигураларының анықтамаларын біледі және басқа көпбұрыштардан ажырата алады.

Басым бөлігі: тіктөртбұрыш, ромб, шаршы белгілері мен қасиеттерін есептер шығаруда қолдана алады.

Кейбір оқушылар: тіктөртбұрыш, ромб және шаршының қасиеттерін қолдана отырып дәлелдеуге арналған есептерді орындай алады.

Ойлау дағдыларының

деңгейі

Білу, түсіну, қолдану

Бағалау критерийі

Білім алушы

• Тіктөртбұрыштың, шаршының, ромбының анықтамасын біледі, қасиеттерін ажыратады;

• Тіктөртбұрыштың, шаршының, ромбының қасиеттері мен белгілерін қолданып, есептер шығарады.

Тілдік мақсаттар

Оқушылар:

• Тіктөртбұрыштың, ромбының, шаршының анықтамаларын ауызша тұжырымдай біледі.

• Бөлімнің ұғымдары мен терминдерін түсінеді және қолданады;

Пәнге қатысты лексика:

• көпбұрыш

• дөңес көпбұрыш

• көпбұрыш элементтері

• көпбұрыштың ішкі және сыртқы бұрыштары

• сыбайлас және вертикаль бұрыштар

• диагональ

• параллелограмм

• тіктөртбұрыш

• ромб

• шаршы

• төртбұрыштардың қасиеттері мен белгілері

Диалогтер мен жазу үшін қолданылатын тіркестер:

• … тіктөртбұрыш деп аталады;

• Параллелограмм дегеніміз …

• … шаршы деп аталады;

• … ромб деп аталады

• … көпбұрыштың диагоналі дегеніміз …;

Құндылықтарға баулу

"Мәңгілік Ел" жалпыұлттық идеясының құндылығының негізінде

оқушылардың шығармашылық өсуіне, ортамен ынмақтастық қарым- қатынас орнатып, өмір бойы білім алуына баулу.

Пәнаралық байланыс

Бейнелеу пәнінің «Көпбұрыштарды кескіндеу» бөлімімен, ағылшын және орыс тілі пәндерінде «сөздікпен жұмыс», алгебра пәнінде «Мәселе есептерді теңдеу құру арқылы шешу», музыка пәнімен

Алдыңғы білім

Үшбұрыш теңдігінің белгілері, тең бүйірлі үшбұрыштың қасиеттері, бұрыштың түрлері, көпбұрыш және оның түрлері, параллелограммның анықтамасы, қасиеттері мен белгілері

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

2 минут

3 минут

2 минут

Ұйымдастыру кезеңі:

Сәлемдесу, түгендеу, психологиялық дайындық жасау.

«Шаттық шеңбері» әдісі арқылы

«Жақсы сөз-жан шуағы» оқушылар бір-біріне тілек айтып, жылы лебіздер білдіреді, көңіл күйін көтереді.

Ү й тапсырмасын «Сағат тілі» әдісі арқылы тексеру. №57,58,59. Мұнда әр оқушы сағат тілімен бір-бірінің есептерін тексереді. Жауаптарын интер белсенді тақтада көрсетемін. Есепті дұрыс орындаған оқушыларды ынталандыру мақсатында қалыптастырушы бағалау (жарайсың, керемет, мен саған сенемін) жүргізіп отырамын және оқушылар өзін-өзі бағалайды, өзара бағалайды.

Топқа бөлу: Оқушыларды «Санамақ» әдісі арқылы сандар жазылған геометриялық фигуралармен топқа бөлемін (І топ –«Тіктөртбұрыш», ІІ топ- Ромб, ІІІ топ – Шаршы).

Сабақтың тақырыбын «Ассоциативті қатар» әдісі арқылы анықтау. Тақтаға «Төртбұрыштар» сөзі жазылады. Оқушылар жазылған сөзден пайда болған пікірлерін бір параққа жазып шыққан соң, ойларымен бөлісіп артық деп санаған сөздерді алып тастайды да, сабақ тақырыбын тұжырымдайды.

Қалыптастырушы бағалау «Шапалақ, бас бармақ, мадақтау» арқылы

жүргіземін

Геометрия 8 сынып оқулығы

Шыныбеков А.Н.

«Атамұра» баспасы

Плакат және маркер

Сабақтың ортасы

2 минут

«Сократ» әдісі

6 минут

«Сәйкестендіру»

2 мин

Бізді қоршаған өмірдегі төртбұрыштарға оқушылар мысал келтіреді.

Оқушыларға білім алудың «Сократ» әдісі арқылы әрбір топ әр түрлі жаңа мәліметті жан –жақты қарастырып, зерттеп игеруіне, сөйлеу, тыңдау дағдыларын дамытуға жағдай жасайды.

Тапсырма:

1)тіктөртбұрыш пен шаршының

2) тіктөртбұрыш пен ромбының

3) ромбы мен шаршының ортақ қасиеттерін және айырмашылықтарын салыстырып, әр топ бір-біріне түсіндіреді. Бір топ түсіндіріп жатқан кезде екінші топ мүшелері қастарына келіп, тыңдайды. Түсінбеген сұрақтарын қояды.

Ой қозғау сұрақтары:

1. Ромб дегеніміз не, қасеттері мен белгілерін атаңыз.

2. Тіктөртбұрышқа тән қасеттерді атаңыз

3. Шаршының ерекшеліктерін атаңыз.

4. Параллелограмм тіктөртбұрыш болу үшін оның диагональдары қандай шартты қанағаттандыруы керек?

5. Қандай жағдайда ромб квадрат болады?

6. Қандай төртбұрыштың төбелері квадраттың қабырғаларының орталары болады?

7. Ромбыға тіктөртбұрыш арқылы және кері анықтама беріңдер

8. «Тіктөртбұрыш» ұғымын «шаршы» ұғымы арқылы анықтауға бола ма?

Сырттай бақылап, бағыт-бағдар бере отырып қалыптастырушы бағалауды «Смайликтер» арқылы жүргіземін.

С абақта қолданылатын ұғымдарды үш тілде айтып шығады

Бұрыш – Угол - Angle

Triangle – Треугольник - Үшбұрыш

Төртбұрыш-четырехугольник-rectangle

Шаршы-квадрат-square

Ромб-ромб-rhombus

Диагональ-диагональ- diagonal

слайдтар

Геометрия 8 сынып оқулығы

Шыныбеков А.Н.

«Атамұра» баспасы

«Классифика-циялау» әдісі

3 мин

«Сергіту» сәті

4 минут

«Елші» әдісі

10 минут

Оқушылар фигураларды қасиеттеріне қарай жіктеп жазады

ТӨРТБҰРЫШ

Дөңес төртбұрыш

Дөңес емес төртбұрыш

Параллелограмм

Тіктөртбұрыш

Ромб

Қалыптастырушы бағалауды «Бағдаршам» әдісі арқылы жүргіземін

Идеяларды жинақтап, түйіндеу, кері байланыс жасау үшін «МИКС жаттығуы» әдісі қолданамын. Әр топ шығармашылық көзқарас білдіреді. Тақтаға түйінді 9-10 тірек сөздер жазылады. Ромб, шаршы, тіктөртбұрыш, диагональ, бұрыш, параллелограмм, дөңес көпбұрыш, үшбұрыш, сыртқы және ішкі бұрыштар, биіктік, биссектриса.

1-ші топ – өлең шығару, 2-ші топ – суреттеу, 3-ші топ –бір әннің әуеніне салып, топпен орындайды.

Тапсырмалар: топтық жұмыс

Оқушылар берілген тапсырмалары бойынша өздеріне тиісті есептерді ғана шығарады, берілген тапсырманың жауабын оқушылар «Елші» әдісі арқылы әр топтан бір-бір оқушы тапсырманы тексеруге келесі топқа барады.

1-тапсырма .

Берілгені: ромб, ВД -диагональ

А=50⁰

Табу керек: -?

Дескриптор: Білім алушы

- сызбасын салады;

- ромб диагональдарының қасиеттерін қолданады;

- ромб бұрышының қасиеттерін қолданады;

- ромб бұрыштарын табады.

-жауабын негіздейді

2-тапсырма

Егер тіктөртбұрыштың диагональдары перпендикуляр болса, онда тіктөртбұрыштың шаршы болатынын дәлелдеңіз.

Дескриптор: Білім алушы

- сызбасын салады;

-тіктөртбұрыштың диагональдарының қасиеттерін қолданады;

- үшбұрыштар теңдігінің белгілерін қолданады;

- өз тұжырымын дәлелдейді.

3-тапсырма

Тіктөртбұрыш диагональдарының арасындағы бұрыштардың қатысы, 2:7 қатынасындай. Тіктөртбұрыштың диагональдары мен қабырғаларының арасындағы бұрыштарды табыңыз.

Дескриптор: Білім алушы

- сызбасын салады;

-тіктөртбұрыштың диагональдарының қасиеттерін қолданады ;

- сыбайлас бұрыштардың қасиетін қолданады;

- тең бүйірлі үшбұрыш қасиеттерін қолданады;

- тіктөртбұрыштың диагоналы мен қабырғаларының арасындағы бұрыштарды анықтайды

-өз тұжырымын дәлелдейді

С абақ барысында «Бағдаршам» әдісі арқылы қалыптастырушы бағалау жүргізіледі.

«Қалыптастырушы бағалау тапсыр-

малары» жинағы

Сабақтың соңы

4 минут

2 минут

Сабақты қорытындылау. Тест тапсырмалары.

І нұсқа

1. Кез келген тіктөртбұрыш … болады

а) Ромб
б) шаршы
в) Параллелограмм

2. Тіктөртбұрыштың

а) қарама қарсы қабырғалары параллель және диагональдары тең
б) диагональдары қиылысу нуктесінде тең екіге бөлінеді және бұрыштарының биссектрисасы болып табылады
в) екі бұрышы тік және екі қабырғасы тең

3.  Бір бұрышы тік болатын ромб ... болады

а) Шаршы
б) Тіктөртбұрыш
в) Параллелограмм

4.  Қай төртбұрыш басқа төртбұрыштардың қасиетіне ие?

а) Тіктөртбұрыш
б) Ромб
в) шаршы

5.  Егер параллелограмның диагональдары тең болса, онда бұл параллелограмм ... болады

а) Ромб
б) Тіктөртбұрыш
в) шаршы

ІІ нұсқа

1. Кез келген шаршы … бола алады

а) Параллелограмм
б) Тіктөртбұрыш
в) Ромб

2. Егер параллелограмның диагональдары перпендикуляр болса, онда бұл параллелограмм - … болады

а) Ромб
б) Шаршы
в) Дұрыс жауабы жоқ

3. Ромбтың …

а) Барлық бұрыштары тең
б) Барлық қабырғалары тең
в) Диагональдары тең

4. Бір бұрышы тік болатын параллелограмм … болады.

а) Тіктөртбұрыш
б) шаршы
в) Ромб

5.  Егер төртбұрыштың диагональдары перпендикуляр болса, онда бұл төртбұрыш - … болады.

а) Ромб
б) шаршы
в) Дұрыс жауабы жоқ

Дескриптор: білім алушы

• Тікттөртбұрыш, ромб, шаршы фигураларының анықтамасын қолданады;

• Тіктөртбұрыш, ромб, шаршы фигураларының қасиеттерін салыстырып, қорытынды шығарады

Оқушылар жеке орындайды, қабілеті жоғары оқушылар қабілеті әлсіз оқушылардың жұмысын тексеріп, қате болса түсіндіру жұмыстарын жүргізеді.

Рефлекция. Оқушыларға рефлекция парақшасы таратылады.

Ү йге тапсырма: №87, №89

Рефлексия парақшасы

Саралау – Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?

Бағалау – Сіз оқушылардың материалды игеру деңгейін қалай тексеруді жоспарлап отырсыз?

Денсаулық және қауіпсіздік техникасын сақтау

Мен өзімнің қысқа мерзімді жоспарымда саралаудың Диалог және қолдау көрсету тәсілін «Сағат тілі», «Асссоциативті қатар» әдістерімен жүзеге асырамын. Үй тапсырмасын пысықтау кезінде «Сағат тілі» әдісін қолдану мотивациясы төмен оқушылардың өз ойын білдіруіне мүмкіндік береді. Бұл тәсілде сөзбен қолдау көрсету және ынталандыру да маңызды рөл атқарады.

Тапсырма тәсілімен саралауды «Елші» әдісі арқылы оқушылардың қажеттіліктеріне қарай (көмек керек пе, әлде күрделі тапсырмалар беру керек пе) тапсырмаларды беру арқылы жүзеге асырамын.

Қорытынды тәсілін «Сократ» және «Классификациялау» әдісі арқылы жүргіземін. Оқушыларға бағытталған нұсқау беремін, олар өздерінің әлсіз және мықты тұстарына қарай жауап береді. Қабілеті жоғары оқушылар қабілеті төмен оқушыларға көмектесуге мүмкіндік жасаймын.

Оқушылардың диалог жүргізу барысында ауызша мадақтаулар беремін.

Сабақ барысында

-Шапалақ, бас бармақ;

-Смайликтер;

-Мадақтау арқылы бағалап отырамын

Сабақтың соңғы бөлімінде рефлексия форматында «Кемені бояу» әдісі арқылы кері байланыс орнатамын.

Сыныпта парта мен орындықтардың оқушы денсаулығына зиян келтірмейтіндей етіп орналастырыуна басты назар аударамын. Сызу мен жазу құралдарымен қауіпсіз жұмыс жасау техникасын ескертемін

Сабақ бойынша рефлексия

Сабақ мақсаттары немесе оқу мақсаттары шынайы, қолжетімді болды ма?

Барлық оқушылар оқу мақсатына қол жеткізді ме? Егер оқушылар оқу мақсатына жетпеген болса, неліктен деп ойлайсыз? Сабақта саралау дұрыс жүргізілді ме?

Сабақ кезеңдерінде уақытты тиімді пайдаландыңыз ба? Сабақ жоспарынан ауытқулар болды ма және неліктен?

Бұл тарауды сабақ туралы рефлексия жасау үшін пайдаланыңыз. Сол бағандағы өзіңіз маңызды деп санайтын сұрақтарға жауап беріңіз.

Жалпы бағалау

Сабақта ең жақсы өткен екі нәрсе (оқыту мен оқуға қатысты)?

1:

2:

Сабақтың бұдан да жақсы өтуіне не оң ықпал етер еді (оқыту мен оқуға қатысты)?

1:

2:

Осы сабақтың барысында мен сынып туралы немесе жекелеген оқушылардың жетістіктері/ қиыншылықтары туралы нені анықтадым, келесі сабақтарда не нәрсеге назар аудару қажет?